-នាឱកាសបុណ្យសែនដូនតាឆ្នាំ២០២៥ លោកឌោថាញប៊ិញ សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្សទីក្រុងនិងជាលេខាគណៈកម្មាធិការបក្សយោធាទីក្រុងកឹងធើ បានដឹកនាំក្រុមប្រតិភូអញ្ជើញទៅសួរសុខទុក្ខ និងប្រសិទ្ធពរពិធីបុណ្យសែនដូនតារបស់ជនជាតិខ្មែរនៅសង្កាត់សុកត្រាំង។ រួមដំណើរជាមួយក្រុមប្រតិភូ មានលោក យឿងសាខា សមាជិកគណៈអចិន្ត្រៃយ៍នៃគណៈកម្មាធិការបក្សទីក្រុងកឹងធើ លេខាគណៈកម្មាធិការបក្សសង្កាត់សុកត្រាំង លោកវឿងក្វឹកណាម អនុប្រធានគណៈកម្មាធិការប្រជាជនទីក្រុងកឹងធើ ថ្នាក់ដឹកនាំមន្ទីរជនជាតិនិងសាសនា ថ្នាក់ដឹកនាំភូមិភាគនិងសមាជិកក្រុមប្រតិភូ។
លោកឌោថាញប៊ិញ សមាជិកគណៈប្រតិបត្តិការមជ្ឈិមបក្ស លេខាគណៈកម្មាធិការបក្ស
ទីក្រុងកឹងធើបានជូនអំណោយ និងប្រសិទ្ធពរពិធីបុណ្យសែនដូនតាចំពោះ
ព្រះចៅអធិការវត្តសំរោង។ រូបថត៖ ថាញតឹម
ក្រុមប្រតិភូបានអញ្ជើញទៅសួរសុខទុក្ខព្រះតេជព្រះគុណតាំងណូ សុធម្មាធិបតីរងនៃក្រុមប្រឹក្សាសមាគមពុទ្ធសាសនាវៀតណាម ប្រធានសមាគមព្រះសង្ឃសាមគ្គីស្នេហាជាតិទីក្រុងកឹងធើ និងជាគណៈអភិបាលសមាគមពុទ្ធសាសនាវៀតណាមទីក្រុងកឹងធើ ព្រមទាំងគណៈប្រចាំការនៃសមាគមព្រះសង្ឃសាមគ្គីស្នេហាជាតិទីក្រុងកឹងធើ សួរសុខទុក្ខគណៈនាយក គ្រូបង្រៀន និងសមណៈសិស្សសាលាមធ្យមសិក្សាបំពេញវិជ្ជាបាលីណាមបូ សួរសុខទុក្ខព្រះតេជព្រះគុណលីដឹក អនុប្រធានសមាគមព្រះសង្ឃសាមគ្គស្នេហាជាតិទីក្រុងកឹងធើ សួរសុខទុក្ខព្រះចៅអធិការនិងគណៈកម្មការវត្តសំរោង និងសួរសុខទុក្ខលោក ឡឹមរ៉ែន អតីតសមាជិកគណៈកម្មាធិការបក្សខេត្ត និងជាអតីតអនុប្រធានគណៈចាត់តាំងនៃគណៈកម្មាធិការបក្សខេត្តសុកត្រាំង (ចាស់)។
នៅកន្លែងដែលទៅដល់លេខាគណៈកម្មាធិការបក្សទីក្រុងបានផ្ញើបិយវាចាប្រសិទ្ធពរចំពោះព្រះតេជព្រះគុណ ព្រះសង្ឃ សមណៈនិស្សិត គ្រូបង្រៀនប្រារព្ធពិធីបុណ្យសែនដូនតាប្រកបដោយភាពកក់ក្តៅនិងវិបុលភាព។ លេខាគណៈកម្មាធិការបក្សទីក្រុងកឹងធើបានវាយតម្លៃខ្ពស់ចំពោះការយកចិត្តទុកដាក់ដល់ជីវភាពសម្ភារៈ និងស្មារតីរបស់រដ្ឋអំណាចសង្កាត់សុកត្រាំង ចំពោះព្រះសង្ឃ ពុទ្ធបរិស័ទនិងជនរួមជាតិខ្មែរនាពេលកន្លង។
លេខាគណៈកម្មាធិការបក្សទីក្រុងបានបញ្ជាក់ថា គោលនយោបាយយកចិត្តទុកដាក់ចំពោះជនជាតិភាគតិច សាសនា ធ្លុងមហាសាមគ្គីជនជាតិតាមរយៈកម្មវិធីទិសដៅជាតិ គឺជាគោលនយោបាយមួយដ៏យូរអង្វែង និងកាន់តែរីកចម្រើនរបស់បក្ស និងរដ្ឋ។ លេខាគណៈកម្មាធិការបក្សទីក្រុងបានសំណូមពរឱ្យរដ្ឋអំណាចភូមិភាគបន្តទិសដៅកសាងធ្លុងមហាសាមគ្គីជនជាតិ រួមចំណែកការពារប្រទេស។ ក្នុងនោះសមាគមព្រះសង្ឃសាមគ្គីស្នេហាជាតិ ព្រះឧបជ្ឈាយ៍ ព្រះតេជព្រះគុណគ្រប់អង្គបន្តរួមដំណើរជាមួយរដ្ឋអំណាច ណែនាំជនរួមជាតិឱ្យប្រតិបត្តិនូវគោលការណ៍ គោលមាគ៌ារបស់បក្ស គោលនយោបាយនិងច្បាប់របស់រដ្ឋ រួមកម្លាំងជាមួយភូមិភាគអភិវឌ្ឍសេដ្ឋកិច្ច-សង្គម រក្សាសន្តិសុខ សណ្តាប់ធ្នាប់ ប្រុងប្រយ័ត្នជាមួយមុខសញ្ញាមានបំណងបំបែកបំបាក់ធ្លុងមហាសាមគ្គីជនជាតិ។
តំណាងសមាគមព្រះសង្ឃសាមគ្គីស្នេហាជាតិ ព្រះឧបជ្ឈាយ៍ ព្រះតេជព្រះគុណ ព្រះសង្ឃគ្រប់អង្គ កម្មាភិបាលចូលនិវត្តន៍ សមណៈសិស្ស គ្រូបង្រៀន និងពុទ្ធបរិស័ទថ្លែងអំណរគុណចំពោះបក្ស រដ្ឋ និងរដ្ឋអំណាចភូមិភាគគ្រប់លំដាប់ថ្នាក់ដែលបានយកចិត្តទុកដាក់ចំពោះជីវភាពរបស់ជនរួមជាតិខ្មែរនៅភូមិភាគរយៈពេលកន្លងដូច៖ សាងសង់ផ្ទះ សាលារៀន ផ្តល់ប័ណ្ណធានារ៉ាប់រងសុខាភិបាល និងបង្កលក្ខណៈឱ្យបុលដើមទុនដើម្បីមាមីងមានទុនផលិត។ សូមអរគុណដល់បក្ស និងរដ្ឋបានធ្វើឱ្យជីវភាពរបស់ជនរួមជាតិកាន់តែមានការអភិវឌ្ឍនិងធូរធារ។ ព្រមទាំងបានសន្យានឹងបន្តចលនាមាមីងកូនចៅជនរួមជាតិបន្តគាំទ្រគោលនយោបាយរបស់រដ្ឋ សកម្មពលកម្មផលិត រក្សាសន្តិសុខ សណ្តាប់ធ្នាប់និងចូលរួមចលនាស្នេហាជាតិ។
នាឱកាសបុណ្យសែនដូនតា ក្រុមប្រតិភូទីក្រុងកឹងធើដឹកនាំដោយលោក ដុងវ៉ាំងថាញ អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើបានអញ្ជើញទៅសួរសុខទុក្ខ និងជូនអំណោយដល់វត្តមួយចំនួននិងកម្មាភិបាលចូលនិវត្តន៍នៅឃុំលីវទូ។
លោកដុងវ៉ាំងថាញ អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ (ឈរទី៦ រាប់ពីស្តាំ) និងសមាជិកក្រុមប្រតិភូបានអញ្ជើញទៅសួរសុខទុក្ខនិងជូនអំណោយដល់ព្រះចៅអធិការ គណៈកម្មការវត្តសេរីតាម៉ឺន។ រូបថត៖ ក្វឹកខា
ក្រុមប្រតិភូបានអញ្ជើញទៅសួរសុខទុក្ខព្រះចៅអធិការ និងគណៈកម្មការវត្តបឹងភ្នៀតនៅភូមិបឹងបូយនិងវត្តសេរីតាម៉ឺននៅភូមិដាវវៀង។ នៅកន្លែងនីមួយៗ លោកដុងវ៉ាំងថាញ អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើបានសាកសួរសុខទុក្ខព្រះសង្ឃ ជីវភាពរស់នៅនិងការផលិតរបស់មាមីងពុទ្ធបរិស័ទ។
អនុលេខាប្រចាំការនៃគណៈកម្មាធិការបក្សទីក្រុងបានបញ្ជាក់ថា បក្ស និងរដ្ឋតែងយកចិត្តទុកដាក់លើកកម្ពស់ជីវភាពសម្ភារៈនិងស្មារតីរបស់ជនរួមជាតិខ្មែរ ហើយសង្ឃឹមថានៅពេលខាងមុខវត្តនឹងបន្តសហការជាមួយរដ្ឋអំណាចភូមិភាគបន្តធ្វើឱ្យបានល្អជាងទៀតនូវការឃោសនា ផ្សព្វផ្សាយពីគោលការណ៍របស់បក្ស គោលនយោបាយនិងច្បាប់របស់រដ្ឋនៅតំបន់ជនជាតិភាគតិច។
ក្នុងឱកាសទៅសួរសុខទុក្ខគ្រួសារ លោក ថាច់ថាន អតីតសមាជិកគណៈកម្មាធិការបក្សខេត្តនិងជាអតីតអនុប្រធានក្រុមប្រឹក្សាប្រជាជនខេត្តសុកត្រាំង(ចាស់) លោកដុងវ៉ាំងថាញ បានផ្តល់ព័ត៌មានសង្ខេបអំពីលទ្ធផលនៃការអនុវត្តទម្រង់រដ្ឋអំណាចមូលដ្ឋានពីរថ្នាក់។ តាមរយៈនោះ សង្ឃឹមថាជាមួយនឹងកិត្តិយស បទពិសោធន៍របស់ខ្លួន លោកថាច់ថាន នឹងបន្តធ្វើជាគំរូ ចលនាមាមីងឱ្យគោរពតាមគោលការណ៍ គោលនយោបាយរបស់បក្សនិងរដ្ឋ បន្តលើកកម្ពស់ប្រពៃណីសាមគ្គីនិងរួមកម្លាំងកសាងមាតុភូមិកាន់តែរីកចម្រើន។
លោកដុងវ៉ាំងថាញ អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើនិងសមាជិកគណៈប្រតិភូបានទៅសួរសុខទុក្ខ និងប្រសិទ្ធពរពិធីបុណ្យសែនដូនតានៅវត្តបឹងទន្សានៅឃុំតាយវាំង។
ជំនួសមុខក្រុមប្រតិភូ លោកដុងវ៉ាំងថាញ បានផ្តល់ព័ត៌មានសង្ខេបអំពីស្ថានភាពសេដ្ឋកិច្ច-សង្គមរបស់ទីក្រុងកឹងធើ។ តាមរយៈនោះ សម្តែងនូវក្តីរំភើបនិងទទួលស្គាល់នូវការរួមចំណែកដ៏សំខាន់របស់ព្រះសង្ឃ កម្មាភិបាលនិងពុទ្ធបរិស័ទខ្មែរក្នុងដំណើរការអភិវឌ្ឍសេដ្ឋកិច្ច-សង្គមរបស់ទីក្រុង។ អនុលេខាប្រចាំការនៃគណៈកម្មាធិការបក្សទីក្រុង សង្ឃឹមថានៅពេលខាងមុខព្រះសង្ឃ គណៈកម្មការវត្តនិងពុទ្ធបរិស័ទបន្តលើកកម្ពស់ប្រពៃណីសាមគ្គី ចូលរួមយ៉ាងសកម្មក្នុងចលនាប្រឡងប្រណាំងស្នេហាជាតិ ដើម្បីរួមចំណែកជាមួយថ្នាក់ដឹកនាំបក្សនិងរដ្ឋអំណាចភូមិភាគកសាងទីក្រុងកឹងធើឱ្យកាន់តែអភិវឌ្ឍនិងស្រស់ស្អាត។
ក្នុងឱកាសនេះក្រុមប្រតិភូបានជូនអំណោយដល់វត្តនានាក្នុងឱកាសពិធីបុណ្យសែនដូនតាឆ្នាំ២០២៥។
ក្នុងឱកាសបុណ្យសែនដូនតាឆ្នាំ២០២៥ ក្រុមប្រតិភូនៃគណៈកម្មាធិការបក្សទីក្រុងកឹងធើដឹកនាំដោយលោក ង្វៀងត្វឹងអាញ អនុលេខាគណៈកម្មាធិការបក្សទីក្រុង ប្រធានគណៈប្រតិភូតំណាងរដ្ឋសភាទីក្រុងកឹងធើបានអញ្ជើញទៅសួរសុខទុក្ខ ប្រសិទ្ធពរនិងជូនអំណោយក្នុងឱកាសពិធីបុណ្យសែនដូនតាជនរួមជាតិខ្មែរនៅវត្តអូរជុំ នៅសង្កាត់ង៉ាណាំ។
នៅក្នុងពិធីសួរសុខទុក្ខនោះ លោកង្វៀងត្វឹងអាញ បានសាកសួរអំពីស្ថានភាពផលិត ធ្វើអាជីវកម្ម និងជីវភាពរស់នៅរបស់មាមីងជនរួមជាតិខ្មែរនៅលើភូមិឋាន និងប្រសិទ្ធពរជូនជនរួមជាតិខ្មែរក្នុងឱកាសពិធីបុណ្យសែនដូនតា ព្រមទាំងផ្តល់ព័ត៌មានអំពីស្ថានភាពអភិវឌ្ឍសេដ្ឋកិច្ច-សង្គមរបស់ភូមិភាគក្រោយពីការបង្រួបបង្រួម។
លោកង្វៀងត្វឹងអាញ មានប្រសាសន៍ថា ជនជាតិភាគតិចនិយាយរួម និងជនរួមជាតិខ្មែរនិយាយដោយឡែកនៅភូមិឋានបានរួមចំណែកយ៉ាងសំខាន់ដល់ការអភិវឌ្ឍសេដ្ឋកិច្ច-សង្គមនៅភូមិភាគ។ ជាពិសេស នៅក្នុងប្រព័ន្ធនយោបាយរបស់ទីក្រុងកឹងធើថ្មី មានកម្មាភិបាលខ្មែរជាច្រើនរូបដែលកាន់តំណែងសំខាន់ៗ។ ក្នុងពិធីសួរសុខទុក្ខនេះ គណៈប្រតិភូបានប្រគេននិងជូនអំណោយចំពោះព្រះសង្ឃនិងអ្នកមានប្រិយភាពនៅភូមិភាគ។
លោកង្វៀងត្វឹងអាញ សង្ឃឹមថាជនរួមជាតិខ្មែរ អ្នកមានប្រិយភាព ព្រះចៅអធិការវត្តបន្តលើកកម្ពស់ប្រពៃណីប្រឡងប្រណាំងស្នេហាជាតិ រួមចំណែកក្នុងការអភិវឌ្ឍសេដ្ឋកិច្ច-សង្គម ការពារប្រទេសនិងសន្តិសុខទីក្រុង។ ថ្នាក់ដឹកនាំទីក្រុងតែងរួមដំណើរ ស្តាប់និងដោះដូរមតិរួមយោបល់ពីសំណាក់ព្រះសង្ឃ ព្រះចៅអធិការវត្តនិងជនរួមជាតិខ្មែរក្នុងការកសាងនិងអភិវឌ្ឍទីក្រុង។
លោកង្វៀងហឺវង៉ៀ សមាជិកគណៈអចិន្ត្រៃយ៍នៃគណៈកម្មាធិការបក្សទីក្រុងកឹងធើ លេខាគណៈកម្មាធិការបក្សសង្កាត់វីថាញ ព្រមទាំងក្រុមប្រតិភូទីក្រុងបានអញ្ជើញទៅសួរសុខទុក្ខ និងប្រសិទ្ធពរពិធីបុណ្យសែនដូនតាឆ្នាំ២០២៥ នៅវត្តពោធិរង្សី វត្តសាសនារង្សីនៅសង្កាត់វីតឹង វត្តមហាមង្គលរង្សីនៅសង្កាត់វីថាញ វត្តអូរជុំវង្សានៅឃុំហ្វាលឺវ និងវត្តរតនបភានៅឃុំវីថាញទី១។
នៅកន្លែងនីមួយៗតំណាងក្រុមប្រតិភូ លោកង្វៀងហឺវង៉ៀ បានប្រសិទ្ធពរចំពោះព្រះតេជព្រះគុណ គណៈកម្មការវត្តនិងពុទ្ធបរិស័ទទទួលពិធីបុណ្យសែនដូនតាឆ្នាំ២០២៥ ប្រកបដោយភាពកក់ក្តៅ និងសុភមង្គល ព្រមទាំងកត់សម្គាល់នូវការរួមចំណែករបស់ព្រះតេជព្រះគុណនិងពុទ្ធបរិស័ទចំពោះការអភិវឌ្ឍរួមរបស់ភូមិភាគដោយការសកម្មចូលរួមចលនាប្រឡងប្រណាំងស្នេហាជាតិ គិតអានអភិវឌ្ឍសេដ្ឋកិច្ចគ្រួសារ និងរក្សាសន្តិសុខសណ្តាប់ធ្នាប់។
លោកង្វៀងហឺវង៉ៀ សង្ឃឹមថានៅពេលខាងមុខព្រះចៅអធិការ គណៈកម្មការវត្តនឹងបន្តឃោសនាអប់រំពុទ្ធបរិស័ទ ពង្រឹងធ្លុងមហាសាមគ្គីជនជាតិ បញ្ចេញកម្លាំងពលកម្មផលិតដើម្បីលើកកម្ពស់ជីវភាព រួមកម្លាំងកសាងមាតុភូមិឱ្យកាន់តែរីកចម្រើននិងស៊ីវិល័យ។
លោកឡេកុងលី សមាជិកគណៈកម្មាធិការអចិន្ត្រៃយ៍នៃគណៈកម្មាធិការបក្សទីក្រុង ប្រធានគណៈគ្រប់គ្រងមណ្ឌលកែច្នៃនិងឧស្សាហកម្មទីក្រុងកឹងធើ បានដឹកនាំក្រុមប្រតិភូអញ្ជើញទៅសួរសុខទុក្ខ និងជូនអំណោយដល់ព្រះឧបជ្ឈាយ៍ម៉ាយសែ អនុប្រធានសមាគមព្រះសង្ឃសាមគ្គីស្នេហាជាតិទីក្រុង ព្រះតេជព្រះគុណយឿងអាង អនុប្រធាននិងជាប្រធានគណៈកម្មការត្រួតពិនិត្យសមាគមព្រះសង្ឃសាមគ្គីស្នេហាជាតិទីក្រុង ព្រះចៅអធិការនិងគណៈកម្មការវត្តនានានៅលើភូមិឋានដូច៖ វត្តសេរីវង្សា វត្តនារីវ័ន និងវត្តអម្ពវ័ននៅឃុំត្រឿងថាញ និងវត្តសេតុត្តរ នៅឃុំកើ-ដ។
នៅកន្លែងដែលបានទៅដល់ លោកឡេកុងលី បានផ្តល់ព័ត៌មានអំពីស្ថានភាពទីក្រុងបន្ទាប់ពីការរួមបញ្ចូលគ្នាក្នុងរយៈពេល៣ខែនិងការអនុវត្តរដ្ឋអំណាចមូលដ្ឋានពីរថ្នាក់។ ព្រមទាំងជូនពរចំពោះព្រះតេជព្រះគុណ ព្រះសង្ឃគ្រប់ព្រះអង្គប្រារព្ធពិធីបុណ្យសែនដូនតាប្រកបដោយភាពរីករាយ។ លោកឡេកុងលី សង្ឃឹមថាព្រះឧជ្ឈាយ៍ ព្រះតេជព្រះគុណ ព្រះចៅអធិការ និងគណៈកម្មការវត្តនានានឹងបន្តឃោសនា ចលនាជនរួមជាតិខ្មែរអនុវត្តល្អនូវគោលការណ៍របស់បក្ស គោលនយោបាយនិងច្បាប់របស់រដ្ឋ ចូលរួមយ៉ាងសកម្មក្នុងចលនាប្រឡងប្រណាំងស្នេហាជាតិ រក្សានិងលើកកម្ពស់អត្តសញ្ញាណវប្បធម៌ជនជាតិ ស្មារតីសាមគ្គីទូទាំងជនជាតិ រួមជាមួយប្រជាជនគ្រប់ជាន់ស្រទាប់កសាងទីក្រុងឱ្យកាន់តែរីកចម្រើន។
ក្នុងឱកាសនេះថ្នាក់ដឹកនាំទីក្រុងបានជូនអំណោយដល់អង្គការ វត្តអារាម សាលារៀន និងកម្មាភិបាលចូលនិវត្តន៍ជាជនជាតិខ្មែរ។
ក្រុមប្រតិភូកម្មាភិបាលទីក្រុងកឹងធើដឹកនាំដោយលោក ង្វៀងវ៉ាំងត្រេវ អគ្គនិពន្ធនាយករងកាសែតនិងវិទ្យុទូរទស្សន៍កឹងធើបានអញ្ជើញទៅសួរសុខទុក្ខ និងប្រសិទ្ធពរពិធីបុណ្យសែនដូនតាឆ្នាំ២០២៥ នៅវត្តពុទ្ធសាសនាថេរវាទខ្មែរនៅសង្កាត់វិញចូវ។
ក្រុមប្រតិភូបានទៅសួរសុខទុក្ខ ជូនអំណោយប្រសិទ្ធពរពិធីបុណ្យសែនដូនតាដល់ព្រះចៅអធិការ គណៈកម្មការនិងពុទ្ធបរិស័ទវត្តសាលាពោធិ៍ វត្តតាំងយូ វត្តតាដឹក វត្តក្រសាំង។ នៅកន្លែងនីមួយៗ ក្រុមប្រតិភូបានអានលិខិតប្រសិទ្ធពរពិធីបុណ្យសែនដូនតាឆ្នាំ២០២៥ របស់គណៈកម្មាធិការបក្សទីក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមទីក្រុងកឹងធើ ដែលផ្ញើជូនចំពោះជនរួមជាតិខ្មែរគ្រប់រូប។
តំណាងក្រុមប្រតិភូ លោកង្វៀងវ៉ាំងត្រេវ បានជូនពរព្រះសង្ឃ ពុទ្ធបរិស័ទព្រមទាំងកម្មាភិបាល យុទ្ធជនជនជាតិខ្មែរទទួលពិធីបុណ្យសែនដូនតាឆ្នាំ២០២៥ ប្រកបដោយភាពរីករាយ សាមគ្គី សុវត្ថិភាពនិងប្រិតសំចៃ។
ក្រុមប្រតិភូក៏បានទៅសួរសុខទុក្ខគ្រួសារលោក ស៊ើងកន អតីតប្រធានគណៈជនជាតិខេត្ត គ្រួសារវីរកងកម្លាំងប្រដាប់អាវុធ ឡឹមតឿង។ ក្រុមប្រតិភូបានជូនពរដល់គ្រួសារអំណរពិធីបុណ្យសែនដូនតាឆ្នាំ២០២៥ ប្រកបដោយភាពរីករាយ និងសុភមង្គល បន្តពង្រីកប្រពៃណីគ្រួសារដើម្បីរួមចំណែកកសាងមាតុភូមិឱ្យកាន់តែរីកចម្រើននិងស៊ីវិល័យ៕
ក្រុមអ្នកយកព័ត៌មាន
ពាក្យគន្លឹះ
អគ្គនិពន្ធនាយកស្តីទី: ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
