ព្រឹត្តិការណ៍ - នយោបាយ ព្រឹត្តិការណ៍

16/12/2025 - 20:02

មន្ទីរពេទ្យដំបូងបង្អស់នៅតំបន់វាលរាបទន្លេគឺវឡុងទទួលបានវិញ្ញាបនបត្រទទួលស្គាល់គុណភាពអន្តរជាតិតាមស្តង់ដារអាមេរិក

លោកស្រី ង្វៀងធីង៉ុកឌេប អនុប្រធានគណៈកម្មាធិការប្រជាជនទីក្រុងកឹងធើ មានប្រសាសន៍ថា ថ្នាក់ដឹកនាំទីក្រុងតែងយកចិត្តទុកដាក់ និងផ្តល់អាទិភាពដល់ការវិនិយោគលើវិស័យសុខាភិបាល ជាពិសេសការអភិវឌ្ឍធនធានមនុស្ស ក្នុងគោលបំណងថែទាំសុខភាពប្រជាជនកាន់តែល្អប្រសើរឡើង។

មន្ទីរពេទ្យសាកលវិទ្យាល័យណាមកឹងធើ បានចាត់តាំងឱឡារិកពិធីប្រកាសសមិទ្ធផលដែលទទួលបានវិញ្ញាបនបត្រទទួលស្គាល់គុណភាពអន្តរជាតិ តាមស្តង់ដារអាមេរិក។ នេះជាមន្ទីរពេទ្យដំបូងបង្អស់នៅតំបន់វាលរាបទន្លេគឺវឡុងដែលទទួលបានស្តង់ដារនេះ។

លោកស្រី ហូធីកឹមដាវ អនុលេខាគណៈកម្មាធិការបក្សទីក្រុង និងជាប្រធានគណៈកម្មាធិការរណសិរ្សមាតុភូមិវៀតណាមទីក្រុងកឹងធើ; លោក ង្វៀងវ៉ាំងខើយ អនុប្រធានគណៈកម្មាធិការប្រជាជនទីក្រុងកឹងធើ; លោកស្រី ង្វៀងធីង៉ុកឌេប អនុប្រធានគណៈកម្មាធិការប្រជាជនទីក្រុងកឹងធើនិងថ្នាក់ដឹកនាំមន្ទីរ ផ្នែក បានអញ្ជើញចូលរួមក្នុងពិធីនេះ។

ថ្នាក់ដឹកនាំទីក្រុងជូនពរមន្ទីរពេទ្យសាកលវិទ្យាល័យណាមកឹងធើ ដែលទទួលបានវិញ្ញាបនបត្រទទួលស្គាល់គុណភាពអន្តរជាតិតាមស្តង់ដារអាមេរិក។ រូបថត៖ ធូសឿង

មន្ទីរពេទ្យសាកលវិទ្យាល័យណាមកឹងធើ បានអង្គការ American Accreditation Commission International (AACI) ដែលជាអង្គការឈានមុខគេមួយលើពិភពលោកក្នុងការទទួលស្គាល់គុណភាពថែទាំសុខភាព ប្រកាសទទួលបានលទ្ធផល៩២,១៦% ក្នុងចំណោម១០០% តាមបទដ្ឋានស្តង់ដារគុណភាពរបស់ AAC ។ អង្គការ AACI មានទីស្នាក់ការធំនៅសហរដ្ឋអាមេរិក និងមានបណ្តាញការិយាល័យនៅបណ្តាប្រទេសជាច្រើន។ ចាប់តាំងពីឆ្នាំ២០១៤ មកAACI បានចេញផ្សាយបទដ្ឋានស្តង់ដារទទួលស្គាល់គុណភាព ហើយបានសមាគមអន្តរជាតិអំពីគុណភាពថែទាំសុខភាពទទួលស្គាល់ជាប្រព័ន្ធស្តង់ដារដ៏ល្បីល្បាញបំផុតមួយនៅលើពិភពលោក ដែលបានអនុវត្តចំពោះវិស័យសុខាភិបាលជាច្រើន។

សាស្ត្រាចារ្យរង បណ្ឌិត វេជ្ជបណ្ឌិត ដាមវ៉ាំងកឿង នាយកមន្ទីរពេទ្យសាកលវិទ្យាល័យណាមកឹងធើ បានចែករំលែក៖ ការបានទទួលស្គាល់សម្រេចស្តង់ដារ AACI នេះ គឺជាលទ្ធផលនៃកិច្ចខិតខំប្រឹងប្រែង និងការលះបង់របស់បុគ្គលិក និងនិយោជិតទាំងអស់របស់មន្ទីរពេទ្យ។ វិញ្ញាបនបត្រ AACI គឺជាភស្តុតាងនៃការប្តេជ្ញាចិត្តរបស់មន្ទីរពេទ្យក្នុងការផ្តល់សេវាថែទាំសុខភាពដែលមានគុណភាព សុវត្ថិភាព និងគួរឱ្យទុកចិត្តដល់សហគមន៍។

ក្នុងនាមថ្នាក់ដឹកនាំទីក្រុង លោកស្រី ង្វៀងធីង៉ុកឌេប បានអបអរសាទរចំពោះសមិទ្ធផលដ៏ឆ្នើមរបស់មន្ទីរពេទ្យសាកលវិទ្យាល័យណាមកឹងធើ។ នេះគឺជាព្រឹត្តិការណ៍ ជាប្រវត្តិសាស្ត្រមិនត្រឹមតែសម្រាប់មន្ទីរពេទ្យប៉ុណ្ណោះទេ ថែមទាំងជាមោទនភាពរួមរបស់វិស័យសុខាភិបាលទីក្រុងកឹងធើផងដែរ ដែលបានបើកឱកាសជាច្រើនសម្រាប់កិច្ចសហប្រតិបត្តិការ និងការអភិវឌ្ឍ រួមចំណែកយ៉ាងសំខាន់ដល់ទិសដៅកសាងទីក្រុងក្លាយជាមជ្ឈមណ្ឌលវេជ្ជសាស្ត្រឯកទេសនៃតំបន់វាលរាបទន្លេគឺវឡុង។

អនុប្រធានគណៈកម្មាធិការប្រជាជនទីក្រុងបានបញ្ជាក់ថា ថ្នាក់ដឹកនាំទីក្រុងតែងយកចិត្តទុកដាក់ និងផ្តល់អាទិភាពដល់ការវិនិយោគលើវិស័យសុខាភិបាល ជាពិសេសការអភិវឌ្ឍធនធានមនុស្ស ក្នុងគោលបំណងថែទាំសុខភាពប្រជាជនកាន់តែល្អប្រសើរឡើង។ ទីក្រុងតែងរួមដំណើរ និងបង្កលក្ខណៈងាយស្រួលសម្រាប់ស្ថាប័នសុខាភិបាលនានា រួមទាំងមន្ទីរពេទ្យសាកលវិទ្យាល័យណាមកឹងធើផងដែរ ដើម្បីរួមចំណែកអនុវត្តប្រកបដោយប្រសិទ្ធភាពនូវសេចក្តីសម្រេចចិត្តលេខ ៧២-NQ/TW របស់ការិយាល័យនយោបាយ ស្តីពីដំណោះស្រាយលោតផ្លោះមួយចំនួន ដើម្បីពង្រឹងការការពារ ថែទាំ និងលើកកម្ពស់សុខភាពប្រជាជន៕

ប្រភព÷ baocantho.com.vn - សុផន

ចែករំលែកអត្ថបទ

ពាក្យគន្លឹះ