(កឹងធើ) - អ្នកតំណាងចូលរួមមហាសន្និបាតទាំងអស់ ១០០% បានឯកច្ឆ័ន្ទអនុម័តលើសេចក្ដីសម្រេចមហាសន្និបាតតំណាងបក្ខភាគទីក្រុងកឹងធើ លើកទី១ អាណត្តិកាល ២០២៥- ២០៣០ ជាមួយនឹងភាគកម្រិតច្បាស់លាស់២៨ចំណុច, ភារកិច្ចសំខាន់ចំនួន៥ និងយុទ្ធសាស្ត្រលោតផ្លោះចំនួន ៣។
បន្តកម្មវិធីមហាសន្និបាត សមមិត្ត ង្វៀងយូ ប្រធានការិយាល័យគណៈកម្មាធិការបក្ស ទីក្រុង ប្រធានគណៈលេខានៃមហាសន្និបាត បានអានពង្រាងសេចក្តីសម្រេចមហាសន្និបាតតំណាងបក្ខភាគទីក្រុងកឹងធើ លើកទី១ អាណត្តិកាល ២០២៥- ២០៣០។
យោងតាមពង្រាងសេចក្តីសម្រេចមហាសន្និបាត ទីក្រុងកឹងធើ ខិតខំប្រឹងប្រែងដល់ឆ្នាំ២០៣០ ក្លាយជាប៉ូលកំណើនសេដ្ឋកិច្ចរបស់ប្រទេស រក្សាគោលជំហរកម្លាំងអភិវឌ្ឍន៍ ភាពសាយភាយនិងដឹកនាំទូទាំងតំបន់។ ដល់ឆ្នាំ២០៤៥ ក្លាយជាទីក្រុង អេកូឡូស៊ី វប្បធម៌និងទំនើប ខិតខំប្រឹងប្រែងចូលក្នុងក្រុមទីក្រុងមានការអភិវឌ្ឍខ្ពស់នៃតំបន់អាស៊ី និងក្លាយជាទីក្រុងដែលគួររស់នៅបំផុតរបស់ប្រទេសវៀតណាម។ ទីក្រុង ខិតខំប្រឹងប្រែងអនុវត្តសម្រេចជោគជ័យភាគកម្រិតចំនួន២៨។
សមមិត្ត ត្រឿងកាញ់តៀង អនុលេខាគណៈកម្មាធិការបក្សទីក្រុង ដំណើរការខ្លឹមសារបោះឆ្នោតអនុម័តភាគកម្រិតនៃសេចក្ដីសម្រេចមហាសន្និបាតតំណាងបក្ខភាគទីក្រុងកឹងធើ លើកទី ១ អាណត្តិកាល ២០២៥-២០៣០។
រូបថត៖ លីអាញ់ឡាម
ពង្រាងសេចក្តីសម្រេចមហាសន្និបាត បានកំណត់ភារកិច្ចសំខាន់ចំនួន៥
ទីមួយ៖ ប្រញឹកត្រួតពិនិត្យឡើងវិញ បំពេញបន្ថែមនិងកែសម្រួលផែនការរួម ស្តីពីការអភិវឌ្ឍសេដ្ឋកិច្ច-សង្គម; ផែនការទីក្រុងនិងជនបទ; ផែនការអភិវឌ្ឍន៍តាមផ្នែក។
ទីពីរ៖ ពង្រឹងការងារស្ថាបនាផ្ទៃក្នុងនិងកែលម្អបក្ស កសាងប្រព័ន្ធនយោបាយ កែលម្អរចនាសម្ព័ន្ធគ្រប់គ្រងរដ្ឋបាល; រៀបចំនិងកែលម្អឡើងវិញនូវប្រព័ន្ធគ្រប់គ្រងរដ្ឋបាលគ្រប់ លំដាប់ថ្នាក់សមស្របនឹងអង្គភាពរដ្ឋបាលថ្មី បន្តកាត់បន្ថយនិងរៀបចំចាត់តាំងកម្មាភិបាល ពិសេសគឺមុខតំណែងដឹកនាំសមស្របនឹងភារកិច្ច។
ទីបី៖ ដាក់សំណើកែប្រែ បំពេញបន្ថែមយន្តការគោលនយោបាយពិសេស; ប្ដេជ្ញាធ្វើឱ្យរលូន និងដោះស្រាយបញ្ហាដែលរាំងស្ទះ។
ទីបួន៖ ផ្លាស់ប្ដូរទម្រង់កំណើនសេដ្ឋកិច្ច និងរៀបចំឡើងវិញវិស័យសេដ្ឋកិច្ច ដោយផ្អែកលើវិទ្យាសាស្ត្រ បច្ចេកវិទ្យា និងផ្លាស់ថ្មីច្នៃប្រតិដ្ឋធ្វើជាកម្លាំងជំរុញសំខាន់។
ទីប្រាំ៖ បន្តធ្វើឱ្យសុក្រឹតយន្តការ គោលនយោបាយ ដើម្បីទាក់ទាញវិនិយោគនិងងាយស្រួលសម្រាប់អាជីវកម្មក្នុងការអភិវឌ្ឍសេដ្ឋកិច្ចឯកជន។
ពង្រាងសេចក្ដីសម្រេចមហាសន្និបាត កំណត់យុទ្ធសាស្ត្រលោតផ្លោះចំនួន ៣៖
ទីមួយ៖ ពង្រឹងការទាក់ទាញ បណ្តុះបណ្តាលនិងអភិវឌ្ឍធនធានមនុស្ស ជាពិសេស ធនធានមនុស្សគុណភាពខ្ពស់; ពង្រឹងការស្រាវជ្រាវ ការប្រើប្រាស់វិទ្យាសាស្ត្រ- បច្ចេកវិទ្យា ការផ្លាស់ថ្មីច្នៃប្រតិដ្ឋ និងការផ្លាស់ប្ដូរឌីជីថលគ្រប់វិស័យ; ពង្រឹងនិងពង្រីកកិច្ចសហប្រតិបត្តិការអន្តរជាតិ ដើម្បីទាក់ទាញប្រភពធនធានអភិវឌ្ឍសេដ្ឋកិច្ច-សង្គម និងផ្សព្វផ្សាយរូបភាពទីក្រុងកឹងធើក្នុងតំបន់និងអន្តរជាតិ។
ទីពីរ៖ អភិវឌ្ឍប្រព័ន្ធហេដ្ឋារចនាសម្ព័ន្ធសេដ្ឋកិច្ច-សង្គម ជាពិសេសហេដ្ឋារចនាសម្ព័ន្ធគមនាគមន៍; ហេដ្ឋារចនាសម្ព័ន្ធព័ត៌មានវិទ្យានិងឌីជីថល; បណ្ដុំឧស្សាហកម្ម និងបច្ចេកវិទ្យាព័ត៌មានប្រមូលផ្ដុំ; ទាក់ទាញវិនិយោគសាងសង់មជ្ឈមណ្ឌល logistics ទំនើប ភ្ជាប់ជាមួយកំពង់ផែនិងព្រលានយន្តហោះអន្តរជាតិ។
ទីបី៖ ធ្វើនវានុវត្តន៍ ឯកភាពអំពីការយល់ដឹងនិងសកម្មភាពរបស់គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ ទូទាំងប្រព័ន្ធនយោបាយ សហគមន៍អាជីវកម្ម និងប្រជាជនទូទាំងទីក្រុង អំពីតួនាទីនិងសារៈសំខាន់នៃសេដ្ឋកិច្ចឯកជន; ផ្តោតលើការកសាងនិងអភិវឌ្ឍអាជីវកម្មឯកជនថ្មី; កសាងនិងបំពេញប្រព័ន្ធយន្តការ គោលនយោបាយ ពង្រឹងការកែទម្រង់រដ្ឋបាល និងកែលម្អបរិយាកាសវិនិយោគអាជីវកម្ម។
ពង្រាងសេចក្ដីសម្រេចមហាសន្និបាត បានកំណត់វិធានការសំខាន់ចំនួន១០ គឺបន្តពង្រឹងការកសាង កែលម្អបក្ស ប្រព័ន្ធនយោបាយស្អាតស្អំ រឹងមាំគ្រប់ផ្នែក; លើកកម្ពស់សមត្ថភាពដឹកនាំគ្រប់គ្រងរបស់បក្ស; បន្តធ្វើឱ្យសុក្រឹតយន្តការ គោលនយោបាយ បង្កភាពលោតផ្លោះសម្រាប់ការអភិវឌ្ឍទីក្រុង; អភិវឌ្ឍសេដ្ឋកិច្ចលឿនរហ័សនិងស្ថិរភាពយូរអង្វែង; ពង្រឹងការសិក្សាស្រាវជ្រាវ ប្រើប្រាស់ ផ្ទេរវិទ្យាសាស្ត្រ-បច្ចេកវិទ្យា ការផ្លាស់ថ្មីច្នៃប្រតិដ្ឋ និងផ្លាស់ប្ដូរឌីជីថល; គ្រប់គ្រងនិងប្រើប្រាស់ធនធានឱ្យមានប្រសិទ្ធភាព ការពារបរិស្ថាននិងទប់ស្កាត់នឹងការប្រែប្រួលអាកាសធាតុ; អភិវឌ្ឍវប្បធម៌ និងមនុស្សកឹងធើលើគ្រប់វិស័យ; បន្តការផ្លាស់ថ្មីជាសារវន្តលើគ្រប់វិស័យនៃការអប់រំ-បណ្តុះបណ្តាល លើកកម្ពស់គុណភាពប្រភពធនធានមនុស្ស; គ្រប់គ្រងអភិវឌ្ឍសង្គមឱ្យមានស្ថិរភាព ធានាចំពោះវឌ្ឍនភាពនិងយុត្តិធម៌សង្គម; ពង្រឹងការការពារជាតិ សន្តិសុខ កសាងកម្លាំងប្រដាប់អាវុធបដិវត្តន៍ រៀបរយចំណាននិងទំនើប; ពង្រឹងការផ្សព្វផ្សាយ អនុវត្តព្រមៗគ្នា ប្រសិទ្ធភាពសកម្មភាពការទូត។
អ្នកតំណាងអនុម័តបានលើសេចក្ដីសម្រេចមហាសន្និបាតតំណាងបក្ខភាគ ក្រុងកឹងធើ លើកទី ១ អាណត្តិកាល ២០២៥-២០៣០។ រូបថត៖ លីអាញ់ឡាម
អ្នកតំណាងបានអនុម័តលើសេចក្ដីសម្រេចមហាសន្និបាតតំណាងបក្ខភាគ ក្រុងកឹងធើ លើកទី១ អាណត្តិកាល ២០២៥-២០៣០ ដោយមានការឯកភាព១០០% ។
សមមិត្តដោថាញប៊ិញ សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុងកឹងធើ អាណត្តិកាល ២០២០-២០២៥ ជំនួសឱ្យគណៈអធិបតីថ្លែងសុន្ទរកថាបិទមហាសន្និបាត។ រូបថត៖ លីអាញឡាម
ថ្លែងសុន្ទរកថាបិទមហាសន្និបាត សមមិត្ត ដោថាញប៊ិញ សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុងកឹងធើ អាណត្តិកាល ២០២០-២០២៥ លើកឡើង៖ មហាសន្និបាតតំណាងបក្ខភាគទីក្រុងកឹងធើ លើកទី១ អាណត្តិកាល ២០២៥-២០២៣០ បានបញ្ចប់រួចរាល់នូវខ្លឹមសារនិងកម្មវិធីដែលបានកំណត់សម្រេចជោគជ័យល្អប្រសើរ។ ក្នុងស្មារតីទទួលខុសត្រូវខ្ពស់ចំពោះបក្ខភាគនិងប្រជាជន មហាសន្និបាត បានពិភាក្សា វិភាគវែកញែក វាយតម្លៃប្រកបដោយសត្យានុម័តគ្រប់ជ្រុងជ្រោយ អំពីលទ្ធផល៥ឆ្នាំនៃការអនុវត្តសេចក្តីសម្រេចមហាសន្និបាតតំណាងបក្ខភាគទីក្រុង អាណត្តិកាល ២០២០-២០២៥។ ទន្ទឹមនឹងនោះ លើកឡើងដោយត្រង់ៗនូវចំណុចខ្វះខាត ភាពខ្វះចន្លោះនិងមូលហេតុ ជាពិសេសមូលហេតុប្រកបដោយអត្តនោម័ត ហើយបានស្រង់យកបទពិសោធន៍មានតម្លៃសម្រាប់ដំណើរការអភិវឌ្ឍន៍ថ្មី។ មហាសន្និបាត បានឯកភាពខ្ពស់ក្នុងការអនុម័តឯកសារសំខាន់ៗ ដូចជា៖ របាយការណ៍នយោបាយ; របាយការណ៍ត្រួតពិនិត្យការដឹកនាំ ចង្អុលការរបស់គណៈប្រតិបត្តិការបក្ខភាគ អាណត្តិកាល ២០២០-២០២៥; សេចក្តីសម្រេចមហាសន្និបាតតំណាងបក្ខភាគទីក្រុងកឹងធើ លើកទី១ អាណត្តិកាល ២០២៥-២០២៣០។ មហាសន្និបាត ក៏បានពិភាក្សានិងផ្ដល់មតិយោបល់សំខាន់ៗជាច្រើន ដោយបង្ហាញពីការប្ដេជ្ញាចិត្ត ការទទួលខុសត្រូវខ្ពស់ចំពោះសេចក្តីព្រាងឯកសារដាក់ជូនមហាសន្និបាតទូទាំងប្រទេស លើកទី XIV របស់បក្ស។
មហាសន្និបាត បានប្រកាសសេចក្តីសម្រេចរបស់ការិយាល័យនយោបាយ តែងតាំងសមមិត្ត៧៧រូប ជាសមាជិកគណៈប្រតិបត្តិការបក្ខភាគទីក្រុង; ក្នុងនោះ មាន១៨រូបជា សមាជិកគណៈអចិន្ត្រែយ៍នៃគណៈកម្មាធិការបក្សទីក្រុង សមមិត្តលេខាគណៈកម្មាធិការបក្សទីក្រុងមួយរូប និងសមមិត្ត៥រូប ជាអនុលេខាគណៈកម្មាធិការបក្សទីក្រុង នីតិកាលទី១ អាណត្តិកាល ២០២៥-២០៣០ សំដៅធានាបាននូវបទដ្ឋាន សមត្ថភាព និងភាពអង់អាច ដើម្បីទទួលរ៉ាប់រងបន្ទុកកិច្ចការងារដែលបក្ខភាគនិងប្រជាជនទីក្រុងបានប្រគល់។ មហាសន្និបាត ក៏បានប្រកាសសេចក្តីសម្រេចរបស់ការិយាល័យនយោបាយ អំពីការតែងតាំងអ្នកតំណាងដែលតំណាងឱ្យប្រាជ្ញា ការប្ដេជ្ញាចិត្តខ្ពស់របស់បក្ខភាគនិង ឆន្ទៈបំណងប្រាថ្នារបស់ប្រជាជនទីក្រុង ដើម្បីចូលរួមក្នុងមហាសន្និបាតតំណាងទូទាំងប្រទេស លើកទី XIV របស់បក្ស។
មហាសន្និបាត បានអំពាវនាវដល់កម្មាភិបាលបក្ខជន យុទ្ធជនកងកម្លាំងប្រដាប់ អាវុធទាំងអស់សហគមន៍អាជីវកម្មនិងប្រជាជនទីក្រុងគ្រប់ជាន់ថ្នាក់ ព្រមទាំងប្រជាជនទីក្រុងកឹងធើដែលរស់នៅគ្រប់តំបន់ក្នុងប្រទេសនិងនៅបរទេស បន្តរក្សាប្រពៃណី អង់អាចក្លាហាន ពង្រីកលក្ខណៈល្អផូរផង់របស់ស្រុកកំណើត បង្ហាញពីស្មារតីសាមគ្គី ខ្លួនទីពឹងខ្លួន ខិតខំប្រឡងប្រណាំងពលកម្មផលិត ស្រាវជ្រាវវិទ្យាសាស្ត្រ ការសិក្សា និងការច្នៃប្រតិដ្ឋ ព្យាយាមប្រឹងប្រែងដោយឥតឈប់ឈរ បញ្ចេញកម្លាំងកាយកម្លាំងបញ្ញា ដើម្បីអនុវត្តទទួលបានជោគជ័យសេចក្តីសម្រេចនៃមហាសន្និបាតតំណាងបក្ខភាគទីក្រុង លើកទី១ អាណត្តិ ២០២៥-២០៣០៕
អ្នកតំណាងចូលរួមមហាសន្និបាតធ្វើពិធីគោរពទង់បិទមហាសន្និបាត។ រូបថត៖ លីអាញឡាម
អាញយុង - ពេជ្រសឿន
ពាក្យគន្លឹះ
អគ្គនិពន្ធនាយកស្តីទី: ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
