មហាសាមគ្គីជនជាតិ គំរូក្នុងសហគមន៍

19/03/2026 - 06:58

កសិករខ្មែររវៀសរវៃបង្វែរផលិត ឈានឡើងលំនឹងជីវភាព

មិនត្រឹមតែផ្សារភ្ជាប់ជាមួយដំណាំស្រូវប៉ុណ្ណោះទេ កសិករខ្មែរជាច្រើននៅទីក្រុងកឹងធើ បានមោះមុតបង្វែរការផលិត បង្កើតបានជាទម្រង់សេដ្ឋកិច្ចមានប្រសិទ្ធភាព រួមចំណែកលើកស្ទួយប្រាក់ចំណូល លំនឹងជីវភាព។

សមាគមកសិករឃុំញូយ៉ា មកទស្សនាទម្រង់ដាំដំណាំរបស់គ្រួសារពូស៊ើងសង្ហានិងអ្នកមីងយឿងធីឡេន។

នៅភូមិហ៊ឹងថើយ ឃុំថាញ់ថើយអាង ក្រៅពីដីផលិតស្រូវជាង ១ ហិកតា ពូយ៉ុយ បានប្រើប្រាស់អស់ពីលទ្ធភាពដីភ្លឺប្រឡាយជាង ១ កុងដើម្បីដាំខ្ជាយ។ បើតាមពូយ៉ុយ ខ្ជាយជាប្រភេទដំណាំងាយដាំ គ្មានសត្វល្អិតបំផ្លាញ មិនទាមទារចំណាយកម្លាំងថែទាំច្រើន។ គ្រាន់តែចុះពូជម្តង រយៈពេលប្រមាណ ៦ ខែអាចនឹងប្រមូលផល។ “ដំណាំនេះមិនបាច់ថែទាំច្រើនទេ គ្រាន់តែដីមានសំណើមគឺលូតលាស់ល្អ។ ប្រមូលផលរួចស្រេចគឺយើងជ្រោយដីដាំឡើងវិញ បង្វិលជុំជាបន្តបន្ទាប់” ពូយ៉ុយ បានចែករំលែកដូច្នេះ។

ក្នុងមួយលើកៗ គ្រួសារពូយ៉ុយប្រមូលផលខ្ជាយ បានពី៣ - ៤ តោន។ ឈ្មួញចុះមកទិញដល់ផ្ទះ ម្ល៉ោះហើយច្រកចេញលំនឹង។ លក់ក្នុងតម្លៃប្រមាណ ១៨.០០០ ដុងក្នុងមួយគីឡូក្រាម ដូចឆ្នាំកន្លង ក្រោយពីទូទាត់ចំណាយ គាត់ចំណេញបានជិត ២០ លានដុងក្នុងមួយរដូវ។ អាស្រ័យរក្សាទម្រង់ដាំនេះជាច្រើនឆ្នាំ ថែមទាំងបង្កបង្កើនផលស្រូវផង គ្រួសារពូយ៉ុយរកបានប្រាក់ចំណូលបន្ថែម គួរកត់សម្គាល់។

រីឯនៅភូមិព្រែកអណ្តើក ឃុំញូយ៉ា គ្រួសារពូស៊ើងសង្ហានិងអ្នកមីងយឿងធីឡេន ដោយមានបទពិសោធន៍ច្រើនឆ្នាំដាំដំណាំរួមផ្សំ ម្ល៉ោះហើយគ្រួសារពូមីងចេះអនុវត្តវិធីដាំផ្លាស់វេនគ្នាដំណាំជាច្រើនប្រភេទលើផ្ទៃដីប្រមាណ៤កុង។

ឆ្នាំនេះ គ្រួសារគាត់ដាំប្រភេទដំណាំដូច៖ ស្ពៃក្តោប ត្រសក់ ត្រឡាច ឃ្លោក ដាំសមស្របទៅតាមរដូវកាលនីមួយៗ ប្រើប្រាស់អស់ពីលទ្ធផលដីធ្លីផង ជាមេគ្រួសារបន្ថយហានិភ័យដោយសារប្រែប្រួលនៃតម្លៃផង។ អាស្រ័យវិធីធ្វើប្រកបដោយភាពបត់បែននេះ គួបផ្សំនឹងអាកាសធាតុអំណោយផល ចម្ការដំណាំលូតលាស់ល្អ ផ្តល់ផលជុំឆ្នាំ។

គួរកត់សម្គាល់ក្នុងរដូវចុងឆ្នាំកន្លង ដោយឡែកត្រសក់ដាំលើផ្ទៃដី ៣ កុង ផ្តល់បរិមាណផលជាង ២ តោនក្នុងមួយកុង។ ក្នុងតម្លៃលក់ ១០.០០០ ដុងក្នុងមួយគីឡូក្រាម បន្ទាប់ពីទូទាត់ចំណូលចំណាយរួច គ្រួសារគាត់ចំណេញបានជិត ៧០ លានដុង។ លទ្ធផលនេះមិនត្រឹមតែជួយគ្រួសារលើកស្ទួយប្រាក់ចំណូលប៉ុណ្ណោះទេ ថែមទាំងបង្កជាកម្លាំងចលករ ដើម្បីបន្តរក្សាបើកទូលាយទម្រង់ដាំដំណាំរួមផ្សំក្នុងរយៈពេលខាងមុខទៀតផង។

លោកស្រី ង្វៀងហុងក្វាង ប្រធានសមាគមកសិករឃុំញូយ៉ា ឱ្យដឹង៖ “ទម្រង់បង្កបង្កើនផលមានប្រសិទ្ធភាពរបស់កសិករខ្មែរ បានរួមចំណែកយ៉ាងសំខាន់ក្នុងការអភិវឌ្ឍសេដ្ឋកិច្ចភូមិភាគ។ រយៈពេលខាងមុខ សមាគមកសិករឃុំ នឹងជំរុញទឹកចិត្តមាមីងមោះមុតបង្វែររចនាសម្ព័ន្ធដំណាំដាំដុះ អនុវត្តវិទ្យាសាស្ត្របច្ចេកទេស ប្រើប្រាស់អស់ពីលទ្ធភាពផ្ទៃដីដែលមានស្រាប់ដើម្បីបង្កើនប្រាក់ចំណូល ជាជំហានៗឈានឡើងធ្វើមានស្របច្បាប់លើផ្ទៃដីភូមិកំណើត”៕

ហុងទើ - លីសៀ

ចែករំលែកអត្ថបទ

ពាក្យគន្លឹះ