មហាសាមគ្គីជនជាតិ គំរូក្នុងសហគមន៍

17/03/2026 - 10:49

គំរូលេចធ្លោក្នុងការកសាងជនបទថ្មី

ពូស៊ើងជួន កើតនៅឆ្នាំ ១៩៥៥ នៅភូមិស្ពឺធំ ឃុំសុងឡុក ខេត្តវិញឡុង។ អ្នកដែលបានបរិច្ចាគដីចំនួន ៤០០ ម៉ែត្រការ៉េសម្រាប់កសាងផ្លូវដាន រួមចំណែកជាមួយរដ្ឋអំណាចភូមិភាគកសាងជនបទថ្មី។

ពូ ស៊ើងជួន (ខាងស្តាំ) កំពុងប្តូរយោបល់ជាមួយកម្មាភិបាលឃុំសុងឡុក។

កាលពីមុន ផ្លូវនៅភូមិស្ពឺធំជាផ្លូវតូចចង្អៀត ដើមឈើស៊ុបទ្រុប ការធ្វើដំណើរនិងដឹកទំនិញកសិផលរបស់ប្រជាជនជួបការលំបាក។ នៅរដូវវស្សា ផ្លូវភក់ល្បាប់រអិលការធ្វើដំណើរទៅមកមានការលំបាក។ ក្រោយពីបានក្រាលដានរួច ផ្លូវបានបើកទូលាយ ជ្រះស្អាត ដោយមានទទឹងប្រមាណ ២,៥ ម៉ែត្រ និងបណ្តោយជិត ៣,៥ គីឡូម៉ែត្រ បង្កលក្ខណៈងាយស្រួលសម្រាប់ប្រជាជនធ្វើដំណើរ ដឹកទំនិញ និងជួយប្អូនៗសិស្សានុសិស្ស ទៅសាលារៀនមានសុវត្ថិភាព។

ដោយឃើញជីវភាពរបស់ប្រជាជននៅតំបន់ជនបទនៅមានការលំបាក បំផុតគឺការធ្វើដំណើរទៅមកនៅពេលដែលរដ្ឋបំផុសចលនា កសាងផ្លូវជនបទក្នុងកម្មវិធីកសាងជនបទថ្មី ពូស៊ើងជួន បានខ្នះខ្នែងចលនាមាមីងក្នុងភូមិបរិច្ចាគដី ដើមឈើ ដំណាំ និងកម្លាំងពលកម្មដើម្បីកសាងផ្លូវ។ ដោយឡែកគ្រួសាររបស់គាត់ ឈានមុខបរិច្ចាគជាង ៤០០ ម៉ែត្រការ៉េ គិតជាតម្លៃជាង ៤០០ លានដុង រួមចំណែកដល់ការពង្រីកផ្លូវ និងសម្រួលដល់ការធ្វើដំណើររបស់ប្រជាជន និងការសិក្សារបស់កូនចៅក្នុងភូមិ។

ពូស៊ើងជួន បានចែករំលែក៖ “ពីមុនផ្លូវពិបាក ធ្វើដំណើរណាស់ បំផុតគឺរដូវវស្សា។ ដូច្នេះ នៅពេលដែលមានគោលការណ៍កសាងផ្លូវ ខ្ញុំក៏បរិច្ចាគដីដោយស្ម័គ្រចិត្ត។ ទោះបីដីជាទ្រព្យសម្បត្តិមានតម្លៃក៏ដោយ ប៉ុន្តែខ្ញុំជឿជាក់ថា ដើម្បីអភិវឌ្ឍភូមិ ស្រុក គឺពលរដ្ឋម្នាក់ៗត្រូវធ្វើជាគំរូចូលរួមទាំងអស់។ ខ្ញុំពិតជារីករាយណាស់ដែលសកម្មភាពរបស់ខ្លួនបានរួមចំណែកក្នុងការផ្លាស់ប្តូរទិដ្ឋភាពជនបទ ជួយឱ្យមាមីងធ្វើដំណើរងាយស្រួល។ ទន្ទឹមនឹងនោះ ខ្ញុំតែងតែចលនាប្រជាជន និងអប់រំកូនចៅឱ្យខិតខំសិក្សារៀនសូត្រនិងពលកម្មផលិតអនុវត្តល្អការងាររៀនសូត្រ និងធ្វើតាមសតិអារម្មណ៍ សីលធម៌ ឥរិយាបថហូជីមិញជាប្រចាំ”។

លោកស្រី ថាច់ធីគឹមហឿង លេខាសាខាបក្ស ភូមិស្ពឺធំ មានប្រសាសន៍៖ “ភូមិស្ពឺធំមានជនរួមជាតិខ្មែររស់នៅកុះករ។ នៅពេលដែលភូមិភាគផ្សព្វផ្សាយចលនាកម្មវិធីគោលដៅជាតិពីការកសាងជនបទថ្មី ប្រជាជននៅក្នុងភូមិទាំងអស់បានគាំទ្រនិងធ្វើតាម ក្នុងនោះ ពូស៊ើងជួន គឺជាអ្នកចូលរួមយ៉ាងសកម្មបំផុត និងមានការរួមចំណែកច្រើន។ ក្នុងដំណើរការកសាងផ្លូវ គ្រួសារពូមានការរងផលប៉ះពាល់ មានដូច៖ ដើមឈើ និងដំណាំជាច្រើន ប៉ុន្តែពូនៅតែមានឆន្ទៈបរិច្ចាគដី ដើម្បីរួមចំណែកជួយឱ្យការធ្វើដំណើររបស់មាមីងមានភាពងាយស្រួល និងលើកកម្ពស់ជីវ ភាពសម្ភារៈ ស្មារតីរបស់ប្រជាជន។ រាល់ទង្វើរបស់ពូបានរួមចំណែកសាយភាយស្មារតីសាមគ្គី រួមគ្នាក្នុងការកសាងជនបទថ្មីនៅក្នុងភូមិភាគ”៕

ស៊ើងម៉ាល័យ-មេងលី

ចែករំលែកអត្ថបទ

ពាក្យគន្លឹះ