គោលនយោបាយ -ការរស់នៅ គោលនយោបាយ

18/04/2025 - 15:36

រឿងរ៉ាវសាមញ្ញៗអំពីការរៀនសូត្រតាមអ៊ំក្នុងជនរួមជាតិខ្មែរ

រៀនសូត្រតាមអ៊ំ ដើម្បីគិតគូរជូនប្រជាជនបានល្អជាង

ប៉ុន្មានឆ្នាំកន្លង ការចលនារៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ បន្តការរីកសាយភាយស៊ីជម្រៅយ៉ាងទូលំទូលាយក្នុងជនរួមជាតិខ្មែរ។ មិនធំធេង មិនស្មុគស្មាញ ជនរួមជាតិខ្មែររៀនសូត្រតាមអ៊ំ តាមរយៈការងារសាមញ្ញៗជាក់ស្តែងប្រចាំថ្ងៃ។ អ្វីៗទាំងអស់ ដើម្បីកែលម្អ លើកកម្ពស់គុណភាពជីវភាព រួមចំណែកកសាងមនុស្ស កសាងភូមិស្រុកកាន់តែសម្បូរសប្បាយ….។

បងសើុងរឿ

បងសើុងរឿ បច្ចុប្បន្នជាអនុប្រធានគណៈកម្មាធិការប្រជាជនឃុំដុងថាញ់ ទីរួមខេត្តប៊ិញមិញ ខេត្តវិញឡុង។ គិតមកដល់ចុងឆ្នាំ ២០២៤ បងសើុងរឿ ត្រូវបានបក្ខភាគឃុំដុងថាញ់ វាយតម្លៃសម្រេចភារកិច្ចឆ្នើម ៥ ឆ្នាំបន្តបន្ទាប់ ។

យោងតាមលោក ផាងថាញង៉ន អនុលេខាអចិន្ត្រៃយ៍នៃគណៈកម្មាធិការបក្សឃុំដុងថាញ់ បងសើុងរឿ តែងខ្នះខ្នែងក្នុងការងារ និងសម្រេចភារកិច្ចឆ្នើមដែលថ្នាក់លើបានប្រគល់។ ជាអ្នកនៅនឹងភូមិ ស្រុក កើតនៅភូមិចមត្រែ ម៉្លោះហើយ បងរឿ តែងក្តាប់ច្បាស់ភូមិសាស្រ្ត និងយល់ពីជនរួមជាតិ។ ដោយសារគាត់តែងយកចិត្តទុកដាក់ ច្បាមខ្ជាប់មូលដ្ឋាន និងជិតស្និទ្ធជាមួយប្រជាជន ទើបបងរឿបានជនរួមជាតិខ្មែរនៅនឹងភូមិសាស្រ្តជឿទុកចិត្ត និងស្រឡាញ់រាប់អាន។ ដើម្បីបញ្ជាក់ប្រសាសន៍របស់លោកង៉ន នៅឯការិយាល័យនៃគណៈកម្មាធិការប្រជាជនឃុំដុងថាញ់ មានចាស់ៗ ជាច្រើនតែងតែមករកលោករឿជារឿយៗ។ ជាមួយអ្នកណាក៏ដោយ បងតែងស្វាគមន៍រាក់ទាក់ និងផ្តល់ការណែនាំច្បាស់លាស់ នៅពេលដែលប្រជាជន និយាយពីតម្រូវការរបស់ខ្លួន។ បងរឿ ឱ្យដឹង៖ “មានបងប្អូនជាច្រើននៅក្នុងការិយាល័យបានប្រាប់ខ្ញុំ បើមានប្រជាជនត្រូវការប្រាប់ឱ្យចុះទៅបន្ទប់ដើម្បីពួកគេណែនាំ ព្រោះខ្ញុំក៏មានការងារច្រើនដែលត្រូវធ្វើ។ ប៉ុន្តែខ្ញុំគិតថា ខ្ញុំខិតខំបន្តិចទៀតដើម្បីជួយប្រជាជន! ប្រជាជន មានអាយុស្របាលនឹងខ្ញុំ យល់ភាសាវៀតណាមងាយស្រួលណែនាំ ចំណែកប្រជាជនមានអាយុចាស់នៅក្នុងភូមិ មិនសូវចេះនិយាយភាសាវៀតណាមទេ ដូច្នេះហើយខ្ញុំតែងតែប្រាស្រ័យទាក់ទងគ្នាជាភាសាខ្មែរ ដើម្បីឱ្យមាមីងងាយយល់”។

បងសើុងរឿ រួមជាមួយនឹងសប្បុរសជនជូនអំណោយដល់មាមីងនៅឃុំដុងថាញ់។

អ្នកមីង ថាច់ធីបាច់ នៅភូមិថុងហ្វា ២ មាន អាយុ ៧៥ ឆ្នាំ មានស្ថានភាពលំបាក ម៉្លោះហើយគ្រួសារអ្នកមីងតែងស្ថិតក្នុងបញ្ជីឧបត្ថម្ភរបស់ភូមិភាគ ។ អ្នកមីងបាច់ ឱ្យដឹង៖ “ក្មួយរឿ មកផ្ទះខ្ញុំហៅខ្ញុំឱ្យទៅទទួលអំណោយ។ ពេលណាខ្ញុំទៅមិនបាន ក្មួយប្រុសយកអំណោយមកឱ្យខ្ញុំដល់ផ្ទះតែម្តង។ គ្មានថាថ្ងៃបុណ្យទានម្តងណាដែលក្មួយរឿភ្លេចចំណែករបស់ខ្ញុំនោះទេ។ នៅពេលណាដែលខ្ញុំត្រូវធ្វើឯកសារណាមួយ ខ្ញុំតែងមកជួបក្មួយដើម្បីឱ្យក្មួយណែនាំថាត្រូវជួបអ្នកណា ដើម្បីបង្ហើយឯកសារឱ្យបានឆាប់។ មិនចំពោះតែខ្ញុំម្នាក់ដែលក្មួយរឿទទួលជួយប៉ុណ្ណោះទេ នៅភូមិនេះ អ្នកណាក៏ជឿជាក់និងស្រឡាញ់ក្មួយទាំងអស់”។

នៅពេលថ្នាក់លើប្រគល់ឱ្យទទួលបន្ទុកផ្នែកសេដ្ឋកិច្ច - វប្បធម៌របស់ឃុំ បងសើុងរឿ បានកំណត់ផែនការជាក់លាក់ប្រចាំខែត្រីមាស និងឆ្នាំ ហើយតាមដានយ៉ាងជិតដិតនូវសកម្មភាពរបស់អង្គភាពនីមួយៗ។ អាស្រ័យហេតុនោះ នៅពេលដែលអង្គភាពដែលបងទទួលបន្ទុកជួបការលំបាកអ្វី បងធ្វើសេនាធិការជូនគណៈកម្មាធិការបក្ស ប្រធានគណៈកម្មាធិការប្រជាជនឃុំភ្លាម ដើម្បីដោះស្រាយបានទាន់ពេល និងមានប្រសិទ្ធភាព។ ចាប់ពីពេលនោះមក ការងារដែលបងរឿទទួលបន្ទុក ដូចជា៖ កៀរគរក្មួយៗឱ្យចូលសាលា ថែទាំសុខភាពជូនប្រជាជន សន្តិសុខការពារប្រទេស…សុទ្ធតែទទួលបានលទ្ធផលល្អ។ តួយ៉ាងដូច ចលនាទូទាំងប្រជាជនសាមគ្គីកសាងជីវភាពវប្បធម៌នៅមណ្ឌលតាំងទីលនៅឃុំ សម្រេច ៦ បទដ្ឋានមាន ២៧/២៧ ខ្លឹមសារចុះបញ្ជី និងមាន ២.៧៩៨/២.៨១៥ គ្រួសារសម្រេចគ្រួសារវប្បធម៌ ស្រូបអត្រា ៩៩.៣៩%។ ឧទ្ទេសនាម និងដោះស្រាយការងារធ្វើជនប្រជាជន ៩៤៨/៤៥០ នាក់ សម្រេច ២១០.៦%។ នីហរ័ណពលកម្មទៅធ្វើការនៅក្រៅប្រទេសបាន ១៧/១៧ នាក់ សម្រេច ១០០% នៃផែនការ។ ឃុំ ក៏បានបើក ៤ ថ្នាក់ ត្បាញបន្ទោះ និងកាត់ដេរឧស្សាហកម្ម ដោយមានសិស្សចូលរៀន ១០៥/៧០ នាក់ សម្រេចបាន ១៥០%។ អាស្រ័យហេតុនោះ ប្រាក់ចំណូលមធ្យមភាគលើមនុស្សម្នាក់សម្រេច ៦៨ លានដុង/ម្នាក់/ឆ្នាំ។ ជាពិសេសគឺការអនុវត្តល្អនូវគោលនយោបាយតបស្នងសងគុណចំពោះគ្រួសារយុទ្ធជនពិការ និងយុទ្ធជនពលី អ្នកមានសគុណចំពោះបដិវត្តន៍ និងគោលនយោបាយសុខុមាលភាពសង្គម ឃុំចលនាអំណោយបានចំនួន ៩៨១ ចំណែកក្នុងឱកាសបុណ្យជាតិ បុណ្យចូលឆ្នាំតេត គិតជាទឹកប្រាក់សរុបជាង ៧៧៣ លានដុង។

បងសើុងរឿ ឱ្យដឹង៖ “ខ្ញុំបានគណៈអចិន្ត្រៃយ៍នៃគណៈកម្មាធិការបក្សចាត់ឱ្យចង្អុលការសាខាបក្សហ្វាថាញ់ ២ នេះជាភូមិមួយក្នុងចំណោមភូមិចំនួនពីរដែលមានជនរួមជាតិខ្មែររស់នៅច្រើនកុះករក្នុងឃុំ។ ដោយយល់ច្បាស់ពីភូមិសាស្រ្ត និងជិតស្និទ្ធជាមួយប្រជាជន ទើបខ្ញុំអនុវត្តភារកិច្ចប្រកបដោយប្រសិទ្ធភាព។ ដើម្បីសម្រេចបានការងារដែលថ្នាក់លើប្រគល់ឱ្យបានល្អ ខ្ញុំតែងម្ចាស់ការច្នៃប្រតិដ្ឋរាល់វិស័យដែលថ្នាក់លើបានប្រគល់ ស៊ីជម្រៅ ខិតជិត គ្រប់ការងារទាំងអស់។ ជាពិសេសយល់ប្រជាជន ខិតជិតប្រជាជនដើម្បីប្រជាជនស្រឡាញ់ ដូចដំបូន្មានរបស់អ៊ំ”៕

ហាថាញ - វ៉ាន់តឹន

ចែករំលែកអត្ថបទ

ពាក្យគន្លឹះ