មហាសាមគ្គីជនជាតិ គំរូក្នុងសហគមន៍

26/05/2025 - 12:53

សិស្សគំរូ ថាច់គឹមង៉ុកហឹង

ប្អូនថាច់គឹមង៉ុកហឹង សិស្សថ្នាក់ទី ១០D វិទ្យាល័យជនជាតិអន្តេវាសិកខេត្តត្រាវិញ មិនត្រឹមតែមានស្នាដៃក្នុងការរៀនសូត្រប៉ុណ្ណោះទេ ថែមទាំងមានទេពកោសល្យខាងសិល្បៈទៀតផង។ ពិសេស ប្អូនរាំរបាំប្រពៃណីយ៉ាងល្អឥតខ្ចោះ ម្ល៉ោះហើយ តែងបានលោកគ្រូអ្នកគ្រូនិងមិត្តភក្តិក្នុងថ្នាក់ស្រឡាញ់រាប់អាន។

ប្អូនថាច់គឹមង៉ុកហឹង ចូលរួមសម្តែងសិល្បៈក្នុងតួអង្គសុវណ្ណមច្ឆានៅក្នុងសាលា។

រូបរាងស្រស់ស្អាត វៃឆ្លាត រៀនពូកែ ង៉ុកហឹងនៅទាំងមានទេពកោសល្យខាងរាំរបាំទៀតផង។ អាស្រ័យហេតុនោះ នៅពេលមានពិធីបុណ្យ ឬពិធីបូកសរុបឆ្នាំសិក្សា គ្រូបង្រៀនទទួលបន្ទុកថ្នាក់តែងជ្រើសរើសង៉ុកហឹង ឡើងថ្លែងសុន្ទរកថា ក៏ដូចជារាំសម្តែងជាដើម។ ង៉ុកហឹង តែងជាសិស្សគំរូមួយរូបនៅក្នុងថ្នាក់ត្រូវបាន លោកគ្រូអ្នកគ្រូនិងមិត្តភក្តិស្រឡាញ់រាប់អាន។ ឆ្នាំសិក្សា ២០២៤-២០២៥ ង៉ុកហឹង ត្រូវបានគ្រូបង្រៀនវាយតម្លៃជាសិស្សសម្រេចបាននិទ្ទេសល្អ រាល់ផ្នែកលត់ដំផ្សេងៗតែងសម្រេចលទ្ធផលល្អ។ ក្នុងដំណាក់កាលរៀនសូត្រ ប្អូនតែងផ្តោតទៅលើការជួយមិត្តភក្តិរៀនសូត្រឱ្យបានជឿនលឿនពីមួយថ្ងៃទៅមួយថ្ងៃ ជួយដល់ការរៀនសូត្រក៏ដូចជាសកម្មភាពក្នុងថ្នាក់សម្រេចបានស្នាដៃខ្ពស់។ ប្អូនង៉ុកហឹង ឱ្យដឹង៖ “ចំពោះប្អូនការរៀនសូត្រ គឺសំខាន់ណាស់ជួយឱ្យប្អូនស្វែងរកគំឃើញនូវប្រការថ្មីៗជាច្រើន រៀនសូត្រល្អថែមទាំងជួយឱ្យប្អូនមានមុខរបរលំនឹងទៅអនាគតផង។ ឪពុកម្តាយតែងក្រើនរំលឹកប្អូន ត្រូវតែខំប្រឹងឧស្សាហ៍ព្យាយាមរៀនសូត្រ ទើបរួចផុតពីភាពទ័លក្រ ដើម្បីថ្ងៃក្រោយក្លាយជាមនុស្សមានប្រយោជន៍ដល់សង្គម”។

ប្អូនថាច់គឹមង៉ុកហឹង (ឈរ) មានយោបល់ក្នុងថ្នាក់។

ប្អូនង៉ុកហឹង មានទេពកោសល្យខាងសិល្បៈ កាលពីនៅរៀនកម្រិតបឋមសិក្សាម៉្លេះ។ អាស្រ័យហេតុនោះ ពេលមានសកម្មភាពសិល្បៈលោកគ្រូ អ្នកគ្រូរបស់សាលា តែងអាទិភាពឧទ្ទេសនាមឈុតសិល្បៈមួយចំនួនឱ្យប្អូនសម្តែង ញុាំងបរិយាកាសឱ្យមានភាពផុសផុលឡើង។ អ្នកតំណាងជាច្រើនតែងស្ងើចសរសើរពីរបៀបសម្តែងតួជាសុវណ្ណមច្ឆា (ដែលដកស្រង់ចេញពីរឿងរាមាយណៈរបស់ឥណ្ឌា) ដែលប្អូនបានសម្តែងនៅពិធីខួបអនុស្សាវរីយ៍ទិវាគ្រូបង្រៀនវៀតណាម ឆ្នាំសិក្សា ២០២៤-២០២៥ នៅក្នុងសាលា។ ក្រៅពីម៉ោងរៀន ង៉ុកហឹង ត្រូវបានព្រះចៅអធិការវត្តអញ្ជើញចូលរួមសម្តែងឈុតរបាំ ប្រពៃណីសម្រាប់បម្រើក្នុងពិធីបុណ្យទានផ្សេងៗ បច្ចុប្បន្ន ប្អូនថែមទាំងចូលរួមហាត់សមក្នុងក្រុម របាំនៅវត្តពោធិសាលរាជកំពង់ទៀតផង។

អ្នកគ្រូ ផាងធីង៉ុកប៊ិត គ្រូបង្រៀនទទួលបន្ទុកថ្នាក់ទី ១០D វិទ្យាល័យជនជាតិអន្តេវាសិកត្រាវិញ ឱ្យដឹង៖ “ថ្ងៃដែលទើបចូលរៀនឆ្នាំដំបូង ប្អូនថាច់គឹមង៉ុកហឹង បានខិតខំប្រឹងប្រែងរៀនសូត្រនិងចូលរួមរាល់សកម្មភាពរបស់សាលា។ ក្នុងត្រីមាសទី១ ប្អូនចុះឈ្មោះប្រឡងសិស្សពូកែវិញ្ញាសាអក្សរសាស្ត្រប្រចាំសាលា ប្អូនជាប់ទាំងវិញ្ញាសាអក្សរសាស្រ្ត ទាំងវិញ្ញាសាអប់រំកាយនិងរចនា។ ដោយឡែកអំពីលទ្ធផលរៀនសូត្រក្នុងត្រីមាសទី១ ប្អូនសម្រេចបានស្នាដៃល្អ។ គ្រូបង្រៀនរបស់សាលាតែងយកចិត្តទុកដាក់ ដើម្បីប្អូនបានពង្រីកសមត្ថភាពរបស់ខ្លួន ជួយឱ្យប្អូនរៀនសូត្របានល្អថែមទៀត ក្នុងរយៈពេលដែលវត្តមាននៅក្នុងសាលា”៕

សើុងម៉ាល័យ-លីសៀ

ចែករំលែកអត្ថបទ

ពាក្យគន្លឹះ