គណៈអចិន្ត្រៃយ៍នៃគណៈកម្មាធិការបក្សក្រុងកឹងធើ ទើបមានសារលិខិតអំពីការរៀបចំទទួលអំណរបុណ្យចូលឆ្នាំថ្មី ប្រពៃណីរបស់ជនរួមជាតិខ្មែរ ឆ្នាំ ២០២៥ ផ្ញើដល់គណៈកម្មាធិការបក្ស អង្គការបក្ស រដ្ឋអំណាច មន្ទីរ គណៈ ផ្នែក រណសិរ្សមាតុភូមិវៀតណាម និងអង្គការនយោបាយ - សង្គម ក្រុងគ្រប់លំដាប់ថ្នាក់។
.jpg)
ឈុតសម្តែងសិល្បៈអំណរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ
ឆ្នាំ២០២៤។ រូប៖ តឹមខ្វា
ឆ្លងតាមរយៈនោះ គណៈអចិន្ត្រៃយ៍នៃគណៈកម្មាធិការបក្សក្រុង សំណូមពរអង្គភាពខាងលើ៖ ដឹកនាំ ចង្អុលការរៀបចំសកម្មភាពទទួលអំណរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ ឆ្នាំ២០២៥ ប្រកបដោយភាពសប្បាយរីករាយ មានអត្ថន័យ សាមគ្គី សុវត្ថិភាពនិងប្រិតសំចៃ សមស្របជាមួយនឹងប្រពៃណីវប្បធម៌ដ៏ថ្លៃថ្លារបស់ជនរួមជាតិខ្មែរ និងលក្ខណសម្បត្តិ ស្ថានភាពជាក់ស្តែងនៅភូមិភាគ និងអង្គភាព; បន្តអភិរក្សនិងពង្រីកតម្លៃវប្បធម៌ប្រពៃណីដ៏ថ្លៃថ្លារបស់ជនរួមជាតិខ្មែរ ផ្សារភ្ជាប់នឹងជំរុញការងារផ្សព្វផ្សាយអនុវត្តល្អនូវគោលការណ៍របស់បក្ស គោលនយោបាយ ច្បាប់របស់រដ្ឋ បំផុតគឺបញ្ហាជាប់ពាក់ព័ន្ធដល់ជនជាតិនិងសាសនា។ គណៈកម្មាធិការបក្សនៃគណៈកម្មាធិការប្រជាជនក្រុងកឹងធើ បានដឹកនាំគណៈកម្មាធិការប្រជាជនក្រុង ចង្អុលការអនុវត្តបានល្អនូវខ្លឹមសារមួយចំនួនដូចខាងក្រោម៖ ចង្អុលការដឹកនាំអនុវត្តឱ្យបានពេញលេញ និងទាន់ពេលវេលានូវរបបនិងគោលនយោបាយសម្រាប់ជនរួមជាតិខ្មែរ តាមសេចក្ដីកំណត់; យកចិត្តទុកដាក់កៀរគរនូវប្រភពធនធានសង្គម គិតគូរជីវភាពសម្ភារៈ និងស្មារតីសម្រាប់ជនរួមជាតិខ្មែរ; យកចិត្តទុកដាក់ បង្កលក្ខណៈងាយស្រួលជូនកម្មាភិបាល អ្នករដ្ឋការ បុគ្គលិក និយោជិត យុទ្ធជន កងកម្លាំងប្រដាប់អាវុធ សិស្ស និស្សិត ជាជនរួមជាតិខ្មែរ បានឈប់សម្រាកទទួលអំណរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ ឆ្នាំ ២០២៥ តាមសេចក្ដីកំណត់។ រៀបចំសកម្មភាពទៅសួរសុខទុក្ខ លើកទឹកចិត្ត និងប្រសិទ្ធពរដល់អង្គការពុទ្ធសាសនាខ្មែរ សមាគមព្រះសង្ឃសាមគ្គីស្នេហាជាតិក្រុង វិទ្យាស្ថានពុទ្ធសាសនាខ្មែរ អ្នកមុខអ្នកការសាសនា ព្រះសង្ឃ អាចារ្យ គណៈកម្មការវត្ត កម្មាភិបាល អ្នករដ្ឋការ បុគ្គលិក យុទ្ធជន កងកម្លាំងប្រដាប់អាវុធ ដែលជាជនរួមជាតិខ្មែរគំរូ គ្រួសារគោលនយោបាយ គ្រួសារក្រីក្រ គ្រួសារប្រកៀកបន្ទាត់ក្រីក្រ អ្នកមានប្រជាប្រិយក្នុងជនរួមជាតិខ្មែរនៅភូមិភាគ អង្គភាព រួមចំណែកអនុវត្តបានទាន់ពេល មានប្រសិទ្ធភាពនូវគោលការណ៍របស់បក្ស គោលនយោបាយ ច្បាប់របស់រដ្ឋចំពោះជនរួមជាតិខ្មែរជាដើម។
បុណ្យចូលឆ្នាំថ្មីប្រពៃណីរបស់ជនរួមជាតិខ្មែរ ឆ្នាំ ២០២៥ នឹងប្រព្រឹត្តឡើងចាប់ថ្ងៃទី ១៤ ដល់ថ្ងៃទី ១៦ ខែមេសា ឆ្នាំ២០២៥៕
អ្នកយកព័ត៌មាន-វិមាន