ព្រឹត្តិការណ៍ - នយោបាយ ព្រឹត្តិការណ៍

14/04/2025 - 17:46

លិខិតប្រសិទ្ធពរឆ្នាំថ្មី ឆ្នាំ ២០២៥

សាធារណរដ្ឋសង្គមនិយមវៀតណាម

ឯករាជ្យ - សេរីភាព - សុភមង្គល

លេខ៖ ២៤/LĐCP
ហាណូយ ថ្ងៃទី១០ ខែមេសា ឆ្នាំ២០២៥

គោរពប្រគេននិងជូន៖ ជនរួមជាតិ សមមិត្តនិងព្រះសង្ឃខ្មែរគ្រប់ព្រះអង្គ

ក្នុងឱកាសបុណ្យចូលឆ្នាំថ្មីប្រពៃណី ខ្ញុំគោរពប្រគេននិងជូនដល់ជនរួមជាតិ សមមិត្តនិងព្រះសង្ឃខ្មែរគ្រប់ព្រះអង្គនូវមនោសញ្ចេតនាដ៏ស្និទ្ធស្នាល ស្មោះសរនិងបិយវាចាប្រសិទ្ធពរដ៏ល្អបំផុត។

ចំណងជើងរូប៖ ពិធីស្រង់ព្រះនៅវត្តព្រែកអណ្ដើក ឃុំថាញ់ភូ ស្រុកមីស្វៀង ខេត្តសុកត្រាំង។

ក្នុង "ត្របកឈូក" ទាំង៥៤ ដែលផ្ដុំបង្កើតបានជា "ផ្កាឈូកវៀតណាម" រីកស្រស់ក្រអូបឈ្ងុយឈ្ងប់ "ត្របកឈូករបស់ជនរួមជាតិខ្មែរជាង១,៣លាននាក់" ជាផ្នែកមួយមិនអាចកាត់ផ្ដាច់ ពីផែនមហាសាមគ្គីទូទាំងជនជាតិ ដែលរួមចំណែកយ៉ាងសំខាន់ក្នុងបុព្វហេតុកសាងនិងការពារមាតុភូមិ អាស្រ័យបក្សកុម្មុយនិស្ដវៀតណាមដឹកនាំ។ វប្បធម៌របស់ជនរួមជាតិខ្មែរ ក្នុងនោះ មានទំនៀមទម្លាប់និងពិធីបុណ្យប្រពៃណីផ្សេងៗ មានតម្លៃពិសេស សម្បូរទៅដោយអត្តសញ្ញាណ បង្កើតបានជារូបភាពវប្បធម៌ចម្រុះពណ៌នៃជនជាតិវៀតណាម។ ជនរួមជាតិខ្មែរតែងជឿជាក់លើការដឹកនាំរបស់បក្ស រដ្ឋ ពង្រីកស្មារតីស្នេហាជាតិ ប្រពៃណីដ៏ល្អប្រសើរ រួមកម្លាំងកាយ កម្លាំងចិត្តជាមួយនឹងបណ្ដាជនជាតិក្នុងទូទាំងប្រទេស រួមចំណែកយ៉ាងសកម្មក្នុងបុព្វហេតុកសាងនិងការពារមាតុភូមិ។

បក្សនិងរដ្ឋតែងកំណត់កិច្ចការជនជាតិ សាសនា គឺជាបញ្ហាយុទ្ធសាស្រ្តមូលដ្ឋាន យូរអង្វែង បន្ទាន់; ជាភារកិច្ចរបស់ទូទាំងបក្ស ទូទាំងប្រជាជន ទូទាំងកងទ័ពរបស់ប្រព័ន្ធនយោបាយ ហើយតែងបានយកចិត្តទុកដាក់ ដឹកនាំ ចង្អុលការយ៉ាងជិតដល់តាមគោលមាគ៌ាមិនងាករេ នោះគឺ "គ្រប់ជនជាតិ សមភាព សាមគ្គី គោរពគ្នាទៅវិញទៅមក និងជួយគ្នាក្នុងការអភិវឌ្ឍ"។ ក្រោមការដឹកនាំរបស់បក្ស ការចូលរួមយ៉ាងស្វិតស្វាញរបស់ប្រព័ន្ធនយោបាយទាំងមូល រួមជាមួយនឹងប្រជាជនទូទាំងប្រទេសនិយាយរួម និងតំបន់ជនជាតិភាគតិចនិងតំបន់ភ្នំនិយាយដោយឡែក យើងរួមគ្នារីករាយនឹងឃើញច្បាស់នូវការផ្លាស់ថ្មីលើគ្រប់វិស័យ មានជំហានអភិវឌ្ឍន៍គួរឱ្យស្ងើចសរសើររបស់សហគមន៍ជនជាតិខ្មែររយៈពេលកន្លង។ ជីវភាពប្រជាជនតំបន់ជនរួមជាតិខ្មែរ ត្រូវបានកែលម្អនិងលើកកម្ពស់ពីមួយថ្ងៃទៅមួយថ្ងៃ; អត្តសញ្ញាណវប្បធម៌ជនជាតិ ត្រូវបានអភិរក្សនិងពង្រីក; ស្ថានភាពសន្ដិសុខនយោបាយ សណ្ដាប់ធ្នាប់សុវត្ថិភាពសង្គម ត្រូវបានរក្សាខ្ជាប់និងលំនឹង; ផែនមហាសាមគ្គីទូទាំងជនជាតិបន្តបានពង្រឹងនិងពង្រីក។

ឆ្នាំ២០២៥ ជនរួមជាតិខ្មែរទទួលអំណរបុណ្យចូលឆ្នាំថ្មីប្រពៃណី ក្នុងបរិយាកាសដ៏ពិសេសជាងទៀតនោះគឺ នៅពេលទូទាំងប្រទេសកំពុងបញ្ចេញកម្លាំងប្រឡងប្រណាំង បង្កើតស្នាដៃអំណរខួបអនុស្សាវរីយ៍ទិវាបុណ្យធំៗ ដូចជា៖ ខួបអនុស្សាវរីយ៍៩០ឆ្នាំបង្កើតបក្សកុម្មុយនិស្ដវៀតណាម ៥០ឆ្នាំរំដោះភាគខាងត្បូង ឯកភាពទឹកដី ១៣៥ឆ្នាំទិវាខួបកំណើតលោកប្រធានហូជីមិញ ៨០ឆ្នាំទិវាបង្កើតប្រទេសសាធារណរដ្ឋសង្គមនិយមវៀតណាម។ល។ ឆ្នាំ២០២៥ ក៏ជាឆ្នាំប្ដេជ្ញាអនុវត្តការធ្វើបដិវត្តន៍អំពីការផ្លាស់ថ្មី រៀបចំក្បាលម៉ាស៊ីននៃប្រព័ន្ធនយោបាយ សម្រិតសម្រាំង សកម្មភាពប្រកបដោយសុពលភាព ប្រសិទ្ធភាព និងអនុវត្តការរៀបចំ ចាត់តាំងឡើងវិញអង្គភាពរដ្ឋបាលនៅគ្រប់កម្រិត ជាឆ្នាំដំបូងដែលក្រសួងជនជាតិនិងសាសនា បានបង្កើតឡើង បន្តបញ្ជាក់ពីការយកចិត្តទុកដាក់របស់បក្សនិងរដ្ឋចំពោះកិច្ចការជនជាតិនិងសាសនា។ ទូទាំងប្រទេសកំពុងរួមជាមួយបរិយាកាសពុះពោរ ខិតខំប្រឹងប្រែង ស្រុះចិត្តគំនិត ប្តេជ្ញាចិត្តអនុវត្តឱ្យសម្រេចជោគជ័យនូវទិសដៅ ភារកិច្ចអភិវឌ្ឍ - សេដ្ឋកិច្ចសង្គម ឈានដល់មហាសន្និបាតបក្ស លើកទី XIV ជាមួយនឹងក្តីទំនុកចិត្តថ្មី បរិយាកាសថ្មី ជោគជ័យថ្មី ដើម្បីបង្កើតជាមូលដ្ឋានគ្រឹះ នាំប្រទេសជាតិឈានចូលយុគសម័យឈានឡើង រីកចម្រើនសម្បូរសប្បាយនិងរុងរឿងរបស់ប្រជាជាតិ។

ជាមួយនឹងអត្ថន័យនោះ ខ្ញុំស្នើគណៈ ផ្នែកគ្រប់លំដាប់ថ្នាក់និងភូមិភាគនានា ប្តេជ្ញាចិត្តជាងទៀត ខិតខំប្រឹងប្រែងថែមទៀត ដើម្បីបន្តធ្វើឱ្យជាក់ស្ដែងនូវគោលការណ៍ គោលនយោបាយរបស់បក្ស រដ្ឋ ឆ្លងតាមរយៈការងារ ភារកិច្ចជាក់ស្ដែងនិងប្រកបដោយប្រសិទ្ធភាព៖ បង្កើនការងារផ្ដល់ព័ត៌មាន ឃោសនានិងផ្សព្វផ្សាយព្រមៗគ្នានូវយុទ្ធសាស្រ្ត កម្មវិធី គម្រោង គោលនយោបាយជនជាតិ សាសនា ធានាមិនឱ្យមានការដាច់រយៈទាន់ពេលវេលា មានប្រសិទ្ធភាព ឆ្លើយតបពេញលេញនូវសិទ្ធិនិងផលប្រយោជន៍ស្របច្បាប់របស់ប្រជាជន។ បន្តអាទិភាពប្រភពធនធានសម្រាប់ការអភិវឌ្ឍគ្រប់ជ្រុងជ្រោយ កែលម្អជីវភាពសម្ភារៈនិងស្មារតីរបស់ជនរួមជាតិខ្មែរ; ក្នុងនោះ យកចិត្តទុកដាក់យ៉ាងពិសេសលើវិស័យសុខាភិបាល អប់រំនិងវប្បធម៌; អនុវត្តការអភិរក្សនិងពង្រីកអត្តសញ្ញាណវប្បធម៌ជនជាតិខ្មែរ ផ្សារភ្ជាប់នឹងការអភិវឌ្ឍទេសចរណ៍។ បង្កើនការពង្រីកតួនាទីរបស់អ្នកមានប្រជាប្រិយ អ្នកមុខអ្នកការសាសនា ឥស្សរជន បញ្ញវន្ត គំរូជឿនលឿនក្នុងជនរួមជាតិខ្មែរ; បំផុសស្មារតីម្ចាស់ការ ជឿជាក់លើខ្លួនឯង ខ្លួនទីពឹងខ្លួន មោទនភាពជនជាតិក្នុងតំបន់ជនរួមជាតិខ្មែរ រួមចំណែកបង្កើតជាកម្លាំងចម្រុះនៃផែនមហាសាសមគ្គីទូទាំងជនជាតិក្នុងយុគសម័យថ្មី។ ត្រៀមបម្រុងល្អរាល់លក្ខណសម្បត្តិដើម្បីជនរួមជាតិខ្មែរទទួលអំណរបុណ្យចូលឆ្នាំថ្មី ឆ្នាំ២០២៥ ប្រកបដោយសាមគ្គីភាព សប្បាយរីករាយ មានប្រយោជន៍ សុវត្ថិភាព ប្រិតសំចៃ ស្របតាមផ្នត់រស់នៅស៊ីវិល័យ ទំនៀមទម្លាប់ ប្រពៃណី និងវប្បធម៌ដ៏ប្រសើររបស់ជនជាតិ។

ទោះបីជានៅមានការលំបាកនិងបញ្ហាប្រឈមជាច្រើនក៏ដោយ ប៉ុន្តែនៅពេលឆន្ទៈរបស់បក្សបានលាយបញ្ចូលនឹងទឹកចិត្តប្រជាជន ខ្ញុំជឿជាក់ថា ជនរួមជាតិ សមមិត្ត និងព្រះសង្ឃខ្មែរគ្រប់ព្រះអង្គ នឹងបន្តពង្រីកនូវលក្ខណវប្បធម៌ដ៏ល្អប្រសើរ ប្រពៃណីស្នេហាជាតិ ស្មារតីសាមគ្គី បញ្ចេញកម្លាំងប្រឡងប្រណាំង ពលកម្មផលិត រួមចំណែកកសាងប្រទេសវៀតណាម "ប្រជាជនសម្បូរសប្បាយ ប្រទេសជាតិរឹងមាំ ប្រជាធិបតេយ្យ សមធម៌ អារ្យធម៌"។

សាជាថ្មីម្ដងទៀត ខ្ញុំសូមប្រសិទ្ធពរដល់ជនរួមជាតិ សមមិត្តនិងព្រះសង្ឃខ្មែរគ្រប់ព្រះអង្គ ទទួលអំណរបុណ្យចូលឆ្នាំថ្មី មានសុខភាពល្អបរិបូរ សុភមង្គល បវរសួស្ដីនិងទទួលបានជោគជ័យថ្មីៗ៕

គោរពដោយមេត្រី!

ហត្ថលេខា

ផាមមិញជិញ

ចែករំលែកអត្ថបទ

ពាក្យគន្លឹះ