ព្រឹត្តិការណ៍ - នយោបាយ ព្រឹត្តិការណ៍ - នយោបាយ

24/06/2026 - 22:01

ផ្តុំកម្លាំងអនុវត្តមានប្រសិទ្ធភាព "យុទ្ធនាការ ៥០០ ថ្ងៃយប់ ជំរុញការស្វែងរក ប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលីដែលខ្វះព័ត៌មាន"

(CTO) - នោះគឺជាកិច្ចចង្អុលការរបស់លោក ឡេក្វាងទុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុង ប្រធានគណៈប្រតិភូរដ្ឋសភាក្រុង លេខាគណៈកម្មាធិការបក្សយោធាក្រុងកឹងធើ នៅក្នុងកិច្ចប្រជុំគណៈកម្មាធិការបក្សយោធាក្រុង ៦ ខែដើមឆ្នាំ ២០២៦ ដែលប្រព្រឹត្តទៅនៅព្រឹកថ្ងៃទី ២៤ ខែមិថុនា។

ឧត្តមសេនីយ៍ត្រី ង្វៀងមិញត្រេវ មេបញ្ជាការរងយោធភូមិភាគ៩; លោក ត្រឿងកាញ់ត្វៀង អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុងកឹងធើ; វរសេនីយ៍ឯក ផាមង៉ុកក្វាង អនុលេខាប្រចាំការនៃគណៈកម្មាធិការបក្សយោធាក្រុង ស្នងការនយោបាយនៃបញ្ជាការដ្ឋានយោធាក្រុង; ព្រមទាំងថ្នាក់ដឹកនាំមន្ទីរ គណៈ ផ្នែកនានារបស់ក្រុងនិងភូមិភាគបានអញ្ជើញចូលរួមក្នុងកិច្ចប្រជុំនេះ។

ថ្នាក់ដឹកនាំបញ្ជាការដ្ឋានភូមិភាគ ៩ គណៈកម្មាធិការបក្សក្រុង គណៈកម្មាធិការប្រជាជនក្រុង និងស្នងការនយោបាយនៃបញ្ជាការដ្ឋានយោធាក្រុង បានអញ្ជើញចូលរួមក្នុងកិច្ចប្រជុំ។

ក្នុង ៦ ខែដើមឆ្នាំ ២០២៦ គណៈកម្មាធិការបក្សយោធាក្រុងកឹងធើ បានធ្វើសេនាធិការទាន់ពេលជូនគណៈកម្មាធិការបក្សក្រុង និងគណៈកម្មាធិការប្រជាជនក្រុង ចង្អុលការនិងអនុវត្តល្អនូវការងារយោធា ការពារប្រទេសនិងការពារព្រំដែន ជាពិសេសគឺការងារជ្រើសយោធិន ការហ្វឹកហ្វឺនដំណាក់កាលទី១ និងការត្រៀមលក្ខណៈប្រយុទ្ធ... សកម្មភាពការងារបក្ស ការងារនយោបាយ បានផ្សព្វផ្សាយអនុវត្តយ៉ាងទូលំទូលាយ និងព្រមៗគ្នានៅគណៈកម្មាធិការគ្រប់ថ្នាក់ ដោយសម្រេចបាននូវប្រសិទ្ធភាពជាក់ស្តែង។ ការងារកសាងបក្សមានការរីកចម្រើនច្រើន សមត្ថភាពដឹកនាំ និងកម្លាំងប្រយុទ្ធរបស់កងជួរគណៈកម្មាធិការបក្ស អង្គការបក្ស និងបក្ខជនបានលើកកម្ពស់។ គណៈកម្មាធិការបក្សយោធាក្រុងបានចង្អុលការ ធានាឱ្យបានល្អនូវការងារភស្តុភារ - បច្ចេកទេស និងហិរញ្ញវត្ថុបម្រើដល់ភារកិច្ចជាប្រចាំនិងភារកិច្ចបន្ទាន់ៗរបស់កងកម្លាំងប្រដាប់អាវុធ; អនុវត្តល្អនូវគោលនយោបាយសមរភូមិក្រោយ។

វរសេនីយ៍ឯក ផាមង៉ុកក្វាង អនុលេខាប្រចាំការនៃគណៈកម្មាធិការបក្សយោធាក្រុង ស្នងការនយោបាយនៃបញ្ជាការដ្ឋានយោធាក្រុងកឹងធើ រាយការណ៍សង្ខេបអំពីលទ្ធផលនៃការដឹកនាំអនុវត្តភារកិច្ចក្នុង ៦ ខែដើមឆ្នាំ និងទិសដៅភារកិច្ច ៦ ខែចុងឆ្នាំ២០២៦។

លោក ត្រឿងកាញ់ត្វៀង អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុង ថ្លែងមតិនៅក្នុងកិច្ចប្រជុំ ។

ថ្លែងមតិក្នុងកិច្ចប្រជុំ លោក ត្រឿងកាញ់ត្វៀង បានស្នើឱ្យមន្ទីរ គណៈ ផ្នែកនានារបស់ក្រុង និងភូមិភាគ បង្កើនកិច្ចសហការជាមួយបញ្ជាការដ្ឋានការពារព្រំដែនក្រុងកឹងធើ លើគ្រប់វិស័យការងារទាំងអស់; បន្តត្រួតពិនិត្យ ជំនួយមធ្យោបាយដល់កងកម្លាំងយោធា និងកងកម្លាំងការពារព្រំដែនក្នុងការបំពេញភារកិច្ច; យកចិត្តទុកដាក់បង្កលក្ខណៈងាយស្រួល ដើម្បីឱ្យកម្មាភិបាល និងយុទ្ធជននៅតាមបញ្ជាការដ្ឋានយោធាឃុំ សង្កាត់ ស្ងប់ចិត្តបំពេញការងារ...

ឧត្តមសេនីយ៍ត្រី ង្វៀងមិញត្រេវ មេបញ្ជាការរងនៃយោធភូមិភាគ ៩
ថ្លែងមតិនៅក្នុងកិច្ចប្រជុំ ។

តំណាងឱ្យគណៈកម្មាធិការបក្ស និងបញ្ជាការដ្ឋានយោធភូមិភាគ ៩ ឧត្តមសេនីយ៍ត្រី ង្វៀងមិញត្រេវ បានវាយតម្លៃខ្ពស់ និងស្ងើចសរសើរចំពោះលទ្ធផលដែលគណៈកម្មាធិការបក្សយោធាក្រុងសម្រេចបានក្នុង ៦ ខែដើមឆ្នាំ ២០២៦។ ទន្ទឹមនឹងនោះ លោកបានស្នើឱ្យគណៈកម្មាធិការបក្សយោធាក្រុង បន្តចង្អុលការ ដឹកនាំអនុវត្តប្រកបដោយប្រសិទ្ធភាពនូវរាល់សារាចរ សេចក្តីសម្រេចចិត្ត និងសេចក្តីសន្និដ្ឋានរបស់គណៈកម្មាធិការបក្សគ្រប់ថ្នាក់ ស្តីពីភារកិច្ចយោធា ការពារប្រទេស និងការពារព្រំដែន ត្រួតពិនិត្យ និងបំពេញបន្ថែម ធ្វើឱ្យសុក្រឹតប្រព័ន្ធឯកសារត្រៀមលក្ខណៈប្រយុទ្ធ និងប្រតិបត្តិការសឹកស្របទៅនឹងស្ថានភាពជាក់ស្តែង។ គណៈកម្មាធិការបក្សយោធាក្រុង ចង្អុលការធ្វើសមយុទ្ធនៅតាមបណ្តាអង្គភាពឱ្យសម្រេចតាមផែនការ និងធានាសុវត្ថិភាពដាច់ខាត; អនុវត្តល្អនូវភារកិច្ចអប់រំនយោបាយ និងសតិអារម្មណ៍ជូនកម្មាភិបាល និងយុទ្ធជន; ជំរុញការកែទម្រង់រដ្ឋបាលយោធា និងផ្លាស់ប្តូរឌីជីថលក្នុងកងកម្លាំងប្រដាប់អាវុធ; យកចិត្តទុកដាក់គិតគូរជីវភាពសម្ភារៈ និងស្មារតីជូនកម្មាភិបាល និងយុទ្ធជន...។

លោក ឡេក្វាងទុង សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុង ប្រធានគណៈប្រតិភូរដ្ឋសភាក្រុង និងជាលេខាគណៈកម្មាធិការបក្សយោធាក្រុងកឹងធើ ថ្លែងមតិបិទកិច្ចប្រជុំ។

ថ្លែងមតិបិទកិច្ចប្រជុំ លោក ឡេក្វាងទុង បានស្នើឱ្យគណៈកម្មាធិការបក្សក្រុង បន្តម្ចាស់ការស្រាវជ្រាវ និងក្តាប់ច្បាស់នូវស្ថានភាព ធ្វើសេនាធិការត្រឹមត្រូវ ចំគោលដៅ និងទាន់ពេលវេលាជូនគណៈកម្មាធិការបក្សក្រុង ក្រុមប្រឹក្សាប្រជាជន និងគណៈកម្មាធិការប្រជាជនក្រុងក្នុងការដឹកនាំ ចង្អុលការភារកិច្ចយោធាការពារប្រទេស និងការពារព្រំដែន; ផ្តោតលើការដឹកនាំលើកកម្ពស់គុណភាពហ្វឹកហ្វឺននិងត្រៀមប្រយុទ្ធ។ ទន្ទឹមនឹងនោះ សហការក្តាប់ច្បាស់ស្ថានភាពភូមិសាស្រ្ត ជាពិសេសភូមិសាស្រ្តសំខាន់និងខ្សែបន្ទាត់ព្រំដែនសមុទ្រ; រក្សាម៉ឺងម៉ាត់នូវរបបប្រចាំការនៅតាមគណៈកម្មាធិការបក្សគ្រប់ថ្នាក់; ត្រៀមលក្ខណៈគ្រប់គ្រាន់នូវកម្លាំង មធ្យោបាយ ចូលរួមបង្ការនិងប្រឆាំងគ្រោះមហន្តរាយធម្មជាតិ សង្គ្រោះបន្ទាន់ និងការពារសុវត្ថិភាពបណ្តាគោលដៅសំខាន់ៗ។

គណៈកម្មាធិការបក្សយោធាក្រុងបន្តដឹកនាំ និងចង្អុលការយ៉ាងម៉ឺងម៉ាត់នូវការងារសមយុទ្ធឆ្នាំ ២០២៦ ធានាត្រឹមត្រូវតាមគោលបំណង ស្របនឹងភាពជាក់ស្តែង និងសុវត្ថិភាពដាច់ខាតចំពោះមនុស្ស អាវុធ និងបរិក្ខារ; ធ្វើឱ្យបានល្អនូវការងារអប់រំនយោបាយ និងសតិអារម្មណ៍ បង្កការឯកភាពខ្ពស់ក្នុងចំណោមកម្មាភិបាល និងយុទ្ធជន។ គណៈកម្មាធិការបក្សយោធាក្រុង ផ្តុំកម្លាំងអនុវត្តមានប្រសិទ្ធភាព “យុទ្ធនាការ ៥០០ ថ្ងៃយប់ ជំរុញការស្វែងរកប្រមូលផ្តុំ និងកំណត់អត្តសញ្ញាណអដ្ឋិធាតុយុទ្ធជនពលីដែលខ្វះព័ត៌មាន”; អនុវត្តល្អនូវការងារគោលនយោបាយចំពោះកងទ័ព និងគ្រួសារយុទ្ធជននៅសមរភូមិក្រោយ... ទន្ទឹមនឹងនោះ ផ្តុំកម្លាំង កសាងបក្ខភាគយោធាក្រុងស្អាតស្អំ រឹងមាំ និងជាគំរូ៕

ផាមទ្រុង-វ៉ាន់តឹន

ចែករំលែកអត្ថបទ

ពាក្យគន្លឹះ