សុខភាព - អប់រំ អប់រំ

08/04/2025 - 16:00

ចូវថាញ់ ឈានមុខគេក្នុងការកសាងសាលារៀនសម្រេចបទដ្ឋានជាតិ

ស្រុកចូវថាញ់ ខេត្តសុកត្រាំង មានជនរួមជាតិខ្មែររស់នៅជាង ៤៨% ម្ល៉ោះហើយការអប់រំត្រូវបានយកចិត្តទុកដាក់។ មកដល់ពេលនេះ មានសាលារៀនទាំង ១០០% បានសម្រេចបទដ្ឋានជាតិ ហេតុនេះ មូលដ្ឋានសម្ភារៈសាលារៀនបានឆ្លើយតបតម្រូវការបង្រៀននិងរៀន។

សាលារៀននៅស្រុកចូវថាញ់ សម្រេចបទដ្ឋានជាតិទាំង ១០០%។

តួយ៉ាងដូចអនុវិទ្យាល័យធ្វឹងហ្វា ត្រូវបានបង្កើតនៅឆ្នាំ ២០២០ ដោយមានផ្ទៃដីប្រមាណ ៦.០០០ ម៉ែត្រការ៉េ រហូតមកទល់ពេលនេះ សាលារៀនត្រូវបានវិនិយោគសម្រេចជាស្ថាពរ មានបន្ទប់រៀន របងរឹងមាំ ធានាបៃតង ជ្រះ ស្អាតនិងសុវត្ថិភាព។ លោកគ្រូ ក្វាច់ឌឹកហ៊ីប នាយករងអនុវិទ្យាល័យធ្វឹងហ្វា ឱ្យដឹង៖ “ឆ្នាំ ២០២៤ សាលារៀនត្រូវបានទទួលស្គាល់សម្រេចបទដ្ឋានជាតិកម្រិត ១ គ្រូនិងសិស្សត្រេកអរណាស់ ម្ល៉ោះហើយខិតខំប្រឹងប្រែងក្នុងការបង្ហាត់បង្រៀនដើម្បីលើកកម្ពស់គុណភាពរៀនសូត្រ។ លទ្ធផលរយៈពេល៣ឆ្នាំបន្តបន្ទាប់ សាលារៀនមានសិស្សប្រឡងជាប់ជាង ៩៩%; ចំនួនសិស្សសម្រេចកិត្តិនាមជាសិស្សរៀនពូកែថ្នាក់ខេត្តកើនឡើងជាលំដាប់។ ជាក់ស្តែង ឆ្នាំសិក្សា ២០២៣-២០២៤ សាលាមានសិស្ស ៣ នាក់ចុះឈ្មោះប្រឡងសិស្សពូកែថ្នាក់ខេត្តនិងទទួលបានរង្វាន់លេខពីរ។ នេះជាក្តីរីករាយ កម្លាំងចលករដ៏ធំដើម្បីសមូហភាពគ្រូបង្រៀននិងសិស្សទូទាំងសាលាខិតខំប្រឡងប្រណាំង បង្រៀនល្អ - រៀនល្អ”។

មានមូលដ្ឋានសម្ភារៈនិងបំពាក់គ្រឿងបរិក្ខារគ្រប់គ្រាន់ ម្ល៉ោះហើយគុណភាពអប់រំនៃអនុវិទ្យាល័យជនជាតិអន្តេវាសិកចូវថាញ់ ត្រូវបានកើនឡើងជាលំដាប់។

អនុវិទ្យាល័យជនជាតិអន្តេវាសិកចូវថាញ់ ជាសាលារៀនមួយសម្រេចបទដ្ឋានជាតិ ម្ល៉ោះហើយមូលដ្ឋានសម្ភារៈគ្រឿងបរិក្ខារសម្រាប់បម្រើការបង្រៀននិងរៀនត្រូវបានវិនិយោគគ្រប់សព្វ ធានាឱ្យសិស្សទាំងអស់បានស្នាក់នៅអន្តេវាសិកដ្ឋាន។ ក្រៅពីនេះ សាលាថែមទាំងមានទីធ្លាលេងកីឡា អគារពហុមុខងារ អាងហែលទឹក និងវង់ភ្លេងពិណពាទ្យ។ល។ ដើម្បីសិស្សកម្សាន្តសប្បាយ។ ក្នុងរយៈពេល ៣ ឆ្នាំមកនេះ សាលាមានសិស្សសម្រេចនិទ្ទេសពូកែ គ្រាន់បើជាង ៧០% សិស្សឡើងថ្នាក់ ១០០%។ លោកគ្រូឌោវ៉ាន់ណូល នាយកអនុវិទ្យាល័យជនជាតិអន្តេវាសិកចូវថាញ់ ឱ្យដឹង៖ “លទ្ធផលទាំងនោះ គឺអាស្រ័យផ្នែកអប់រំយកចិត្តទុកដាក់វិនិយោគអភិវឌ្ឍអប់រំតំបន់ជនជាតិនិងអនុវត្តគ្រប់សព្វគោលនយោបាយ បង្កទំនុកចិត្តដល់គ្រូបង្រៀននិងសិស្សស្ងប់ចិត្តបង្រៀនល្អ រៀនល្អ។ ម្យ៉ាងទៀត ខណៈពេលបន្ទប់រៀននិងគ្រឿងបរិក្ខារបានបំពាក់គ្រប់គ្រាន់គឺគ្រូបង្រៀនម្នាក់ៗ ជ្រើសយកវិធីសាស្ត្របង្រៀនសមស្របជាមួយសមត្ថភាពសិស្ស ប៉ុន្តែនៅតែធានាខ្លឹមសារតាមការកំណត់ ទើបគុណភាពត្រូវបានកើនឡើងជាលំដាប់”។

តាមប្រសាសន៍លោកង្វៀងវ៉ាន់ម៉ី អនុប្រធានគណៈកម្មាធិការប្រជាជនស្រុកចូវថាញ់ ក្នុងដំណាក់កាលអនុវត្តភារកិច្ចអភិវឌ្ឍសេដ្ឋកិច្ច - សង្គម ការអភិវឌ្ឍអប់រំត្រូវបានភូមិភាគយកចិត្តទុកដាក់ពិសេស។ រៀងរាល់ឆ្នាំ ស្រុកចំណាយថវិកាប្រមាណ៦០ពាន់លានដុងនិងការកៀរគរពីសង្គម បានជិត ៥ ពាន់លានដុង ដើម្បីគិតគូរលើវិស័យអប់រំ ក្នុងនោះ អាទិភាពវិនិយោគបង្កើនកម្រិតប្រព័ន្ធសាលារៀន បំពាក់គ្រឿងបរិក្ខារបន្ថែមសម្រាប់បង្រៀននិងរៀន។ មកទល់ពេលនេះ ស្រុកមាន ៣៧/៣៧ សាលាសម្រេចបទដ្ឋានជាតិ ក្នុងនោះ មាន ៦/៣៧ សាលាសម្រេចបទដ្ឋានជាតិកម្រិត២៕

យ្វីអាញ- លីសៀ

ចែករំលែកអត្ថបទ

ពាក្យគន្លឹះ