គោលនយោបាយ -ការរស់នៅ គោលនយោបាយ

14/04/2026 - 06:10

តំបន់ជនបទជនរួមជាតិខ្មែរនៅទីក្រុងនាបច្ចុប្បន្ន

ឈានចូលខែមេសា គឺជាសញ្ញារៀបនឹងឈានចូលបុណ្យចូលឆ្នាំថ្មីប្រពៃណីខ្មែរ ជនរួមជាតិខ្មែរទីក្រុងកឹងធើ ទទួលអំណរឆ្នាំថ្មីដោយក្តីរីករាយ។ ជាមួយនឹងនោះ ផ្លូវកៅស៊ូរាបរលូន ផ្ទះថ្មីធំទូលាយ និងទង់ជាតិបក់រវិចក្រោមពន្លឺព្រះអាទិត្យ...។ គឺជាភស្តុតាងនៃភាពវិវត្តនៅជនបទ ជីវភាពសម្បូរធូរធាររបស់ជនរួមជាតិខ្មែរទីក្រុងកឹងធើនាពេលបច្ចុប្បន្ន។

វិទ្យាល័យជនជាតិអន្តេវាសិក ទីក្រុងកឹងធើ បានសាងសង់ឡើងយ៉ាងសមរម្យ។

តាមប្រសាសន៍លោក ង៉ោថាយចឹង នាយកមន្ទីរកសិកម្មនិងបរិស្ថានទីក្រុងកឹងធើ ក្នុងបរិការណ៍នៃការរៀបចំអង្គភាព រដ្ឋបាល កម្មវិធីទិសដៅជាតិនៃការកសាងជនបទថ្មី ដំណាក់កាល ២០២១-២០២៥ នៅតែបន្តផ្សព្វផ្សាយ និងសម្រេចបានលទ្ធផលសំខាន់ៗជាច្រើន។ ក្រោយពីការរួមបញ្ចូលទីក្រុងកឹងធើ មានឃុំជនបទថ្មី ៥៩/៧២ ឃុំជនបទថ្មីកម្រិតខ្ពស់ ១៥/៥៩ និងឃុំជនបទថ្មីគំរូ ២/១៥ឃុំ។ អាចបញ្ជាក់បានថា កម្មវិធីទិសដៅជាតិកសាងជនបទថ្មី ដំណាក់កាល ២០២១- ២០២៥ បានផ្សព្វផ្សាយមានបែបបទនិងយ៉ាងទូលំទូលាយនៅទីក្រុងកឹងធើ បង្កការផ្លាស់ប្តូរលើគ្រប់វិស័យ និងបង្កជាមូលដ្ឋានគ្រឹះដ៏សំខាន់សម្រាប់ការអភិវឌ្ឍជនបទចីរភាព។

ហេដ្ឋារចនាសម្ព័ន្ធជនបទ បានយកចិត្តទុកដាក់វិនិយោគព្រមៗគ្នា ធ្វើឱ្យស្ថានភាពរស់នៅរបស់ប្រជាជនមានភាពប្រសើរឡើង និងជំរុញការអភិវឌ្ឍសេដ្ឋកិច្ច-សង្គម។ នៅចុងឆ្នាំ ២០២៥ មានឃុំ ៦៦/៧២ ជាសារវ័ន្តសម្រេចលក្ខឋាន ផ្លូវគមនាគមន៍។ ឃុំទាំង ១០០% សម្រេចលក្ខឋានប្រព័ន្ធធារាសាស្ត្រនិងអគ្គិសនី។ មានឃុំ ៧១/៧២ សម្រេចលក្ខឋានហេដ្ឋារចនាសម្ព័ន្ធពាណិជ្ជកម្មជនបទ។ ប្រាក់ចំណូលមធ្យមលើមនុស្សម្នាក់កើនឡើងពី ៥៩,៦៤ លានដុងម្នាក់ (ឆ្នាំ២០២១) ដល់ ៩៦,៩ លានដុង (ឆ្នាំ២០២៥)។ អត្រាភាពក្រីក្រថយចុះនៅត្រឹម ០,៦៣%។ ឃុំទាំង ១០០% សម្រេចលក្ខឋានព័ត៌មាននិងសារគមនាគមន៍ លំនៅឋានជនបទ។ វិស័យអប់រំនិងសុខាភិបាលបានបន្តពង្រឹងដោយមានសាលារៀនជិត ៨៤% បានសម្រេចបទដ្ឋានជាតិ; អត្រាគ្របដណ្តប់ធានារ៉ាប់រងសុខាភិបាលទូទាំងទីក្រុងសម្រេចលើស ៩០%។ មជ្ឈមណ្ឌលវប្បធម៌ និងកីឡាជនបទ កំពុងបានវិនិយោគជាបន្តបន្ទាប់ រួមចំណែកលើកកម្ពស់ជីវភាពស្មារតីរបស់ប្រជាជន។

សម្តែងពីការពេញចិត្តចំពោះលទ្ធផលនៃការកសាងជនបទថ្មី លោកថាច់សុផ អ្នកមានប្រិយភាពនៅភូមិបឹងធំ ឃុំឡុងភូ ចែករំលែក៖ “ប៉ុន្មានឆ្នាំជិតៗនេះ ដោយមានគោលនយោបាយវិនិយោគជាច្រើន ពិសេសគឺកម្មវិធីកសាងជនបទថ្មី សាលារៀន មណ្ឌលវប្បធម៌និងដំណាក់សុខាភិបាល បានវិនិយោគយ៉ាងទូលំទូលាយជាង។ ផ្លូវជនបទជាច្រើន បានបង្កើនកម្រិតនិងបើកទូលាយ ការធ្វើដំណើរទៅមកនិងការដឹកជញ្ជូនផលិតផលកសិកម្មកាន់តែងាយស្រួល។ អគ្គិសនី ទឹកស្អាតប្រើប្រាស់ បានអូសដល់គ្រួសារនីមួយៗ។ ជាពិសេស មាមីងដឹងពីរបៀបប្រើប្រាស់អនឡាញ និងផ្ទេរប្រាក់ បង់ថ្លៃអគ្គិសនី ទឹកនិងអ៊ីនធឺណិត។ គ្រប់គ្នាមានការរំភើបរីករាយដោយសារភូមិស្រុកកាន់តែផ្លាស់ថ្មី ជីវភាពសម្បូរសប្បាយ និងសុភមង្គល”។

ផ្លូវជនបទនៅតំបន់ជនរួមជាតិខ្មែរទីក្រុងកឹងធើ បៃតង ជ្រះ ស្អាត ។

អនុវត្តន៍កម្មវិធីកសាងជនបទថ្មី មានទម្រង់ជាច្រើនដូចជា៖ “ផ្លូវគំរូ”; “មណ្ឌលតាំងទីលំនៅស្វ័យគ្រប់គ្រងការពារបរិស្ថាន”; “កសាងគ្រួសារ ៥គ្មាន ៣ស្អាត”; “ផ្លូវបៃតង ជ្រះ ស្អាត” ។ល។ បានសាយភាយយ៉ាងទូលំទូលាយ បង្ហាញពីរបៀបរស់នៅបៃតងនិងការការពារបរិស្ថាននៅតំបន់ជនបទ។ លោកយឿងគឹមតៀង នៅភូមិដើមស្វាយឃុំមីហឿង ឱ្យដឹង៖ “ផ្លូវដីជនបទ ពីមុនបានជំនួសដោយផ្លូវក្រាលដានធំទូលាយ មានផ្ទះឥដ្ឋធំៗនៅសងខាង។ បានមាមីងខ្មែរក្នុងភូមិរួមគ្នាដាំផ្កា ដំឡើងអំពូលភ្លើងបំភ្លឺផ្លូវ និងកាមេរ៉ា... ធ្វើឱ្យផ្លូវជនបទភ្លឺ បៃតង ជ្រះ ស្អាត។ ជនបទអភិវឌ្ឍន៍ ជីវភាពមាមីងធូរធារឡើង ដូច្នេះថ្ងៃបុណ្យចូលឆ្នាំថ្មី គ្រប់គ្នាត្រៀមរៀបចំផ្ទះសម្បែងដើម្បីទទួលឆ្នាំថ្មីដោយភាពកក់ក្តៅ និងសុភមង្គល”។

យោងតាមសេចក្តីសម្រេចនៃមហាសន្និបាត តំណាងគណៈកម្មាធិការបក្សទីក្រុងកឹងធើ លើកទី១ អាណត្តិកាល ២០២៥-២០៣០ ទីក្រុងបានកំណត់គោលដៅដល់ឆ្នាំ ២០៣០ មានឃុំ ៩០,៣% សម្រេចបទដ្ឋានជនបទថ្មី ដោយផ្អែកលើក្រមលក្ខឋានឃុំជនបទថ្មី ដំណាក់កាល ២០២៦-២០៣០។ ជាមួយនឹងសមិទ្ធផលកសាងជនបទថ្មីរយៈពេលកន្លង ភូមិឋាននានា នៅទីក្រុងកឹងធើ កំពុងត្រៀមខ្លួនរួចជាស្រេចដើម្បីបង្កើនកម្រិតនៃការកសាងជនបទថ្មី។ លោកឡឹមវ៉ាំងវ៉ូវ អនុប្រធានគណៈកម្មាធិការប្រជាជនឃុំឡុងភូ មានប្រសាសន៍៖ “បច្ចុប្បន្ន ទីក្រុងកឹងធើ មិនទាន់ចែងសេចក្ដីណែនាំអនុវត្តក្រមលក្ខឋានជាតិស្តីពីឃុំជនបទថ្មី ដំណាក់កាល ២០២៦-២០៣០ នៅឡើយ។ ស្នងបន្តលទ្ធផលនៃការកសាងជនបទថ្មីរយៈពេលកន្លង ឃុំឡុងភូ បន្តបង្កការឯកភាពខ្ពស់ក្នុងប្រព័ន្ធនយោបាយ លើកកម្ពស់តួនាទីធ្វើម្ចាស់របស់ប្រជាជន ផ្សព្វផ្សាយព្រមៗគ្នានូវដំណោះស្រាយ រក្សានិងបង្កើនគុណភាពលក្ខឋាន។ តាមរយៈនោះ បង្កបុព្វបទសម្រាប់ការកសាងជនបទថ្មីនាពេលអនាគត”។ ចំណែកលោកវិញហ្វី អនុប្រធានគណៈកម្មាធិការប្រជាជនឃុំអាងនិញ ឱ្យដឹង៖ “ឆ្នាំ ២០២៦ ឃុំអាងនិញ បានកំណត់ច្បាស់នូវចំណុចសំខាន់នៃការកសាងជនបទថ្មី គឺអភិវឌ្ឍន៍ហេដ្ឋារចនាសម្ព័ន្ធព្រមៗគ្នា ការលើកកម្ពស់គុណភាពរស់នៅរបស់ប្រជាជន ការជំរុញរចនាសម្ព័ន្ធកសិកម្មឡើងវិញ ផ្សារភា្ជប់នឹងការផ្លាស់ប្តូរឌីជីថល ការការពារបរិស្ថាន ការកសាងទេសភាពភ្លឺ បៃតង ជ្រះ ស្អាត និងការពង្រឹងប្រព័ន្ធនយោបាយមូលដ្ឋានរឹងមាំ”។

ដើម្បីត្រៀមខ្លួនសម្រាប់ការបង្កើនកម្រិតនៃការកសាងជនបទថ្មី ថ្នាក់ដឹកនាំនៃគណៈកម្មាធិការបក្សទីក្រុងកឹងធើ ស្នើឱ្យអង្គភាពពាក់ព័ន្ធ កសាងជាបន្ទាន់ និងដាក់ឱ្យប្រើប្រាស់នូវក្រមលក្ខឋានជនបទថ្មីនៃទីក្រុងកឹងធើ ដំណាក់កាល ២០២៦-២០៣០ បានឆាប់រហ័ស។ នេះគឺជាមូលដ្ឋានដើម្បីភូមិភាគពិនិត្យមើលភាគកម្រិត លក្ខឋានកសាងទិសដៅ និងដំណើរការលើកកម្ពស់គុណភាពបំពេញតម្រូវការ។ លោក ឡេក្វាងទុង លេខាគណៈកម្មាធិការបក្សក្រុងកឹងធើ បានសង្កត់ធ្ងន់៖ ការកសាងជនបទថ្មីក្នុងរយៈពេលខាងមុខ ត្រូវតែមានលក្ខណៈជាក់ស្តែង មិនមែនផ្តោតលើរូបភាព ឬសមិទ្ធផលនោះទេ។ គោលដៅខ្ពស់បំផុតគឺត្រូវតែលើកកម្ពស់ជីវភាពសម្ភារៈ និងស្មារតីរបស់ប្រជាជននៅជនបទ ធានាថាគ្មាននរណាម្នាក់ទុកចោលឡើយ។ នេះក៏ជាមូលដ្ឋានគ្រឹះដ៏សំខាន់សម្រាប់ទីក្រុងកឹងធើ អភិវឌ្ឍស្របគ្នារវាងទីក្រុងនិងជនបទ ស័ក្កិសមជាមជ្ឈមណ្ឌលកម្លាំងចលករនៃតំបន់វាលរាបទន្លេគឺវឡុងក្នុងយុគសម័យថ្មី៕

យ្វីអាញ-មេងលី

ចែករំលែកអត្ថបទ

ពាក្យគន្លឹះ