គោលនយោបាយ -ការរស់នៅ គោលនយោបាយ

16/06/2026 - 06:41

កឹងធើ ផ្សព្វផ្សាយមានប្រសិទ្ធភាពគោលនយោបាយជំនឿ សាសនា

រយៈពេលកន្លង ទីក្រុងកឹងធើ បានផ្សព្វផ្សាយមានប្រសិទ្ធភាពគោលនយោបាយជំនឿ សាសនា រួមចំណែកពង្រឹងផែនមហាសាមគ្គីទូទាំងជនជាតិ រក្សាស្ថិរភាពនយោបាយ- សង្គម និងលើកកម្ពស់ជីវភាពរបស់ប្រជាជន។

បណ្តាមូលដ្ឋានសាសនាលើភូមិឋានទីក្រុងកឹងធើ ដំណើរការប្រកបដោយស្ថិរភាពនិងគោរពតាមបទប្បញ្ញត្តិច្បាប់។

យោងតាមរបាយការណ៍របស់ក្រសួងជនជាតិនិងសាសនា ក្រសួងបានម្ចាស់ការផ្លាស់ថ្មីវិធីសាស្ត្រចង្អុលការតាមទិសដៅសំខាន់ ជិតដិត ច្បាមភាពជាក់ស្តែង។ ការផ្សព្វផ្សាយនូវទិសស្លោក “៣ ច្រើនជាង” “៦ ច្បាស់លាស់” និង “៤ ពិតប្រាកដ” បានបង្កការវិវត្តន៍ជាវិជ្ជមានក្នុងការគ្រប់គ្រងរដ្ឋបាលលើវិស័យជំនឿ សាសនា។ ទន្ទឹមនឹងនោះ ធ្វើឱ្យសុក្រឹតស្ថាប័ន កែទម្រង់រដ្ឋបាល ផ្លាស់ប្តូរឌីជីថល ផ្តល់ផ្ទេរទុនវិនិយោគរដ្ឋ បង្កមូលដ្ឋានគ្រឹះងាយស្រួល ដើម្បីឱ្យភូមិភាគនីមួយៗ ក្នុងនោះ មានកឹងធើផងដែរ អនុវត្តប្រកបដោយប្រសិទ្ធភាពគោលនយោបាយជំនឿ សាសនា។

បច្ចុប្បន្ន លើភូមិឋានទីក្រុងកឹងធើ មានមូលដ្ឋានជំនឿ សាសនាជាង ៥០០ កន្លែង មានសាសនិកជាង ១ លាននាក់ ស្រូបអត្រាជិត ៧០% នៃចំនួនប្រជាជន។ បណ្តាអង្គការសាសនាដំណើរការប្រកបដោយស្ថិរភាព គោរពច្បាប់ សកម្មចូលរួមរាល់ចលនាប្រឡងប្រណាំងស្នេហាជាតិ រួមចំណែកកសាងជីវភាពវប្បធម៌នៅមណ្ឌលតាំងទីលំនៅ។ មានទម្រង់គំរូជាច្រើនដូច៖ “សាសនាចូលរួមការពារបរិស្ថាន” “សាសនាផ្សារភ្ជាប់នឹងសង្គម” បានរក្សានិងផ្សព្វផ្សាយទូលំទូលាយ នាំមកប្រសិទ្ធភាព ជាក់ស្តែងធ្វើឱ្យរីកសាយភាយនូវតម្លៃវិជ្ជមានក្នុងសហគមន៍។

ទន្ទឹមនឹងនោះ ទីក្រុងក៏យកចិត្តទុកដាក់ពិសេស លើការឃោសនា ផ្សព្វផ្សាយច្បាប់ស្តីពីជំនឿ សាសនា សំដៅលើកកម្ពស់ស្មារតីដល់កម្មាភិបាល បក្ខជននិងប្រជាជន។ កិច្ចការគ្រប់គ្រងរដ្ឋបាល បន្តបានបង្កើនតាមទិសដៅហ្មត់ចត់ ដោះស្រាយបានទាន់ពេលនូវសេចក្តីត្រូវការដ៏ត្រឹមត្រូវរបស់អង្គការ និងបុគ្គលអ្នកកាន់សាសនា មិនទុកឱ្យកើតមានបញ្ហាស្មុគស្មាញឡើយ រួមចំណែករក្សាស្ថិរភាព សន្តិសុខ សណ្តាប់ធ្នាប់លើភូមិឋាន។

អាស្រ័យផ្សព្វផ្សាយព្រមៗគ្នានូវដំណោះស្រាយ ជីវភាពរបស់ជនរួមជាតិខ្មែរបានលើកស្ទួយឥតឈប់ឈរ។ អត្រាគ្រួសារក្រីក្រក្នុងជនរួមជាតិខ្មែរដែលកាន់សាសនាបន្ថយក្រោម ១,៥%។ ទន្ទឹមនឹងនោះ សកម្មភាពសប្បុរសធម៌ និងមនុស្សធម៌ដែលអង្គការសាសនាអនុវត្តកាន់តែមានប្រសិទ្ធភាពពីមួយថ្ងៃទៅមួយថ្ងៃ រួមចំណែកយ៉ាងសកម្មក្នុងកិច្ច ការសុខុមាលភាពសង្គម គិតគូរដល់មុខសញ្ញាដែលទន់ខ្សោយក្នុងសហគមន៍។

តាមប្រសាសន៍លោកតាវវៀតថាំង អនុប្រធាននាយកដ្ឋានផ្សព្វផ្សាយការងារជនជាតិ សាសនា រយៈពេលខាងមុខ ទីក្រុងកឹងធើបន្តជំរុញកិច្ចការគ្រប់គ្រងរដ្ឋលើវិស័យជំនឿ សាសនា តាមទិសដៅ បើកចំហតម្លាភាព និងប្រសិទ្ធភាព; បង្កើនកិច្ចពិភាក្សា និងស្តាប់មតិយោបល់របស់អ្នកមុខអ្នកការ សាសនា និងសាសនិក។ ទន្ទឹមនឹងនោះ ពង្រីកបន្ថែមទៀតនូវតួនាទីរបស់អង្គការសាសនាក្នុងការអភិវឌ្ឍសេដ្ឋកិច្ច - សង្គម ការពារបរិស្ថាន កសាងជនបទថ្មី និងទីក្រុងអរិយធម៌។ តាមរយៈនោះ រួមចំណែកពង្រឹងផែនមហាសាមគ្គីទូទាំងជនជាតិ រក្សាស្ថិរភាពនយោបាយ - សង្គមក្នុងស្ថានភាពថ្មី

ហុងទើ - លីសៀ

ចែករំលែកអត្ថបទ

ពាក្យគន្លឹះ