ព្រឹត្តិការណ៍ - នយោបាយ ព្រឹត្តិការណ៍

23/09/2025 - 07:50

អំណរបុណ្យសែនដូនតា ឆ្នាំ២០២៥ - សាមគ្គីភាព ច្នៃប្រតិដ្ឋ សមាហរណកម្ម និងអភិវឌ្ឍ

- រសៀលថ្ងៃទី២២ ខែកញ្ញា ឆ្នាំ២០២៥ នៅវិទ្យាស្ថានពុទ្ធសាសនាទក្ខិណនិកាយខែ្មរ សង្កាត់អូរម៉ូង ទីក្រុងកឹងធើ បានចាត់តាំងផ្សាយបន្តផ្ទាល់តាមទូរទស្សន៍នៅពិធីបុណ្យសែនដូនតា ឆ្នាំ២០២៥ ក្រោមប្រធានបទ "បុណ្យសែនដូនតា - សាមគ្គីភាព ច្នៃប្រឌិត សមាហរណកម្ម និងអភិវឌ្ឍ"។ ចូលរួមក្នុងពិធីនេះមានថ្នាក់ដឹកនាំមជ្ឈិម ថ្នាក់ដឹកនាំទីក្រុង មន្ទីរ គណៈ ផ្នែកនានា សមាគមព្រះសង្ឃសាមគ្គីស្នេហាជាតិទីក្រុង ថ្នាក់ដឹកនាំវិទ្យាស្ថានព្រះពុទ្ធសាសនាទក្ខិណនិកាយខែ្មរ រួមនឹងព្រះឧបជ្ឈាយ៍ ព្រះតេជព្រះគុណ ព្រះសង្ឃពុទ្ធបរិស័ទ និងជនរួមជាតិខ្មែរជាច្រើននៅលើភូមិឋានខណ្ឌអូរម៉ូង ទីក្រុងកឹងធើ។

លោកស្រី ហូធីកឹមដាវ អនុលេខាគណៈកម្មាធិការបក្សទីក្រុង ប្រធានគណៈកម្មាធិការរណសិរ្សមាតុភូមិវៀតណាមទីក្រុង និងលោក ង្វៀងវ៉ាំងខើយ អនុប្រធានគណៈកម្មាធិការប្រជាជនទីក្រុង បានប្រគេនអំណោយអំណរពិធីបុណ្យសែនដូនតា ឆ្នាំ២០២៥។

ក្នុងក្របខ័ណ្ឌនៃកម្មវិធីនេះ មានកម្មវិធីសិល្បៈពិសេសៗញ៉ាំងបរិយាកាសនៃពិធីបុណ្យកាន់តែមានភាពអធិកអធម និងដិតដាមដោយអត្តសញ្ញាណវប្បធម៌ជនជាតិ។ ជាពិសេស បទយកការណ៌នាក្រោមប្រធានបទ “ទីក្រុងកឹងធើ - ការជួបជុំនិងភាពរុងរឿង រដូវសែនដូនតាមហាសាមគ្គី” បានផ្តល់នូវទិដ្ឋភាពនៃការផ្លាស់ថ្មី និងសមិទ្ធិផលនានារបស់ទីក្រុងកឹងធើ ពិសេសគឺការយកចិត្តទុកដាក់ដល់ជនជាតិភាគតិចក្នុងដំណាក់កាល២០២២-២០២៥។

នៅក្នុងពិធីនេះ លោកស្រី ថាច់ធីកេរិន នាយិការងមន្ទីរជនជាតិនិងសាសនា បានអានលិខិតប្រសិទ្ធពរពិធីបុណ្យសែនដូនតារបស់គណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន និងគណៈកម្មាធិការរណសិរ្សមាតុភូមិវៀតណាមទីក្រុងកឹងធើ ជូនចំពោះព្រះសង្ឃ និងជនរួមជាតិខ្មែរទូទាំងទីក្រុង។ ព្រមទាំងមានអំណោយជាច្រើនពោរពេញដោយអត្ថន័យបានប្រគេននិងជូនដល់វិទ្យាស្ថានពុទ្ធសាសនាទក្ខិណនិកាយខែ្មរ និងគ្រួសារដែលមានជីវភាពលំបាក ព្រមទាំងសិស្សានុសិស្សខ្មែរដែលឆ្លងកាត់ការលំបាករៀនពូកែ។

ថ្លែងក្នុងពិធីនេះ លោកស្រី ហូធីកឹមដាវ អនុលេខាគណៈកម្មាធិការបក្សទីក្រុង ប្រធានគណៈកម្មាធិការរណសិរ្សមាតុភូមិវៀតណាមទីក្រុង បានផ្ញើបិយវាចាជូនពរចំពោះព្រះឧបជ្ឈាយ៍ ព្រះតេជព្រះគុណ ព្រះសង្ឃ កម្មាភិបាល យុទ្ធជន និងជនរួមជាតិខ្មែរ ហើយបានអះអាងថា នេះជាពិធីបុណ្យដែលមានលក្ខណៈមនុស្សធម៌ដ៏ខ្ពង់ខ្ពស់ បង្ហាញពីគោលការណ៍ “ផឹកទឹកនឹកដល់ប្រភព” រួមចំណែកក្នុងភាពសម្បូរបែប និងលក្ខណៈពិសេសនៃវប្បធម៌វៀតណាម។

លោកស្រី ហូធីកឹមដាវ បានឱ្យដឹងថា រយៈពេលកន្លង គ្រប់ថ្នាក់ គ្រប់ផ្នែកបានយកចិត្តទុកដាក់គិតអានដល់ជីវភាព អភិរក្សនិងពង្រីកតម្លៃវប្បធម៌ខ្មែរ មានកម្មវិធី និងគម្រោងជាច្រើនបាននាំមកនូវភាពវិវត្តជាវិជ្ជមានអំពីសេដ្ឋកិច្ច-សង្គម វប្បធម៌ សន្តិសុខ និងសណ្តាប់ធ្នាប់។ ដើម្បីបន្តពង្រីកនូវលទ្ធផលដែលសម្រេចបានគ្រប់ថ្នាក់ គ្រប់ផ្នែក និងប្រជាជនក្នុងទីក្រុងនិយាយរួម ជនរួមជាតិ ព្រះសង្ឃ កម្មាភិបាល យុទ្ធជនខ្មែរនិយាយដោយឡែក បន្តផ្សព្វផ្សាយអនុវត្តប្រកបដោយប្រសិទ្ធភាពនូវគោលនយោបាយ កម្មវិធី និងគម្រោងអភិវឌ្ឍន៍សេដ្ឋកិច្ច-សង្គម ជាពិសេសគឺពង្រីកប្រសិទ្ធភាពប្រភពធនធានពីកម្មវិធីទិសដៅជាតិ ដើម្បីធ្វើឱ្យសុក្រឹតជាបណ្តើរៗនូវហេដ្ឋារចនាសម្ព័ន្ធតំបន់ជនជាតិភាគតិច និងលើកកម្ពស់ជីវភាពរបស់ប្រជាជន៕

ព័ត៌មាននិងរូបថត៖ H.Y - បកប្រែ÷ សុផន

ចែករំលែកអត្ថបទ

ពាក្យគន្លឹះ