ព្រឹត្តិការណ៍ - នយោបាយ ព្រឹត្តិការណ៍

10/12/2025 - 22:02

ម្ចាស់ការ ច្នៃប្រតិដ្ឋ យកប្រជាជនធ្វើជាស្នូលដើម្បីធ្វើការបម្រើ

ក្រោពីផ្សព្វផ្សាយរៀបចំប្រព័ន្ធរដ្ឋអំណាចភូមិភាគ២ ថ្នាក់ មជ្ឈមណ្ឌលសេវាកម្មរដ្ឋបាលរដ្ឋទីក្រុងកឹងធើ បានធ្វើសេនាធិការជូនថ្នាក់ដឹកនាំទីក្រុង ដើម្បីចង្អុលការផ្សព្វផ្សាយភារកិច្ចកែទម្រង់និតីវិធីរដ្ឋបាលជាច្រើន រួមចំណែកកសាងរដ្ឋអំណាចភូមិភាគជិតដិតប្រជាជន ដើម្បីប្រជាជនធ្វើការបម្រើ។

ចាប់ពីថ្ងៃទី១ ខែកក្កដា ឆ្នាំ២០២៥ មកទល់ពេលនេះ មជ្ឈមណ្ឌលសេវាកម្មរដ្ឋបាលរដ្ឋទីក្រុងកឹងធើ បានម្ចាស់ការអនុវត្តល្អនូវមុខងារនិងភារកិច្ចដែលបានប្រគល់ជូន។ ការងារទទួលនិងដោះស្រាយនីតិវិធីរដ្ឋបាល បម្រើប្រជាជន អាជីវកម្ម បានរក្សាស្ថិរភាព និងរលូន ដោយសម្រេចបានលទ្ធផលវិជ្ជមានជាច្រើន។ មជ្ឈមណ្ឌលបានទទួលឯកសារជិត៩០.០០០ច្បាប់ ក្នុងនោះ អត្រាឯកសារដែលបានទទួលតាមរយៈសេវារដ្ឋអនឡាញសម្រេច៦៣,២%; អត្រាឯកសារដោះស្រាយបានត្រឹមត្រូវនិងមុនកាលកំណត់សម្រេច ៨២% ។ ទន្ទឹមនឹងនោះ ធ្វើសេនាធិការផ្សព្វផ្សាយអនុវត្តការទទួលនិងសំណងលទ្ធផលដោះស្រាយនីតិវិធីរដ្ឋបាល ដោយមិនស្ថិតក្នុងព្រំដែនរដ្ឋបាលលើភូមិឋានទីក្រុង។

យោងតាមស្ថិតិ គិតដល់ថ្ងៃទី២១ ខែវិច្ឆិកា ក្រុងបានប្រកាសនីតិវិធីរដ្ឋបាលចំនួន១.៨៧៨/២.២៦៥ (ថ្នាក់ទីក្រុង ថ្នាក់ឃុំ) អនុវត្តការទទួលនិងសំណងលទ្ធផលដោះស្រាយមិនស្ថិតក្នុងព្រំដែនរដ្ឋបាលសម្រេច៨៣%។ មជ្ឈមណ្ឌលបានចាត់តាំងនិងចូលរួមក្រុមត្រួតពិនិត្យរបស់ថ្នាក់ដឹកនាំនៃគណៈកម្មាធិការប្រជាជនទីក្រុង ការិយាល័យគណៈកម្មាធិការប្រជាជនទីក្រុង ដំណើរការត្រួតពិនិត្យ ៧៩ ឃុំ សង្កាត់ អំពីការងារអនុវត្តប្រព័ន្ធរដ្ឋអំណាចភូមិភាគ២ថ្នាក់ និងពិនិត្យដំណើរការរបស់មជ្ឈមណ្ឌលសេវាកម្មរដ្ឋបាលរដ្ឋថ្នាក់ឃុំ។

ប្រជាជនអនុវត្តនីតិវិធីរដ្ឋបាលនៅមជ្ឈមណ្ឌលសេវាកម្មរដ្ឋបាលរដ្ឋទីក្រុងកឹងធើ។

តាមប្រសាសន៍លោកស្រី ឡេស្វឹងហ្វា អនុប្រធានការិយាល័យគណៈកម្មាធិការប្រជាជនទីក្រុង និងជានាយិកាមជ្ឈមណ្ឌលសេវាកម្មរដ្ឋបាលរដ្ឋទីក្រុងកឹងធើ គ្រប់មន្ទី គណៈ ផ្នែក គប្បីសហការជិតស្និទ្ធជាមួយមជ្ឈមណ្ឌល ដាស់តឿននិងលើកសំណើដោះស្រាយបានទាន់ពេល ដើម្បីបង្កើនប្រសិទ្ធភាពដោះស្រាយនីតិវិធីរដ្ឋបាល។ ឧទាហរណ៍ដូចជាផ្សព្វផ្សាយការទទួលនិងសំណងលទ្ធផលនីតិវិធីរដ្ឋបាល មិនស្ថិតក្នុងព្រំដែនរដ្ឋបាល មជ្ឈមណ្ឌលបានសហការជាមួយអង្គភាពនានារៀបចំវគ្គហ្វឹកហ្វឺនបានចំនួន ៣ លើក ស្តីពីជំនាញគ្រប់គ្រងនីតិវិធីរដ្ឋបាលនិងផ្សព្វផ្សាយអនុវត្តនីតិវិធីរដ្ឋបាលមិនស្ថិតក្នុងព្រំដែនរដ្ឋបាល រួមចំណែកលើកកម្ពស់សមត្ថភាពជំនាញវិជ្ជាជីវៈនិងបំណិនអនុវត្តភារកិច្ចដល់កងជួរបុគ្គលិករដ្ឋ។ ទន្ទឹមនឹងនោះ ចាត់តាំងកិច្ចប្រជុំបាន២ លើក ដើម្បីដោះស្រាយបញ្ហាលំបាក ដែលទាក់ទងនឹងការដាក់សំណុំឯកសារតាមអនឡាញក្នុងវិស័យគតិយុតិ្ត និងលទ្ធផលនៃក្រមសន្ទស្សន៏បម្រើប្រជាជន អាជីវកម្មក្នុងការដោះស្រាយនីតិវិធីរដ្ឋបាល សេវាកម្មរដ្ឋលើបរិស្ថានអេឡិចត្រូនិក។

លោក លឺវថាញសាង នាយកមជ្ឈមណ្ឌលសេវាកម្មរដ្ឋបាលរដ្ឋសង្កាត់និញកេវ ឱ្យដឹង៖ ការទទួលនិងដោះស្រាយនីតិវិធីរដ្ឋបាលមិនស្ថិតក្នុងព្រំដែនរដ្ឋបាល ត្រូវបានគណៈកម្មាធិការបក្សនិងរដ្ឋអំណាចគ្រប់លំដាប់ថ្នាក់ កំណត់ច្បាស់ជាភារកិច្ចមួយក្នុងចំណោមភារកិច្ចសំខាន់ៗ និងលោតផ្លោះក្នុងការកែទម្រង់រដ្ឋបាល។ គណៈកម្មាធិការប្រជាជនសង្កាត់បានវិនិយោគមូលដ្ឋានសម្ភារៈ វិនិយោគគ្រឿងបរិក្ខារ ដើម្បីឆ្លើយតបទៅនឹងតម្រូវការទទួលនិងដោះស្រាយសំណុំឯកសាររបស់ប្រជាជន”។

តាមប្រសាសន៍ លោកសាង មជ្ឈមណ្ឌលបានចាត់បុគ្គលិកចំនួន១២នាក់ ទទួលបន្ទុកក្នុងការទទួលសំណុំឯកសារនិងសំណងលទ្ធផលទៅតាមវិស័យនីមួយៗ អនុវត្តការងារគ្រប់គ្រងនីតិវិធីរដ្ឋបាល ទទួលនិងដោះស្រាយការប្រតិកម្ម សំណើអំពីដំណោះស្រាយនីតិវិធីរដ្ឋបាល។

“បុគ្គលិករដ្ឋបានចូលរួមគ្រប់អង្គសន្និសីទហ្វឹកហ្វឺន អំពីការផ្សព្វផ្សាយនីតិវិធីរដ្ឋបាលមិនស្ថិតក្នុងព្រំដែនរដ្ឋបាល ជំនាញគ្រប់គ្រងនីតិវិធីរដ្ឋបាល ដែលចាត់តាំងឡើងដោយទីក្រុង ដូច្នេះ ច្បាស់លាស់បែបបទណែនាំប្រជាជនអនុវត្តនីតិវិធីរដ្ឋបាល បង្កើនកម្រិតពេញចិត្តរបស់ប្រជាជន” លោកសាងបានឱ្យដឹងដូច្នេះ។

នៅក្នុងកិច្ចប្រជុំបូកសរុបបណ្តោះអាសន្ន សកម្មភាពរបស់មជ្ឈមណ្ឌលសេវាកម្មរដ្ឋបាលរដ្ឋទីក្រុងកឹងធើ នៅដើមខែធ្នូ ឆ្នាំ២០២៥ លោកង្វៀងត្រុងស៊ើង ប្រធានការិយាល័យគណៈកម្មាធិការប្រជាជនទីក្រុង បានវាយតម្លៃខ្ពស់ចំពោះការខិតខំសម្រេចល្អភារកិច្ចរបស់មជ្ឈមណ្ឌល ក្នុងបរិការណ៍នៃការអនុវត្តទម្រង់រដ្ឋអំណាចភូមិភាគ២ថ្នាក់។

ប្រធានការិយាល័យគណៈកម្មាធិការប្រជាជនទីក្រុង សំណូមពរគ្រប់មន្ទីរ គណៈ ផ្នែកនិងអង្គភាពនានាដែលជាប់ពាក់ព័ន្ធ គប្បីធ្វើសមទិនសំណុំឯកសារដោះស្រាយនីតិវិធីរដ្ឋបាលទៅក្នុងប្រព័ន្ធបានទាន់ពេល បង្កើនអត្រាឌីជីថលសំណុំឯកសារ; បន្តការណែនាំប្រជាជនអនុវត្តសេវារដ្ឋអនឡាញ; ដោះស្រាយការប្រតិកម្មនិងសំណើរបស់ប្រជាជនបានទាន់ពេល អំពីការអនុវត្តនីតិវិធីរដ្ឋបាល។ ទន្ទឹមនឹងនោះ មជ្ឈមណ្ឌលគប្បីបន្តការផ្សព្វផ្សាយអនុវត្តនីតិវិធីរដ្ឋបាលតាមយន្តការច្រកចេញចូលតែមួយ; សហការជិតស្និទជាមួយមន្ទីរ គណៈ ផ្នែកនិងអង្គភាពនានាដែលជាប់ពាក់ព័ន្ធ ដើម្បីរៀបចំសកម្មភាពទទួលសំណុំឯកសារនិងសំណងលទ្ធផលនីតិវិធីរដ្ឋបាល ធានាប្រសិទ្ធភាព គុណភាព សមស្របនឹងស្ថានភាពជាក់ស្តែងនិងតម្រូវការរបស់ប្រជាជន អាជីវកម្ម៕

ប្រភព៖ baocantho.com.vn-មុនី

ចែករំលែកអត្ថបទ

ពាក្យគន្លឹះ