ព្រឹត្តិការណ៍ - នយោបាយ ព្រឹត្តិការណ៍ - នយោបាយ

08/04/2025 - 15:55

ក្រុងកឹងធើ៖

រៀបចំសកម្មភាពទទួលអំណរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ

* កម្មាភិបាល បុគ្គលិក អ្នករដ្ឋការ សិស្សនិស្សិត យុទ្ធជនកងកម្លាំងប្រដាប់អាវុធ កម្មករនិយោជិត បានឈប់សម្រាក៣ថ្ងៃ ដើម្បីទទួលអំណរបុណ្យចូលឆ្នាំថ្មី។

រៀបចំការពិនិត្យជំងឺនិងផ្តល់ថ្នាំពេទ្យដោយឥតគិតថ្លៃដល់ប្រជាជន នេះគឺជាសកម្មភាពមួយក្នុងចំណោមសកម្មភាពជាច្រើនទៀតដែលលេចធ្លោនៅក្នុងថ្ងៃបុណ្យចូលឆ្នាំកងទ័ព-ប្រជាជន អំណរបុណ្យចូលឆ្នាំថ្មី ឆ្នាំ២០២៤។

គណៈកម្មាធិការប្រជាជនក្រុងកឹងធើ បានចេញផែនការលេខ ៦៦/KH-UBND ស្តីពីការរៀបចំសកម្មភាពទទួលអំណរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ ឆ្នាំ២០២៥។

តាមរយៈនោះ ដើម្បីអំណរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ ក្រុងកឹងធើនឹងរៀបចំសកម្មភាពជាច្រើន មានដូច៖ រៀបចំពិធីជួបជុំ តំណាងព្រះសង្ឃ អាចារ្យ គណៈកម្មការវត្តពុទ្ធសាសនាទក្ខិណនិកាយខ្មែរ អ្នកមានប្រជាប្រិយជាជនជាតិខ្មែរ; រៀបចំបុណ្យចូលឆ្នាំកងទ័ព-ប្រជាជនអំណរបុណ្យចូលឆ្នាំថ្មីនៅស្រុកកើ-ដ; រៀបចំការពិនិត្យជំងឺនិងផ្តល់ថ្នាំពេទ្យដោយឥតគិតថ្លៃ; រៀបចំគណៈប្រតិភូអញ្ជើញទៅសួរសុខទុក្ខ ប្រគេនទេយ្យវត្ថុ ប្រសិទ្ធពរឆ្នាំថ្មី ដល់ព្រះសង្ឃតាមវត្តអារាមនិងគ្រួសារខ្មែរក្រីក្រ។ល។

* គណៈកម្មាធិការប្រជាជនក្រុងកឹងធើ ទើបចេញសេចក្តីប្រកាសអំពីការឈប់សម្រាកបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ។

ក្នុងសេចក្តីប្រកាសនេះ គណៈកម្មាធិការប្រជាជនក្រុងកឹងធើ សំណូមពរដល់ស្ថាប័ន អង្គភាពនិងអាជីវកម្មនានាលើភូមិសាស្ត្រក្រុង គប្បីយកចិត្តទុកដាក់បង្កលក្ខណៈងាយស្រួលដល់កម្មាភិបាល បុគ្គលិក អ្នករដ្ឋការ សិស្ស និស្សិត យុទ្ធជនកងកម្លាំងប្រដាប់អាវុធ កម្មករនិយោជិតជាជនជាតិខ្មែរបានឈប់សម្រាក ៣ ថ្ងៃ ដើម្បីទទួលអំណរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ។

បុណ្យចូលឆ្នាំថ្មី ឆ្នាំ២០២៥ របស់ជនរួមជាតិខ្មែរនឹងប្រព្រឹត្តទៅក្នុងរយៈពេល ៣ថ្ងៃ នៅថ្ងៃទី១៤ ទី១៥ និងទី១៦ ខែមេសា ឆ្នាំ២០២៥៕

PV-មុនី

ចែករំលែកអត្ថបទ

ពាក្យគន្លឹះ