ក្រោយរយៈ ២ ឆ្នាំអនុវត្តគម្រោងអភិវឌ្ឍដោយចីរភាពលើផ្ទៃដីស្រូវ ជំនាញផលិតស្រូវ គុណភាពខ្ពស់ ១ លានហិកតា និងបញ្ចេញឧស្ម័នទាបផ្សារភ្ជាប់ជាមួយនឹងការបង្កើនបៃតងនៅតំបន់វាលរាលទន្លេគឺវឡុងដល់ឆ្នាំ ២០៣០ (ហៅកាត់ថាគម្រោង) ទីក្រុងកឹងធើបានបង្កើត និងពង្រីកនូវទម្រង់ផលិតស្រូវគុណភាពខ្ពស់និងបញ្ចេញឧស្ម័នទាប។ បណ្តាទម្រង់ទាំងនេះមិនត្រឹមតែជួយបង្កើនប្រាក់ចំណូលដល់កសិករប៉ុណ្ណោះទេ ប៉ុន្តែថែមទាំងនាំមកនូវអត្ថប្រយោជន៍ជាក់ស្តែងជាច្រើនទាំងផ្នែកសេដ្ឋកិច្ចនិងបរិស្ថាន។ ទីក្រុងនៅតែបន្តជំរុញការពង្រឹងចងសម្ព័ន្ធរវាងកសិករ អាជីវកម្មនិងភាគីពាក់ព័ន្ធនានា ដើម្បីពង្រីកគម្រោងនេះឱ្យកាន់តែទូលំទូលាយ។
បង្កើនប្រាក់ចំណូលជូនកសិករ
ចូលរួមក្នុងទម្រង់ និងអនុវត្តតាមបច្ចេកទេសផលិតកម្រិតខ្ពស់តាមគម្រោង កសិករអាចបន្ថយការចំណាយក្នុងការផលិត។ ជាពិសេស ទិន្នផលគុណភាពនិងតម្លៃនៃគ្រាប់ស្រូវបានកើនឡើង ជួយឱ្យកសិករទទួលបានប្រាក់ចំណូលកាន់តែខ្ពស់។ ក្រៅពីនេះ ចូលរួមគម្រោងកសិករតែងបានណែនាំឱ្យប្រើប្រាស់គ្រឿងចក្រនិងបច្ចេកវិទ្យាក្នុងការប្រមូលចំបើង ក៏ដូចជាការគ្រប់គ្រង និងប្រើប្រាស់ចំបើងតាមទម្រង់កសិកម្មវិលជុំ ដើម្បីបង្កើនប្រាក់ចំណូលនិងបន្ថយបញ្ចេញឧស្ម័នទាប។
ស្រូវរដូវប្រាំងឆ្នាំ ២០២៥ - ២០២៦ ក្នុងទម្រង់ផលិតស្រូវគុណភាពខ្ពស់និងបញ្ចេញឧស្ម័នទាប នៅសហករណ៍ទៀងធ្វឹង ឃុំថាញ់គ្វើយ។
លោក ហឿថាញ់ងៀ ប្រធានក្រុមសហការផលិតស្រូវដាយថាញ់ នៅភូមិដាយថាញ់ សង្កាត់មីស្វៀងបានឱ្យដឹង៖ ក្រុមសហការមានសមាជិក ៣២ នាក់ ផលិតលើផ្ទៃដី ១០៣ ហិកតា។ ចូលរួមទម្រង់ផលិតតាមគម្រោង សមាជិកក្រុមសហការបានអនុវត្តយន្តូបនីយកម្មស្ទើរតែ ១០០% ចាប់តាំងពីការសាបព្រោះ ថែទាំរហូតដល់ការប្រមូលផលស្រូវនិងការប្រមូលចំបើង។ ទន្ទឹមនឹងនោះ ការអនុវត្តបច្ចេកទេសផលិតកម្រិតខ្ពស់ បានជួយបន្ថយយ៉ាងខ្លាំងនូវបរិមាណពូជ ជី ទឹកស្រោចស្រពនិងចំណាយដើមទុន។ អាស្រ័យហេតុនេះ ប្រាក់ចំណេញរបស់សមាជិកបានកើនឡើងជាង២០%។ ជាពិសេស ក្រុមសហការបានចូលរួមផលិតស្រូវក្រអូប ST២៤ ST២៥ ហើយបានអាជីវកម្មចុះកិច្ចសន្យាប្រមូលទិញក្នុងតម្លៃខ្ពស់ជាងពី ១.០០០ - ២.០០០ ដុង/គីឡូក្រាម បើធៀបនឹងក្រៅទម្រង់ផលិត។
យោងតាមលោកដុងវ៉ាំងកាញ់ នាយកក្រុមសហករណ៍ New Green Farm នៅសង្កាត់ថើយឡុង បានឱ្យដឹង ចូលរួមទម្រង់ផលិតស្រូវដែលមានគុណភាពខ្ពស់និងបញ្ចេញឧស្ម័នទាប កសិករក្នុងក្រុមសហករណ៍បានបង្កើនប្រាក់ចំណូល អាស្រ័យអនុវត្តគ្រឿងយន្តព្រមៗគ្នានិងការប្រើប្រាស់បច្ចេកទេសជឿនលឿន ដើម្បីបន្ថយចំណាយនិងលើកកម្ពស់ប្រសិទ្ធភាពនៃការផលិត។ ក្រៅពីនេះ កសិករទទួលបានចំណូលបន្ថែមពី ៣-៤ លានដុងក្នុងមួយហិកតា អាស្រ័យប្រើចំបើងយកទៅបណ្តុះផ្សិតនិងធ្វើជីសរីរាង្គ។ ហេតុនេះ កសិករនៅដុតចំបើងចោល ខ្ជះខ្ជាយ និងជះឥទ្ធិពលអាក្រក់ដល់បរិស្ថាន។
យោងតាមមន្ទីរកសិកម្មនិងបរិស្ថានទីក្រុងកឹងធើ ទីក្រុងបានដាក់ចេញនូវផែនការដល់ឆ្នាំ ២០៣០ នឹងអនុវត្តគម្រោងនេះនៅតាមឃុំ - សង្កាត់ចំនួន ៦៤ ដែលមានផ្ទៃដីសរុប ១៧០.៨០០ ហិកតា ដោយមាន ១៧១ ក្រុមសហករណ៍និងក្រុមសហការចូលរួម។ បន្ទាប់ពីអនុវត្តអស់រយៈពេល ២ ឆ្នាំ គម្រោងនេះបានបង្កើតឱ្យមានការផ្លាស់ប្តូរយ៉ាងសកម្មក្នុងការរៀបចំផលិត លើកកម្ពស់ប្រសិទ្ធភាពសេដ្ឋកិច្ច រួមចំណែកបន្ថយការបញ្ចេញឧស្ម័នទាប។ ផ្ទៃដីអនុវត្តគិតត្រឹមចុងឆ្នាំ ២០២៥ សម្រេចបាន ១០៤.៥០០ ហិកតា។ បណ្តាទម្រង់ផលិតតាមគម្រោងនេះ បាននាំមកនូវប្រាក់ចំណេញជូនកសិករកើនឡើងតិចបំផុតគែ ២០% ទិន្នផលស្រូវកើនឡើងពី ០,៣ ដល់ ០,៧ តោន/ហិកតានិងបន្ថយការបញ្ចេញឧស្ម័នផ្ទះកញ្ចក់ពី ២ ដល់ ១២ តោនCO2 ប្រហាក់ប្រហែល/ហិកតា។
បន្តជំរុញពង្រីកលទ្ធផលដែលសម្រេចបាន
ទីក្រុងកឹងធើ បានកំណត់ច្បាស់ អនុវត្តគម្រោងនេះគឺជាភារកិច្ចសំខាន់ក្នុងការរៀបចំរចនាសម្ព័ន្ធវិស័យស្រូវអង្ករឡើងវិញតាមទិសដៅបៃតងនិងចីរភាព។ ផ្អែកលើឯកសារណែនាំរបស់ក្រសួងកសិកម្មនិងបរិស្ថាន មន្ទីរកសិកម្មនិងបរិស្ថានទីក្រុងកឹងធើ បានធ្វើសេនាធិការជូនគណៈកម្មាធិការប្រជាជនទីក្រុងដើម្បីប្រកាសឱ្យប្រើផែនការផ្សព្វផ្សាយអនុវត្តគម្រោងដំណាក់កាល ២០២៦ - ២០៣០ និងផែនការសាកល្បងដំណើរការ MRV ក្នុងការផលិតស្រូវគុណភាពខ្ពស់និងការបញ្ចេញឧស្ម័នទាប។ យោងតាមផែនការក្នុងឆ្នាំ ២០២៦ ទីក្រុងនឹងអភិវឌ្ឍតំបន់ផលិតស្រូវជំនាញគុណភាពខ្ពស់លើផ្ទៃដី ៧៦.០០០ ហិកតា។ ដើម្បីសម្រេចបាននូវទិសដៅនេះ ចាំបាច់មានការចូលរួមយ៉ាងសកម្មពីសំណាក់អាជីវកម្មនិងការរួមដំណើរសហការយ៉ាងជិតស្និទ្ធពីភាគីពាក់ព័ន្ធក្នុងការអភិវឌ្ឍតំបន់ផលិតនិងពង្រឹងការចងសម្ពន្ធតាមប្រព័ន្ធតម្លៃ។
លោក យឿងវ៉ាំងស៊ីវ នាយកក្រុមសហករណ៍ធ្វឹងថាំង ឃុំដុងធ្វឹង បានលើកឡើងថា៖ “ទម្រង់ផលិតស្រូវគុណភាពខ្ពស់និងការបញ្ចេញឧស្ម័នទាប តាមរយៈគម្រោងនេះ បានបញ្ជាក់ពីប្រសិទ្ធភាព ដោយនាំមកនូវអត្ថប្រយោជន៍ជាក់ស្តែងទាំងផ្នែកសេដ្ឋកិច្ចនិងបរិស្ថាន។ លទ្ធផលក៏បានបង្ហាញផងដែរថា កសិករក្នុងក្រុមសហករណ៍មានសមត្ថភាពចាប់យកបានយ៉ាងល្អនូវបច្ចេកទេសជឿនលឿន និងអនុវត្តតាមដំណើរការផលិតស្រូវរបស់គម្រោង ដើម្បីបង្កផលិតផលដែលមានគុណភាព សុវត្ថិភាព ឆ្លើយតបតាមតម្រូវការទីផ្សារនិងតាមការដាក់ពាក្យទិញរបស់អាជីវកម្ម។ កសិករក្នុងក្រុមសហករណ៍មានបំណងយ៉ាងខ្លាំង ចង់ឃើញការចូលរួមយ៉ាងសកម្មពីសំណាក់បណ្តាអាជីវកម្ម ក្នុងការដាក់ពាក្យទិញធានាប្រមូលទិញផលិតផលទាំងស្រុង ជួយឱ្យកសិករស្ងប់ចិត្ត អភិវឌ្ឍតំបន់ផលិតស្រូវគុណភាពខ្ពស់និងបញ្ចេញឧស្ម័នទាប”។
តាមលោក ត្រឹងទ្រុងហ៊ីវ នាយកក្រុមសហករណ៍កសិកម្មទ្រុងហ៊ីវផាក នៅឃុំហ្វាអាង បានឱ្យដឹង សហករណ៍មានសមាជិកចំនួន ៨៨ នាក់ ផលិតលើផ្ទៃដីចំនួន ១៦០ ហិកតា។ ក្រុមសហករណ៍បានចុះឈ្មោះចូលរួមក្នុងគម្រោង ហើយពិតជាត្រូវការអាជីវកម្មមកប្រមូលទិញកសិផល។ កសិករក្នុងក្រុមសហករណ៍ប្តេជ្ញាអនុវត្តតាមអភិក្រមផលិតរបស់គម្រោងនិងតាមការដាក់ពាក្យទិញរបស់អាជីវកម្មដើម្បីបង្កការចងសម្ពន្ធតាមប្រព័ន្ធប្រកបដោយចីរភាព។
ចូលរួមរបស់អាជីវកម្មមានសារៈសំខាន់បំផុត ដើម្បីបង្កើតប្រព័ន្ធចងសម្ពន្ធប្រកបដោយចីរភាព ដើម្បីអនុវត្តគម្រោងបានជោគជ័យ។ លោកស្រីង្វៀងធីយ៉ាង-នាយិការងមន្ទីរកសិកម្ម និងអភិវឌ្ឍជនបទទីក្រុងកឹងធើ បានឱ្យដឹង៖ "សូមឱ្យបណ្តាអាជីវកម្មចូលរួមចុះឈ្មោះចងសម្ពន្ធយ៉ាងសកម្ម ប្តេជ្ញាលើការកសាងតំបន់វត្ថុធាតុដើមឱ្យមានស្ថិរភាព រួមដំណើរជាមួយក្រុមសហករណ៍និងវិស័យកសិកម្ម ដើម្បីអនុវត្តទិសដៅរបស់គម្រោងឱ្យមានប្រសិទ្ធភាព។ ចំពោះក្រុមសហករណ៍និងក្រុមសហការ ចាំបាច់ត្រូវពង្រីកតួនាទីជាស្ពានតភ្ជាប់ រៀបចំឱ្យសមាជិកផលិតត្រូវតាមអភិក្រមបច្ចេកទេស ដែលបានចុះកិច្ចសន្យាជាមួយអាជីវកម្ម។ ក្រុមសហករណ៍ត្រូវតែជានីតិបុគ្គលរឹងមាំ ដើម្បីអនុវត្តកិច្ចសន្យាតភ្ជាប់ការផ្គត់ផ្គង់សម្ភារៈកសិកម្ម និងការប្រមូលទិញកសិផល”។
យោងតាមលោកស្រី ង្វៀងធីយ៉ាង ដើម្បីសម្រេចបាននូវទិសដៅកសាងតំបន់ផលិតស្រូវជំនាញដែលមានគុណភាពខ្ពស់លើផ្ទៃដី ៧៦.០០០ ហិកតា ក្នុងឆ្នាំ ២០២៦ ប្រកបដោយចីរភាព ភូមិភាគនានា ត្រូវតែត្រួតពិនិត្យនិងចុះឈ្មោះផ្ទៃដីដោយផ្អែកលើគោលការណ៍ប្រមូលផ្តុំនិងតភ្ជាប់គ្នា ដើម្បីបង្កលក្ខណៈងាយស្រួលសម្រាប់ការវិនិយោគលើហេដ្ឋារចនាសម្ព័ន្ធនិងយន្តូបនីយកម្ម។ សាខានាយកដ្ឋានដាំដុះនិងការពាររុក្ខជាតិ ត្រូវតែសហការជាមួយឃុំ សង្កាត់នានា ដើម្បីសម្រេចឱ្យបានឆាប់រហ័សនូវផែនទីតំបន់ផលិត និងផែនការអនុវត្តជាក់ស្តែងសម្រាប់តំបន់នីមួយៗក្នុងឆ្នាំ២០២៦។ មជ្ឈមណ្ឌលជំរុញកសិកម្មនិងសេវាកម្មកសិកម្ម បន្តពង្រីកទម្រង់បង្ហាញការផលិតស្រូវបន្ថយការបញ្ចេញឧស្ម័នទាប ណែនាំកសិករឱ្យអនុវត្តតាមបច្ចេកទេស ដោយផ្ដោតលើបច្ចេកទេសស្រោចស្រពលិច - ស្ងួតឆ្លាស់គ្នា" និងគ្រប់គ្រងចំបើងកញ្ជ្រាំង។ នេះគឺជាមូលដ្ឋានដ៏សំខាន់ក្នុងការអនុវត្តវាស់វែង រាយការណ៍និងផ្ទៀងផ្ទាត់ (MRV) សំដៅឈានទៅរកការទូទាត់ក្រេឌិតកាបូននាពេលអនាគត៕
ខាញ់ទ្រុង-ដាលីន
នាយក៖ ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ