សុខភាព - អប់រំ អប់រំ

22/04/2026 - 22:52

ចាប់ពីថ្ងៃទី ២៤ ខែមេសា បេក្ខជនចាប់ផ្តើមចុះឈ្មោះប្រឡង និងចុះឈ្មោះស្នើសុំទទួលស្គាល់បញ្ចប់ការសិក្សាកម្រិតវិទ្យាល័យ ឆ្នាំ ២០២៦

មន្ទីរអប់រំនិងបណ្តុះបណ្តាលទីក្រុងកឹងធើ ទើបចេញសេចក្តីណែនាំអំពីការចាត់តាំងសម័យប្រឡងសញ្ញាបត្រមធ្យមសិក្សាចំណេះទូទៅ និងការពិនិត្យទទួលស្គាល់បញ្ចប់ការសិក្សាកម្រិតវិទ្យាល័យ ឆ្នាំ២០២៦។

តាមរយៈនោះ ដើម្បីបានពិនិត្យទទួលស្គាល់បញ្ចប់ការសិក្សា បេក្ខជនត្រូវចុះឈ្មោះប្រឡងវិញ្ញាសាចាប់បង្ខំចំនួន២ គឺអក្សរសាស្ត្រនិងគណិតវិទ្យា រួមនឹងមុខវិជ្ជាជម្រើសមួយ រួមមាន ២ វិញ្ញាសាក្នុងចំណោមវិញ្ញាសាដែលបានសិក្សានៅថ្នាក់ទី១២ ដូចជា៖ រូបវិទ្យា គីមីវិទ្យា ជីវវិទ្យា ប្រវត្តិសាស្ត្រ ភូមិវិទ្យា អប់រំសេដ្ឋកិច្ចនិងច្បាប់ បច្ចេកវិទ្យាព័ត៌មាន បច្ចេកវិទ្យាឧស្សាហកម្ម បច្ចេកវិទ្យាកសិកម្ម និងភាសាបរទេស។ បេក្ខជនអាចជ្រើសរើសច្រើនបំផុតគឺ ២ វិញ្ញាសាសម្រាប់មុខវិជ្ជាជម្រើស ហើយអាចចុះឈ្មោះប្រឡងមុខវិជ្ជាភាសាបរទេសខុសពីមុខវិជ្ជាដែលកំពុងសិក្សានៅសាលាចំណេះទូទៅ។

បេក្ខជនដែលកំពុងសិក្សានៅថ្នាក់ទី ១២ ចុះឈ្មោះប្រឡងតាមរយៈប្រព័ន្ធអនឡាញ ឬចុះឈ្មោះដោយផ្ទាល់នៅសាលាមធ្យមសិក្សាចំណេះទូទៅ ឬមជ្ឈមណ្ឌលដែលកំពុងសិក្សា។ បេក្ខជនស្វៃរិន ចុះឈ្មោះនៅមជ្ឈមណ្ឌលបណ្តុះបណ្តាលវិជ្ជាជីវៈ - អប់រំជាប្រចាំ ហើយអាចប្រើគណនី VNeID ដើម្បីចូលប្រើនិងបំពេញសំណុំបែបបទចុះឈ្មោះប្រឡងលើគេហទំព័រព័ត៌មានអេឡិចត្រូនិក តាមការកំណត់របស់ក្រសួងអប់រំនិងបណ្តុះបណ្តាល។ ករណីមិនអាចចុះឈ្មោះតាមប្រព័ន្ធអនឡាញបានបេក្ខជនអនុវត្តការចុះឈ្មោះដោយផ្ទាល់តាមគំរូណែនាំ និងដាក់សំណុំឯកសារនៅកន្លែងចុះឈ្មោះប្រឡង។

សំណុំឯកសារចុះឈ្មោះប្រឡងត្រូវអនុវត្តតាមប្រព័ន្ធអនឡាញឬដោយផ្ទាល់ ហើយភ្ជាប់ជាមួយឯកសារភស្តុតាងដើម្បីទទួលរបបអាទិភាព ឬលើកទឹកចិត្ត (ប្រសិនបើមាន)។

កាលបរិច្ឆេទប្រឡងសញ្ញាបត្រមធ្យមសិក្សាចំណេះទូទៅ ឆ្នាំ២០២៦។

យោងតាមមន្ទីរអប់រំនិងបណ្តុះបណ្តាលទីក្រុង ក្រោយរយៈពេលចុះឈ្មោះសាកល្បង ចាប់ពីថ្ងៃទី ២៤ ខែមេសា ដល់ម៉ោង ១៧:០០ ថ្ងៃទី៥ ខែឧសភា ឆ្នាំ២០២៦ បេក្ខជនចាប់ផ្តើមចុះឈ្មោះប្រឡងជាផ្លូវការ និងចុះឈ្មោះស្នើសុំទទួលស្គាល់បញ្ចប់កម្រិតវិទ្យាល័យលើប្រព័ន្ធគ្រប់គ្រងការប្រឡង ឬដាក់សំណុំឯកសារដោយផ្ទាល់នៅកន្លែងចុះឈ្មោះប្រឡង។

ចំពោះបេក្ខជនដែលបានចូលប្រឡងគ្រប់វិញ្ញាសា ប៉ុន្តែមិនទាន់បញ្ចប់ការសិក្សា ហើយមិនរងការពិន័យលុបចោលលទ្ធផលប្រឡង នឹងត្រូវបានរក្សាទុកពិន្ទុប្រឡងនៃវិញ្ញាសាដែលទទួលបានពិន្ទុ ចាប់ពី ៥,០ ពិន្ទុឡើងទៅ សម្រាប់ពិនិត្យទទួលស្គាល់បញ្ចប់ការសិក្សានាសម័យប្រឡងនៅឆ្នាំបន្ទាប់។ នៅពេលចុះឈ្មោះប្រឡងក្នុងឆ្នាំបន្ទាប់ បេក្ខជនគ្រាន់តែចុះឈ្មោះប្រឡងវិញ្ញាសាណាដែលមិនទាន់មានពិន្ទុរក្សាទុកប៉ុណ្ណោះ; ក្នុងករណីចុះឈ្មោះប្រឡងវិញ្ញាសាដែលបានរក្សាទុកពិន្ទុរួចហើយ គឺត្រូវយកពិន្ទុប្រឡងថ្មី ដើម្បីពិនិត្យទទួលស្គាល់បញ្ចប់ការសិក្សា។

ការប្រឡងសញ្ញាបត្រមធ្យមសិក្សាចំណេះទូទៅ ឆ្នាំ២០២៦ នឹងប្រព្រឹត្តទៅនៅថ្ងៃទី ១១ និង ១២ ខែមិថុនា៕

B.NG - ពេជ្រសឿន

ចែករំលែកអត្ថបទ

ពាក្យគន្លឹះ