គោលនយោបាយ -ការរស់នៅ ការរស់នៅ

22/03/2026 - 13:49

បង្កើនចំណូលពីរបរចងខ្ទឹមក្រហម

នៅសង្កាត់វិញចូវ ទីក្រុងកឹងធើ ពេលឈានចូលរដូវប្រមូលផលខ្ទឹមក្រហម មាមីងនៅទីនេះមានការងារធ្វើបន្ថែមទៀត។ អ្នកខ្លះធញវៈការឈ្នួលដកខ្ទឹម រែកខ្ទឹម ហាលខ្ទឹម ហើយក៏មានអ្នកខ្លះទៀតចងខ្ទឹមទៅជាបាច់ នៅតាមកន្លែងច្នៃ។ ការងារនេះមិនត្រឹមតែនាំមកនូវប្រាក់ចំណូលប៉ុណ្ណោះទេ ថែមទាំងជួយឱ្យដំណាំខ្ទឹមនៅតំបន់ដីមាត់សមុទ្រវិញចូវកាន់តែបានល្អទៀតផង។

នៅសហករណ៍ខ្ទឹមក្រហមវិញចូវ ការងារកែច្នៃខ្ទឹមក្រហមចាប់ផ្តើមតាំងពីព្រលឹមស្រាងៗ ដោយមានការចូលរួមពីបងប្អូននារីនៅភូមិភាគ។ អ្វីដែលគួរឱ្យកត់សម្គាល់នោះគឺ មានអ្នកមីងលីធីលៀង ទោះបីជាឆ្នាំនេះមានអាយុជាង ៧០ ឆ្នាំទៅហើយក្តី នៅតែបន្តការងារនេះជារៀងរាល់ថ្ងៃ។

អ្នកមីងលីធីលៀង (ខាងស្តាំដៃ) កំពុងចងខ្ទឹមក្រហម។

“ខ្ញុំចងខ្ទឹមក្រហមក្នុងមួយថ្ងៃបានជាង ៤០ គីឡូក្រាម យើងចាស់ហើយ មិនអាចធ្វើបានច្រើនដូចក្មេងៗទេ រកបានតែជាង ១០០ ពាន់ដុងក្នុងមួយថ្ងៃទេ គ្រាន់ចំណាយប្រចាំថ្ងៃ ព្រោះចាស់ហើយធ្វើការធ្ងន់មិនកើតទេ” អ្នកមីងលីធីលៀងបានចែករំលែកជាមួយយើងខ្ញុំដូច្នេះ។

ដោយមានបទពិសោធន៍និងភាពប៉ិនប្រសប់ អ្នក "ចងខ្ទឹមក្រហម" នៅទីនេះបានចងខ្ទឹមមើមនីមួយៗឱ្យទៅជាបាច់យ៉ាងស្អាត ដើម្បីត្រៀមផ្គត់ផ្គង់ដល់ទីផ្សារ។ ការងារនេះភាគច្រើនទាក់ទាញស្ត្រីវ័យកណ្តាល និងមនុស្សចាស់ ជួយឱ្យពួកគាត់មានប្រភពចំណូលនៅឯស្រុកកំណើត ដោយមិនចាំបាច់ទៅធ្វើការនៅឆ្ងាយ។ បងស្រីស៊ើងធីសាមេត នៅសង្កាត់វិញចូវ ទីក្រុងកឹងធើ បានឱ្យដឹង៖ “ក្នុងមួយថ្ងៃខ្ញុំចងបាន១០០គីឡូក្រាម ឬលើស១០០គីឡូក្រាមក៏មានដែរ ប្រហែលម៉ោង៨ព្រឹក ពេលត្រឡប់មកពីផ្សារវិញខ្ញុំក៏ចាប់ផ្តើមធ្វើ ចំណូលនេះគឺល្មមសម្រាប់ចំណាយក្នុងគ្រួសារ និងទុកមួយចំណែកឱ្យកូនទៅរៀន។ ធ្វើការនៅទីនេះជិតផ្ទះ ផ្តល់ភាពងាយស្រួលដល់ខ្ញុំច្រើនណាស់ មិនបាច់ទៅធ្វើការឆ្ងាយចោលកូនចៅ ហើយនៅមានចំណូលសម្រាប់ចាយវាយប្រចាំថ្ងៃទៀតផង”។

តាមរយៈការច្នៃប និងការវេចខ្ចប់នៅនឹងកន្លែង សហករណ៍បាននាំយកផលិតផលខ្ទឹមក្រហមដែលមានគុណភាពខ្ពស់ ចូលទៅកាន់ទីផ្សារទូទាំងប្រទេស។ សកម្មភាពនេះបាននាំមកនូវអត្ថប្រយោជន៍ទ្វេដង៖ គឺការលើកកម្ពស់តម្លៃផលិតផលនិងការដោះស្រាយបញ្ហាការធ្វើយ៉ាងមានប្រសិទ្ធភាពសម្រាប់នារីនៅភូមិភាគ។ លោកថាច់ឌីន នាយកសហករណ៍ខ្ទឹមក្រហមវិញចូវបានឱ្យដឹង បច្ចុប្បន្នសហករណ៍កំពុងបង្កការងារធ្វើជាប្រចាំជូនពលករពី៤០-៥០នាក់ ដើម្បីចូលរួមក្នុងការច្នៃនិងវេចខ្ចប់ផលិតផល។ ចំណូលសម្រាប់ពលករមានពី២៥០.០០០ដល់៣០០ពាន់ដុង/ថ្ងៃ ចំណែកពលការិនីគឺចាប់ពី ២០០.០០០ ដល់ ២៥០.០០០ ដុង/ថ្ងៃ។

មិនចាំបាច់មានគ្រឿងចក្រទំនើបឡើយ របរច្នៃខ្ទឹមក្រហមនៅតំបន់វិញចូវ នៅតែបន្តរក្សាភាពរស់រវើកបានជាច្រើនជំនាន់មកហើយ។ ភាពផ្ចិតផ្ចង់របស់អ្នកស្រុកក្នុងតំបន់ បានប្រែក្លាយមើមខ្ទឹមធម្មតាៗ ឲ្យទៅជាផលិតផលដែលមានគុណភាពខ្ពស់ រួមចំណែកសាយភាយកេរ្តិ៍ឈ្មោះផលិតផលប្រណីតរបស់ភូមិស្រុកនិងបង្កមុខរបរសម្រាប់សហគមន៍នៅតំបន់ឆ្នេរសមុទ្រផងដែរ៕

ថាញ់ហ៊ុង-ដាលីន

ចែករំលែកអត្ថបទ

ពាក្យគន្លឹះ