មហាសាមគ្គីជនជាតិ គំរូក្នុងសហគមន៍

06/05/2025 - 07:52

ភាពផ្លាស់ថ្មីនៅភូមិស្រុកទិញបៀង

ដោយបានការយកចិត្តទុកដាក់ពីគ្រប់ថ្នាក់ គ្រប់ផ្នែក និងការខិតខំឈានឡើង តាមរយៈកម្លាំងពលកម្ម ទើបជីវភាពរបស់ជនរួមជាតិខ្មែរនៅទីរួមខេត្តទិញបៀង ខេត្តអាងយ៉ាង មានការប្ដូរផ្លាស់ច្រើនសមស្របនឹងការអភិវឌ្ឍរបស់ភូមិស្រុក។

គណៈកម្មាធិការបក្សទីរួមខេត្ត គណៈកម្មាធិការប្រជាជនទីរួមខេត្តទិញបៀង កៀរគរប្រភពកម្លាំងជាច្រើនដើម្បីលើកស្ទួយជីវភាពរបស់ប្រជាជនខ្មែរ។

ព្រះតេជព្រះគុណចៅឃី ព្រះចៅអធិការវត្តពោធិវង្សា (ត្រាស់) មានថេរដីកា៖ “ប៉ុន្មានថ្ងៃមកនេះ អាត្មាភាពរួមជាមួយនឹងមាមីងខ្មែរចំណុះជើងវត្តត្រេកអរណាស់ រង់ចាំដល់ថ្ងៃបើកការដ្ឋានសាងសង់សាលារៀន ៣ បន្ទប់។ នេះគឺជាមនោសញ្ចេតនានិងទឹកចិត្តដ៏ឧត្តុង្គឧត្តម ជួយប្អូនៗកុមារជាជនជាតិខ្មែរ មានសាលារៀនថ្មីរឹងមាំ ងាយស្រួលដើម្បីរៀនអក្សរខ្មែរ។ មុននេះ ប្អូនៗ រៀននៅក្នុងរោងបាយ ទីធ្លាទំនេរ មានពេលខ្លះរៀននៅខ្ទមស្លឹកសង់បណ្តោះអាសន្ន។ ហេតុនោះ នៅពេលដែលសមាគមសប្បុរសធម៌វត្តតឿងង្វៀង មកជួយសង់សាលារៀន មាមីងអ្នកណាក៏ត្រេកអរដែរ ពិសេសប្អូនៗកុមារ”។

ជីវភាពសេដ្ឋកិច្ចវប្បធម៌របស់ជនរួមជាតិខ្មែរនៅទីរួមខេត្តទិញបៀង ពីមួយថ្ងៃ
ទៅមួយថ្ងៃកាន់តែរីកចម្រើន។

ជាយុវតីខ្មែរដែលកំពុងស្វែងរកចំណេះដឹង ប្អូននាងលៀង (សិស្សវិទ្យាល័យស្វឹងតូ) រីករាយពេលមកចូលរួមពិធីបើកការដ្ឋានសាងសង់សាលារៀន ក្នុងវត្ត។ ប្អូននាងលៀង ឱ្យដឹង៖ “បន្ទប់រៀនថ្មីសម្រាប់យុវជន សិស្សខ្មែរដើម្បីអភិរក្សភាសា អក្សរសាស្ត្ររបស់ជនជាតិ។ នេះគឺជាការយកចិត្តទុកដាក់របស់បក្ស រដ្ឋ ក្នុងទូទាំងសង្គមចំពោះការរៀនសូត្ររបស់ជនជាតិភាគតិចជាជនជាតិខ្មែរ។ ប្អូនៗនឹងខិតខំប្រឹងប្រែងរៀនសូត្រឱ្យបានល្អ ដើម្បីក្លាយជាពលរដ្ឋមានប្រយោជន៍ រួមចំណែកកសាងភូមិស្រុក”។

អនុវត្តកម្មវិធីទិសដៅជាតិអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិចនិងតំបន់ភ្នំដំណាក់កាល ២០២១ - ២០៣០; ដំណាក់កាលទី ១ គឺចាប់ពី ២០២១-២០២៥ ទិញបៀងត្រូវបានបែងចែកប្រភពទុនវិនិយោគរបស់រដ្ឋ ដោយទឹកប្រាក់ជាង ៤៨ ពាន់លានដុង ដើម្បីអនុវត្តគម្រោងឧបត្ថម្ភលំនៅឋាន ដីសង់លំនៅឋាន ដីផលិតកម្ម ទឹកប្រើប្រាស់ដល់ជនរួមជាតិភាគតិចនិងតំបន់ភ្នំ រួមជាមួយគម្រោងផ្សេងៗដែលវិនិយោគហេដ្ឋារចនាសម្ព័ន្ធផង។ ជាក់ស្តែង បានដំណើរការប្រព័ន្ធផ្គត់ផ្គង់ទឹក ៦ ខ្សែ ឧបត្ថម្ភសាងសង់ផ្ទះ ១៣៤ គ្រួសារ ឧបត្ថម្ភដីសង់ផ្ទះនិងសាងសង់ផ្ទះ ១៧ គ្រួសារ; សំណង់គមនាគមន៍ជនបទចំនួន ១២ សាងសង់ថ្មី និងជួសជុលសាលារៀនគិតជាតម្លៃទឹកប្រាក់សរុបជាង ២៩,៣ ពាន់លានដុង។ គណៈកម្មាធិការប្រជាជនទីរួមខេត្តទិញបៀង ក៏បានរំសាយថវិកា ៧,៨ ពាន់លានដុង ពីប្រភពទុនអាជីវកម្មសម្រាប់គម្រោងផ្សេងៗចំណុះកម្មវិធី។

“យើងខ្ញុំនឹងបន្តប្រើប្រាស់អស់ពីលទ្ធភាពប្រភពថវិកាវិនិយោគតាមរយៈកម្មវិធី ដើម្បីឧបត្ថម្ភមាមីងខ្មែរលើកស្ទួយជីវភាព។ ក្នុងនោះ សហការស្អិតល្មួត ព្រមៗគ្នារវាងភូមិភាគជាមួយថ្នាក់ខេត្ត និងរវាងការិយាល័យ គណៈ ផ្នែក អង្គការមហាជន ជាមួយថ្នាក់ឃុំ សង្កាត់ ជួយដល់កម្មវិធីកាន់តែមានប្រសិទ្ធភាពកើនឡើងជាលំដាប់ ដើម្បីជីវភាពរបស់ជនរួមជាតិខ្មែរនៅទីរួមខេត្តទិញបៀងកាន់តែរីកចម្រើនពីមួយថ្ងៃទៅមួយថ្ងៃ” - ប្រធានគណៈកម្មាធិការប្រជាជនទីរួមខេត្តទិញបៀង ផាមវ៉ាន់ភុក បានគូសបញ្ជាក់ដូច្នេះ៕

យោងកាសែតអាងយ៉ាង - លីសៀ

ចែករំលែកអត្ថបទ

ពាក្យគន្លឹះ