គោលនយោបាយ -ការរស់នៅ គោលនយោបាយ

17/03/2025 - 15:06

អភិរក្សវប្បធម៌មានប្រសិទ្ធភាពពេលអនុវត្តកម្មវិធី

យោងតាមប្រសាសន៍លោក ថាច់យឿង ប្រធានមន្ទីរសាសនានិងជនជាតិខេត្តវិញឡុង ដំណាក់កាលទី ១ (២០២១- ២០២៥) នៃកម្មវិធីទិសដៅជាតិអំពីការអភិវឌ្ឍសេដ្ឋកិច្ច - សង្គម នៅតំបន់ជនជាតិភាគតិចនិងតំបន់ភ្នំ ដំណាក់កាល ២០២១ - ២០៣០ កំពុងពង្រីកបានប្រសិទ្ធភាពជាវិជ្ជមាន។

ភាគច្រើនសិក្ខាកាមថ្នាក់បណ្តុះបណ្តាលរបាំជនជាតិ នៅឃុំតឹងមី ស្រុកត្រាអូង
សុទ្ធសឹងជាសិស្សសាលា។ រូប÷ សហការី

ដើម្បីកម្មវិធីអនុវត្តមានប្រសិទ្ធភាព ខេត្តវិញឡុងបានចង្អុលការបង្កើតគណៈកម្មការកម្មវិធីទិសដៅជាតិអភិវឌ្ឍន៍សេដ្ឋកិច្ច - ង្គមនៅតំបន់ជនជាតិភាគតិច ហេតុនោះ បានបង្កើតក្រុមជំនួយការមានសមាជិកចំនួន ១៩ នាក់ ដែលជាកម្មាភិបាលទទួលមុខជំនាញនៅតាមគណៈជនជាតិ (ចាស់) មន្ទីរផែនការនិងវិនិយោគ មន្ទីរហិរញ្ញវត្ថុ។ល។ ការដែលផ្នែកពាក់ព័ន្ធនានាចូលរួម ញុាំងឱ្យការផ្សព្វផ្សាយអនុវត្តនូវកម្មវិធី គម្រោងនានាបានលឿននិងមានប្រសិទ្ធភាពជាង។ល។ តួយ៉ាងដូច ការផ្សព្វផ្សាយអនុវត្ត គម្រោង៦ “អភិរក្សនិងលើកតម្កើងតម្លៃវប្បធម៌ប្រពៃណីដ៏ល្អរបស់ជនជាតិភាគតិច ផ្សារភ្ជាប់នឹងការអភិវឌ្ឍទេសចរណ៍” អាស្រ័យគណៈជនជាតិ (ចាស់) សហការជាមួយមន្ទីរវប្បធម៌ កីឡានិងទេសចរណ៍អនុវត្តមានប្រភពទុនវិនិយោគសរុបជាង ៤ ពាន់លានដុង។ បន្ទាប់ពីផ្សព្វផ្សាយអនុវត្ត គម្រោងត្រូវបានចង្អុលការយ៉ាងដិតដល់ ម្ល៉ោះហើយសម្រេចបានប្រសិទ្ធភាពវិជ្ជមានជាច្រើន ក៏ដូចជាការចូលរួមយ៉ាងស្រុះស្រពីសហគមន៍ប្រជាជនក្នុងការអនុវត្ត។ ជាក់ស្តែង មជ្ឈមណ្ឌលវប្បធម៌និងវិចិត្រសិល្បៈខេត្តវិញឡុង បានបង្កើតកម្មវិធីសិល្បៈចំនួន ៣ ដើម្បីបម្រើប្រជាជនខ្មែរក្នុងឱកាសបុណ្យចូលឆ្នាំថ្មី បុណ្យសែនដូនតា និងបុណ្យអកអំបុក នៅតាមឃុំដែលជនរួមជាតិភាគតិចរស់នៅកុះករ។ ទន្ទឹមនឹងនោះ បង្កើតក្រុមសិល្បៈមហាជនខ្មែរចំនួនពីរនៅស្រុកត្រាអូងនិងទីរួមខេត្តប៊ិញមិញ។ ព្រមទាំងបានប្រគេនភ្លេងពិណពាទ្យចំនួនពីរវង់ដល់វត្តមង្គលបូរី (ទ្រនំសេក) និងវត្តសាលវ័នឧទ្យាន (ព្រែកឈូក) នៅស្រុកតាមប៊ិញនិងកសាងទីលានប៉េតង់ចំនួន ២ នៅវត្តសិរីសទ្ធារាម (តាសែន) ឃុំដុងថាញ់ ទីរួមខេត្តប៊ិញមិញ និងវត្តសង់ច្រវាចាស់ នៅឃុំហឺវថាញ់ ស្រុកត្រាអូង។ ឧបត្ថម្ភឧបករណ៍ឧគ្ឃោសនស័ព្ទដល់ស្ថាប័នវប្បធម៌និងកីឡាភូមិថោងរោន ឃុំត្រាកូង ស្រុកត្រាអូង។ ពិសេស គឺបើកបង្រៀនបាន៣ថ្នាក់ រួមមាន៖ ថ្នាក់បង្រៀនភ្លេងពិណពាទ្យនៅវត្តអង្គុលីរាជាសិរីឧត្តម (ទីរួមខេត្តប៊ិញមិញ) ថ្នាក់បង្រៀនរបាំប្រជាប្រិយខ្មែរនៅវត្តសិរីសួស្តីដូនល្អ (កណ្តាល) (ស្រុកត្រាអូង) និងថ្នាក់បង្រៀនអុកចត្រង្គរបស់ជនជាតិខ្មែរ។ល។

យោងតាមលោក សើុងរឿ អនុប្រធានគណៈកម្មាធិការប្រជាជនឃុំដុងថាញ់ ទីរួមខេត្តប៊ិញមិញ គម្រោង ៦ ចំណុះកម្មវិធីបានរួមចំណែកយ៉ាងធំធេងក្នុងដំណើរការអភិរក្សវប្បធម៌ប្រពៃណីរបស់ជនរួមជាតិខ្មែរនៅលើភូមិសាស្រ្ត៕

ហាថាញ - សុផន

ចែករំលែកអត្ថបទ

ពាក្យគន្លឹះ