ព្រឹត្តិការណ៍ - នយោបាយ ព្រឹត្តិការណ៍

16/03/2026 - 15:25

បំផុសចលនាប្រឡងប្រណាំងអបអរសាទរអនុស្សាវរីយ៍ ៨៥ ឆ្នាំទិវាបង្កើតកងយុវជនឈានមុខហូជីមិញ

ក្រុមបឹក្សាកងគ្រប់ថ្នាក់នឹងចាត់តាំងសួនកម្សាន្តច្នៃប្រតិដ្ឋ វិទ្យាសាស្ត្រសម្រាប់កុមារចូលរួមគាំទ្រប្រឡងប្រណាំង។ ក្នុងរូបភាពៈ សិស្សានុសិស្សចូលរួមទិវា STEM ដែលរៀបចំដោយអនុវិទ្យាល័យត្រឹងហ៊ឹងដាវ (សង្កាត់និញកេវ ទីក្រុងកឹងធើ) សហការជាមួយអង្គភាពនានាចាត់តាំងឡើង។

គណៈលេខាសម្ព័ន្ធយុវជនមជ្ឈិមនិងក្រុមបឹ្រក្សាកងមជ្ឈិម បានបំផុសចលនាប្រឡងប្រណាំង អបអរសាទរអនុស្សាវរីយ៍ ៨៥ ឆ្នាំបង្កើតកងយុវជនឈានមុខហូជីមិញ (១៥/៥/១៩៤១-១៥/៥/២០២៦)។

ការប្រឡងប្រណាំងលើកនេះ បានប្រព្រឹត្តឡើងចាប់ពីថ្ងៃទី ១០ ខែមីនា ដល់ថ្ងៃទី ១៩ ខែ ឧសភា ឆ្នាំ២០២៦ ជាមួយបធានបទ “កងយើងធំឡើងជាមួយប្រទេសជាតិ”។ ក្នុងឱកាសនេះដែរ បណ្តាអន្តរក្រុមក្នុងទូទាំងប្រទេសបានចាត់តាំងជាច្រើនសកម្មភាពមានអត្ថន័យ ដូចជា៖ ប្រជុំកង ជាមួយខ្លឹមសារសំខាន់ៗនៃបធានបទ “រៀងរាល់សប្តាហ៍មានរឿងរ៉ាវល្អមួយ សៀវភៅល្អមួយ គំរូល្អមួយ”; សួនកម្សាន្តច្នៃប្រតិដ្ឋ វិទ្យាសាស្ត្រ និងភាសាបរទេស; ការប្រឡងស្វែងយល់អំពីប្រវត្តិសាស្ត្រ; ដំណើរវិលត្រឡប់ទៅរកប្រភព និងសកម្មភាពសុខុមាលភាពសង្គម។

ការប្រឡងប្រណាំងនេះ ក្នុងគោលបំណងអប់រំពីប្រពៃណីប្រវត្តិសាស្ត្រ បំប៉ន់បំណិន និងដាស់ស្មារតីទទួលខុសត្រូវរបស់កុមារ។ សម្ព័ន្ធយុវជនមជ្ឈិមនិងក្រុមបឹក្សាកងមជ្ឈិមលើកទឹកចិត្តក្រុមប្រឹក្សាកងភូមិភាគ និងអន្តរក្រុមនានាចាត់តាំងសកម្មភាពសួនកម្សាន្ត សកម្មភាពការពារបរិស្ថាន និងថែទាំកុមារដែលមានស្ថានភាពលំបាក៕

ក្វឹកថាយ - មេងលី

ចែករំលែកអត្ថបទ

ពាក្យគន្លឹះ