ព្រឹត្តិការណ៍ - នយោបាយ ព្រឹត្តិការណ៍

24/02/2025 - 14:23

ជ្រាបទឹកប្រៃនៅតំបន់វាលរាបទន្លេគឺវឡុង បន្តកើនឡើងរហូតដល់ខែមេសា ឆ្នាំ២០២៥

តាមមជ្ឈមណ្ឌលព្យាករណ៍ឧតុនិយមនិងជលសាស្ត្រជាតិ កាលពីសប្តាហ៍កន្លង កម្រិតជ្រាបទឹកប្រៃនៅតំបន់វាលរាបទន្លេគឺវឡុង មាននិន្នាការកើនឡើងតាមជំនោរទឹក ខ្សែទឹកប្រៃនៅដៃទន្លេគឺវឡុងចម្ងាយពី ៣៨-៤៨ គីឡូម៉ែត្រ ទន្លេវ៉ាម-កចម្ងាយពី៤៥-៥២ គីឡូម៉ែត្រ ទន្លេកៃលើង ចម្ងាយពី ៣៥-៤០ គីឡូម៉ែត្រ (កម្រិតទាបជាង រយៈពេលដូចគ្នានៃឆ្នាំ២០២៤ ចម្ងាយពី ៣-៨ គីឡូម៉ែត្រ; ទាបជាងរយៈពេលដូចគ្នានៃឆ្នាំ ២០១៦ និងឆ្នាំ ២០២០ ចម្ងាយពី២៥-៤៤ គីឡូម៉ែត្រ)។ តាមការព្យាករណ៍កម្រិតជ្រាបទឹកប្រៃនឹងបន្តកើនឡើង ចាប់ពីខែកុម្ភៈដល់ខែមេសា ឆ្នាំ២០២៥ ក្នុងកម្រិតខ្ពស់ជាងនៃមធ្យមភាគជាច្រើនឆ្នាំ ប្រហាក់ប្រហែលនិងទាបជាងឆ្នាំ ២០២៤ ទាបជាងឆ្នាំ២០១៦ និងឆ្នាំ២០២០។

ប្រព័ន្ធសំណង់ទំបន់ទឹកប្រៃកៃលើង - កៃបែខេត្តគៀងយ៉ាង។ រូបថត៖ ថាញឡុង

វិទ្យាស្ថានវិទ្យាសាស្ត្រធារាសាស្ត្រភាគខាងត្បូង បានផ្តល់អនុសាសន៍ នៅអំឡុងថ្ងៃដែលទឹកប្រៃមាននិន្នាការថយចុះ ភូមិភាគនានាតំបន់វាលរាបទន្លេគឺវឡុង ពិសេសគឺខេត្តនៅជាប់សមុទ្រ គប្បីឆ្លៀតឱកាសស្តុកទឹកសាបសម្រាប់បម្រើការផលិតកសិកម្ម។ តំបន់ខាងលើនៃតំបន់វាលរាបទន្លេគឺវឡុង (រួមមានចំណែកដីខេត្តអាងយ៉ាង ដុងថាប ផ្នែកខាងលើឡុងអាង គៀងយ៉ាងនិងក្រុងកឹងធើ) ប្រភពទឹកដែលខ្វះភាគច្រើនគឺនៅតំបន់ភ្នំទិញបៀង ទ្រីតូង ត្រូវអនុវត្តវិធានការស្តុកទឹកនិងសន្សំចៃទឹកក្នុងការស្រោចស្រព។ តំបន់កណ្តាលនៃវាលរាបទន្លេគឺវឡុង (រួមមានចំណែកដីនៅក្រុងកឹងធើ ខេត្តតៀងយ៉ាង ឡុងអាង គៀងយ៉ាង ហូវយ៉ាង ដុងថាប វិញឡុង និងតំបន់គ្រប់គ្រងទឹកប្រៃនៅខេត្តបាកលីវ សុកត្រាំង ត្រាវិញ បេនត្រែ) ត្រូវដំណើរការឱ្យបានត្រឹមត្រូវនូវសំណង់គ្រប់គ្រងទឹកប្រៃនិងស្តុកទឹក ពេលតម្រូវការយកទឹកសាបស្រោចស្រពដំណាំ គប្បីពិនិត្យកម្រិតជាតិប្រៃឱ្យបានហ្មត់ចត់បំផុត គឺសម្រាប់ដំណាំហូបផ្លែ។ តំបន់ជាប់សមុទ្រនៃវាលរាបទន្លេគឺវឡុង (រួមមានខេត្តនៅជាប់សមុទ្រ នៃវាលរាបទន្លេគឺវឡុង) ទឹកប្រៃជ្រាបចូលខុសប្រក្រតី អាចប៉ះពាល់ដល់ប្រភពទឹកនិងការបង្កបង្កើនផលនៅតាមប្រព័ន្ធធារាសាស្ត្រជាប់មាត់សមុទ្រ ដូចជា ហ្គកុង តំបន់ភាគខាងជើងបេនត្រែ តំបន់ជាប់មាត់សមុទ្រត្រាវិញ និងប្រព័ន្ធឡុងភូ-ទីបញឹក។ ហេតុនេះ គ្រប់ភូមិភាគគប្បីត្រៀមបម្រុងវិធានការទប់ទល់និងស្តុកទុកប្រើប្រាស់សមស្រប ជាពិសេសគឺធានាប្រភពទឹកស្រោចស្រពតំបន់ដំណាំហូបផ្លែនៅស្រុកចូវថាញ់ ចើឡាត់ ម៉កៃបាក់ ម៉កៃណាមនៃខេត្តបេនត្រែ និងស្រុកកេសាច់ ខេត្តសុកត្រាំង…៕

កាសែតកឹងធើ-មុនី

ចែករំលែកអត្ថបទ

ពាក្យគន្លឹះ