សន្តិសុខ - ការពារប្រទេស ការពារប្រទេស

10/03/2025 - 15:31

នគរបាលក្រុងកឹងធើ ទទួលភារកិច្ចអភិបាលកិច្ចបន្ថែមចំនួន៥

ផ្អែកលើមូលដ្ឋានណែនាំ ចង្អុលការរបស់គណៈចង្អុលការបូកសរុបសេចក្ដីសម្រេចលេខ១៨ ស្ដីពីការរៀបចំ សម្រិតសម្រាំងអង្គការចាត់តាំងក្នុងប្រព័ន្ធនយោបាយគ្រប់លំដាប់ថ្នាក់; ឯកសារចង្អុលការរបស់គណៈចង្អុលការ នាយកដ្ឋានវិជ្ជាជីវៈរបស់ក្រសួងនគរបាល ស្ដីពីការទទួលភារកិច្ចរបស់មន្ទីរ គណៈ ផ្នែក នគរបាលក្រុងកឹងធើ បានធ្វើការពិនិត្យស្រាវជ្រាវនិងកសាងផែនការទទួលនិងអនុវត្តភារកិច្ចអភិបាលកិច្ចចំនួន៥។

នគរបាលក្រុង ផ្សព្វផ្សាយផែនការទទួលភារកិច្ចអភិបាលកិច្ចបន្ថែមចំនួន៥
អំពីមន្ទីរ គណៈ ផ្នែកក្រុង។

យោងតាមនោះ នគរបាលក្រុងកឹងធើ នឹងទទួលភារកិច្ចអភិបាលកិច្ចអំពីប្រវត្តិរូបនីតិបុគ្គលនិងអនុវត្តសេវាសាធារណៈផ្ដល់លិខិតប្រវត្តិរូបនីតិបុគ្គល; ការប្រឡងផ្ដល់ជូនប័ណ្ណបើកបរយានយន្តផ្លូវគោក; ភារកិច្ចអភិបាលកិច្ចអំពីការផ្ដាច់ញៀននិងគ្រប់គ្រងក្រោយពីផ្ដាច់ញៀនគ្រឿងញៀនពីមន្ទីរការងារ-យុទ្ធជនពិការនិងសង្គម; ធានាសុវត្ថិភាពអាកាសចរណ៍ អំពីអាកាសយានដ្ឋានអន្តរជាតិកឹងធើនិងសុវត្ថិភាព សន្តិសុខព័ត៌មានលើបណ្ដាញ។

ជាមួយនឹងភារកិច្ចអភិបាលកិច្ចអំពីប្រវត្តិរូបនីតិបុគ្គលនិងអនុវត្តសេវាសាធារណៈផ្ដល់លិខិតប្រវត្តិរូបនីតិបុគ្គល នគរបាលក្រុងកឹងធើ បានចង្អុលការអង្គភាពនានា អនុវត្តខ្លឹមសារនៃការកសាង គ្រប់គ្រង ទាញយកការពារនិងប្រើប្រាស់មូលដ្ឋាន ទិន្នន័យប្រវត្តិរូបនីតិបុគ្គលក្នុងវិសាលភាពក្រុង; ទទួលវិនិច្ឆ័យព័ត៌មានប្រវត្តិរូបនីតិបុគ្គល អាស្រ័យតុលាការប្រជាជន អយ្យការប្រជាជន ស្ថាប័ននគរបាល ស្ថាប័នសាលក្រមរដ្ឋប្បវេណី ស្ថាប័នអង្គការពាក់ព័ន្ធនានា និងមជ្ឈមណ្ឌលប្រវត្តិរូបនីតិបុគ្គលថ្នាក់ជាតិផ្ដល់ជូន; បង្កើតប្រវត្តិរូបនីតិបុគ្គល ធ្វើបច្ចុប្បន្នភាពព័ត៌មានប្រវត្តិរូបនីតិបុគ្គល បំពេញបន្ថែម ផ្ដល់ជូនព័ត៌មានប្រវត្តិរូបនីតិបុគ្គល ជូនមជ្ឈមណ្ឌលប្រវត្តិរូបនីតិបុគ្គលថ្នាក់ជាតិនិងមន្ទីរយុត្តិធម៌បណ្ដាខេត្ត ក្រុងចំណុះមជ្ឈិម តាមសេចក្ដីកំណត់របស់ច្បាប់។

នគរបាលក្រុងកឹងធើ ទទួលភារកិច្ចពីមន្ទីរគមនាគមន៍និងដឹកជញ្ជូនក្រុង ដូចជា៖ ប្រព័ន្ធផ្នែកទន់គ្រប់គ្រងការប្រឡង ផ្ដល់ប័ណ្ណបើកបរនៅមន្ទីរគមនាគមន៍និងដឹកជញ្ជូន; មជ្ឈមណ្ឌលប្រឡងបើកបរដែលកំពុងផ្ដល់ជូនអាជ្ញាប័ណ្ណសកម្មភាព; មជ្ឈមណ្ឌលបណ្ដុះបណ្ដាលការបើកបររថយន្តនិងម៉ូតូដែលកំពុងផ្ដល់ជូនអាជ្ញាប័ណ្ណសកម្មភាព; ផ្នែកទន់ប្ដូរផ្ដល់ឡើងវិញប័ណ្ណបើកបរ ផ្ដល់ប័ណ្ណបើកបរនិងប្រព័ន្ធផ្នែកទន់ដែលកំពុងប្រើការ និងឧបករណ៍ប្រើប្រាស់នៅតាមមជ្ឈមណ្ឌលប្រឡងបើកបរ; ប្រព័ន្ធមូលដ្ឋានទិន្នន័យ និងហេដ្ឋារចនាសម្ព័ន្ធ។

ភារកិច្ចអភិបាលកិច្ចអំពីការផ្ដាច់ញៀននិងគ្រប់គ្រងក្រោយពីផ្ដាច់ញៀនគ្រឿងញៀននឹងត្រូវបាននគរបាលក្រុងកឹងធើ ផ្សព្វផ្សាយអនុវត្តតាមការណែនាំរបស់ក្រសួងនគរបាលនិងគណៈចង្អុលការគម្រោង “ទទួលភារកិច្ចអភិបាលកិច្ចអំពីការផ្ដាច់ញៀននិងគ្រប់គ្រងក្រោយពីផ្ដាច់ញៀនគ្រឿងញៀន”។ ចំពោះមូលដ្ឋានផ្ដាច់ញៀនក្រុងមានទីស្នាក់ការឯករាជ្យ នៅទីតាំងក្រុងង៉ាបៃ ខេត្តហូវយ៉ាង ដោយបានការឯកភាពរបស់ថ្នាក់ដឹកនាំ ក្រសួងនគរបាលផ្ទេរឱ្យនគរបាលខេត្តហូវយ៉ាងទទួលនិងគ្រប់គ្រង។

មុខងារភារកិច្ច គ្រោងការទទួលផែនការ ជាក់ស្ដែង លម្អិត ត្រូវបាននគរបាលក្រុងកឹងធើ និងអាកាសយានដ្ឋានអន្តរជាតិកឹងធើ ពិភាក្សា និងឯកភាពរួម។ នគរបាលក្រុងកឹងធើ និងមន្ទីរព័ត៌មាននិងសារគមនាគមន៍សហការវាយតម្លៃ កំណត់មុខងារ ភារកិច្ច បរិមាណការងារដែលទាក់ទងនឹងការផ្ទេរអភិបាលកិច្ចអំពីសុវត្ថិភាព សន្តិសុខព័ត៌មានលើបណ្ដាញ។ ស្ថិតិវាយតម្លៃស្ថានភាពសម្ភារៈ មូលដ្ឋានសម្ភារៈ វិធានការដំណោះស្រាយបម្រើការងារ ធានាសុវត្ថិភាពព័ត៌មាន លើបណ្ដាញពីមន្ទីរព័ត៌មាននិងសារគមនាគមន៍ ផ្ទេរទៅឱ្យនគរបាលក្រុង។

តាមផែនការ ចាប់ពីថ្ងៃទី ១ ខែមីនា ឆ្នាំ ២០២៥ នគរបាលក្រុងកឹងធើ នឹងទទួលភារកិច្ចអភិបាលកិច្ចចំនួន ៥ ខាងលើជាផ្លូវការ។ ដើម្បីអនុវត្តល្អភារកិច្ចនេះ នគរបាលក្រុងកឹងធើ បានម្ចាស់ការសហការជាមួយនឹងមន្ទីរយុត្តិធម៌ មន្ទីរគមនាគមន៍ និងដឹកជញ្ជូនមន្ទីរការងារ - យុទ្ធជនពិការនិងសង្គមកិច្ច មន្ទីរព័ត៌មាននិងសារគមនាគមន៍ និងអាកាសយានដ្ឋានអន្តរជាតិកឹងធើ ចាត់កម្មាភិបាលទៅរៀនសូត្រ ដោះដូរវិជ្ជាជីវៈ បង្កើតបញ្ជីឈ្មោះ ស្ថិតិ ផ្ទៀងផ្ទាត់មើល ប្រគល់ជូនសំណុំបែបបទ ឯកសារពាក់ព័ន្ធឯទៀត ។ល។ និងឯកភាពលើការទទួលបុគ្គលិកមូលដ្ឋានសម្ភារៈ ឧបករណ៍ ទិន្នន័យឯកសារ៕

ហ្វាងហ្វី - ថាច់ធី

ចែករំលែកអត្ថបទ

ពាក្យគន្លឹះ