ព្រឹត្តិការណ៍ - នយោបាយ ព្រឹត្តិការណ៍

11/12/2025 - 21:54

ជូនអាហារូបករណ៍១៣៥ចំណែកដល់សិស្សានុសិស្សជនជាតិភាគតិច ដែលមានស្ថានភាពលំបាក

នៅសាលប្រជុំនៃគណៈកម្មាធិការបក្សសង្កាត់ភូឡើយ ទីក្រុងកឹងធើ មូលនិធិអាហារូបករណ៍វឺអាយិន–ក្លឹប "ដើម្បីហ្វាងសា-ទ្រឿងសាជាទីស្រឡាញ់ "បានសហការជាមួយសម្ពន្ធយុវជនទីក្រុង និងមន្ទីរអប់រំ និងបណ្តុះបណ្តាលទីក្រុងកឹងធើ ចាត់តាំងពិធីជូនអាហារូបករណ៍វឺអាយិន និងអាហារូបករណ៍ក្លឹប "ដើម្បីហ្វាងសា - ទ្រឿងសាជាទីស្រឡាញ់" ជូនដល់សិស្សានុសិស្សចំនួន១៣៥នាក់ ជាកូនចៅជនជាតិភាគតិច និងសិស្សានុសិស្សនៅតំបន់កោះសមុទ្រ ដែលមានស្ថានភាពលំបាក កូនយោធិនជំនាញចំណុះកងទ័ពការពារព្រំដែនទីក្រុងកឹងធើ។

លោកស្រី ត្រឹងធីធូហាំង នាយិការងនៃមន្ទីរអប់រំ និងបណ្តុះបណ្តាលទីក្រុងកឹងធើ រួមជាមួយអ្នកឧបត្ថម្ភជូនអាហារូបករណ៍ដល់សិស្សានុសិស្ស។

តាមរយៈនោះ គណៈចាត់តាំងក៏បានជូនអាហារូបករណ៍វឺអាយិនចំនួន៩០ ចំណែក (តម្លៃ១ លានដុង/ចំណែក) ដល់សិស្សបឋមសិក្សា អនុវិទ្យាល័យ; អាហារូបករណ៍ក្លឹប "ដើម្បីហ្វាងសា-ទ្រឿងសាជាទីស្រឡាញ់" ចំនួន២៥ចំណែក សម្រាប់សិស្សានុសិស្សដែលមានស្ថានភាពលំបាកនៅភូមិភាគនានា; និងអាហារូបករណ៍២០ចំណែក សម្រាប់ឧបត្ថម្ភដល់កូនចៅកម្មាភិបាល យោធិនជំនាញចំណុះកងទ័ពការពារព្រំដែនទីក្រុងកឹងធើ។

មូលនិធិអាហារូបករណ៍វឺអាយិន និងក្លឹប "ដើម្បីហ្វាងសា-ទ្រឿងសាជាទីស្រឡាញ់" អាស្រ័យដោយអតីតអនុប្រធារដ្ឋ ត្រឿងមីហ្វា ធ្វើជាប្រធានមូលនិធិនិងជាប្រធានក្លឹប។ ប្រភពមូលនិធិសង្គមូបនីយកម្ម សំដៅគិតគូរ ឧបត្ថម្ភដល់សិស្សានុសិស្សជាជនជាតិភាគតិច សិស្សានុសិស្សនៅតំបន់ជ្រៅ តំបន់ដាច់ស្រយាល និងកូនចៅអ្នកនេសាទ កងកម្លាំងបំពេញភារកិច្ចនៅតំបន់ព្រំដែននិងកោះសមុទ្រ។ នៅទីក្រុងកឹងធើ កម្មវិធីជូនអាហារូបករណ៍នេះបានក្លាយជាសកម្មភាពប្រចាំឆ្នាំ រួមចំណែកក្នុងការចែករំលែកការលំបាក ផ្តល់បន្ថែមកម្លាំងចិត្ត និងសាយភាយស្មារតីឧស្សាហ៍រៀនសូត្រដល់គ្រួសារជាច្រើនដែលមានស្ថានភាពលំបាក៕

យ្វីអាញ-វ៉ាន់តឹន

ចែករំលែកអត្ថបទ

ពាក្យគន្លឹះ