ព្រឹត្តិការណ៍ - នយោបាយ ព្រឹត្តិការណ៍

21/07/2025 - 10:36

ថ្នាក់ដឹកនាំគណៈកម្មាធិការប្រជាជនក្រុងកឹងធើ ធ្វើការជាមួយមន្ទីរជនជាតិនិងសាសនា

លោក ង្វៀងវ៉ាន់ខើយ អនុប្រធានគណៈកម្មាធិការប្រជាជនក្រុងកឹងធើ ទើបតែបានធ្វើការជាមួយមន្ទីរជនជាតិនិងសាសនាក្រុង ដើម្បីក្តាប់ស្ថានភាពសកម្មភាពរបស់អង្គភាពក្រោយពីរួមបញ្ចូល និងភារកិច្ចសំខាន់ៗក្នុង ៦ ខែចុងឆ្នាំ ២០២៥។

លោក ង្វៀងវ៉ាន់ខើយ អនុប្រធានគណៈកម្មាធិការប្រជាជនក្រុងកឹងធើ ថ្លែងក្នុង
ឱកាសធ្វើការជាមួយនឹងមន្ទីរជនជាតិនិងសាសនា។

តាមរបាយការណ៍របស់មន្ទីរជនជាតិនិងសាសនាក្រុង ក្រោយពីរួមបញ្ចូលអង្គភាពបានលំនឹងជាបណ្ដើរៗ ធានាបន្តរក្សាមុខងារអភិបាលកិច្ចអំពីវិស័យជនជាតិនិងសាសនា លើវិសាលភាពភូមិសាស្រ្តបើកទូលាយ។ កិច្ចសហការធ្វើសេនាធិការ ចង្អុលការដឹកនាំបន្តត្រូវបានលើកកម្ពស់គុណភាព។ ការធ្វើវិមជ្ឈការនិងវិសហមជ្ឈការ ដោះស្រាយបែបបទរដ្ឋបាលលើវិស័យជនជាតិ ជំនឿ និងសាសនា ត្រូវបានធ្វើបច្ចុប្បន្នភាព បំពេញបន្ថែម និងដោះស្រាយត្រូវតាមសេចក្តីកំណត់របស់ច្បាប់។

ចាប់ពីពេលនេះដល់ចុងឆ្នាំ មន្ទីរជនជាតិនិងសាសនាក្រុង នឹងបន្តបញ្ជ្រាបផ្សព្វផ្សាយយ៉ាងម៉ឺងម៉ាត់នូវឯកសារចង្អុលការរបស់មជ្ឈិម គណៈកម្មាធិការបក្សក្រុង និងគណៈកម្មាធិការប្រជាជនក្រុង ដែលជាប់ពាក់ព័ន្ធដល់ការងារជនជាតិ សាសនា និងអនុវត្តគោលនយោបាយជនជាតិ -សាសនាក្នុងស្ថានភាពថ្មី; ផ្តុំកម្លាំងចង្អុលការពន្លឿនល្បឿនអនុវត្តន៍និងរំសាយប្រភពទុនចំណុះកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម តំបន់ជនរួមជាតិភាគតិច ធានាប្រសិទ្ធភាព។

មន្ទីរជនជាតិនិងសាសនា ក៏បានលើកឡើងនូវការលំបាក និងបញ្ហាជាប់ជំពាក់មួយចំនួនក្រោយពីរួមបញ្ចូល ដូចជា៖ បរិមាណការងារកើនខ្ពស់ក្នុងពេលការងាររៀបចំក្បាលម៉ាស៊ីន កែតម្រូវភូមិសាស្រ្តគ្រប់គ្រង និងសង្វាក់សហការផ្ទៃក្នុងគប្បីមានពេលវេលាបន្ថែម ដើម្បីធ្វើឱ្យសុក្រឹតនិងសមកាលកម្ម; ថវិកាដំណើរការនៅជួបលំបាកច្រើនជាដើម។

អនុប្រធានគណៈកម្មាធិការប្រជាជនក្រុងកឹងធើ បានកត់សម្គាល់នូវការលំបាក និងបញ្ហាជាប់ជំពាក់ សំណើរបស់មន្ទីរជនជាតិនិងសាសនា ទន្ទឹមនឹងនោះ សំណូមពរថ្នាក់ដឹកនាំមន្ទីរជនជាតិ និងសាសនា បន្តពិនិត្យផ្ទៀងផ្ទាត់ ធ្វើបច្ចុប្បន្នភាព និងធ្វើឱ្យសុក្រឹតបែបបទរដ្ឋបាលចំណុះវិស័យ ទទួលបន្ទុក; ផ្តោតសំខាន់ដល់ការធ្វើសេនាធិការ ផ្សព្វផ្សាយគោលនយោបាយឱ្យបានត្រឹមត្រូវ គ្រប់គ្រាន់និងទាន់ពេល; បន្តសហការស្អិតល្មួតជាមួយនឹងផ្នែកសមត្ថកិច្ច រដ្ឋអំណាចភូមិភាគ ក្តាប់ច្បាស់លាស់ស្ថានភាពជនជាតិ ជំនឿ សាសនា; ធ្វើការហ្វឹកហាត់លើកកម្ពស់កម្រិតវិជ្ជាជីវៈជូនកម្មាភិបាលបំពេញការងារជនជាតិ សាសនា ដើម្បីឆ្លើយតបនឹងតម្រូវការភារកិច្ចក្នុងស្ថានភាពថ្មី៕

កាសែតកឹងធើ-ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ