មហាសាមគ្គីជនជាតិ ភូមិស្រុកផ្លាស់ថ្មី

13/01/2025 - 16:02

អំណរឆ្នាំថ្មីជាមួយក្តីរីករាយជនបទថ្មី

ប៉ុន្មានថ្ងៃនេះ ជនរួមជាតិខ្មែរនៅស្រុកចូវថាញ់ ខេត្តសុកត្រាំង រីករាយអំណរឆ្នាំថ្មីរួមជាមួយនឹងក្តីរីករាយដែលស្រុកចូវថាញ់ បាននាយករដ្ឋមន្ត្រីនៃរដ្ឋាភិបាល ទទួលស្គាល់សម្រេចបទដ្ឋានស្រុកជនបទថ្មី។

ស្រុកចូវថាញ់ ទទួលបណ្ណទទួលស្គាល់សម្រេចបទដ្ឋានជនបទថ្មីរបស់
នាយករដ្ឋមន្ត្រីនៃរដ្ឋាភិបាល។

អស់រយៈពេល ១៣ ឆ្នាំកសាងជនបទថ្មី ស្រុកចូវថាញ់ប្រមូលថវិកាបានជាង ២.៤៤៨ ពាន់លានដុង ដើម្បីកសាងជនបទថ្មី។ មកទល់ពេលនេះ ស្រុកបានអនុវត្តសម្រេចលក្ខឋានស្រុកជនបទថ្មី ៩/៩ ដោយមាន ៣៦ ភាគកម្រិតសម្រេចគោលដៅតាមសេចក្តីកំណត់។ ក្នុងនោះ មានឃុំ១០០% បានទទួលស្គាល់សម្រេចបទដ្ឋានជនបទថ្មី; ឃុំសម្រេចបទដ្ឋានជនបទថ្មីកម្រិតខ្ពស់ចំនួន ១ និងទីប្រជុំជនសម្រេចបទដ្ឋានកម្រិតក្រុងស៊ីវិល័យចំនួន១ ។ ទូទាំងស្រុកមានផ្លូវគមនាគមន៍ជនបទចំនួន ៨៧ ខ្សែនិងមានដងផ្លូវថ្នាក់ស្រុកចំនួន ៧ ខ្សែបានសម្រេចបទដ្ឋានតាមសេចក្តីកំណត់។ ឃុំមានផ្ផ្លូវរថយន្តចូលទៅដល់មជ្ឈមណ្ឌល១០០%; មានប្រព័ន្ធធារាសាស្រ្តកម្រិត I ចំនួន ៨ មានប្រវែង ៨៦.៣ គីឡូម៉ែត្រ និងស្ថានីយបូមទឹក ៦ កន្លែង ធានាបម្រើការស្រោចស្រពបានល្អដល់ទម្រង់ផលិតកម្ម; មាន ១០០% ឃុំ និងភូមិមានបណ្តាញអគ្គិសនីជាតិទៅដល់មជ្ឈមណ្ឌល ជាមួយអត្រាគ្រួសារប្រើប្រាស់អគ្គិសនីសម្រេចលើសពី៩៩.៨៧%; សាលារៀនសម្រេចកម្រិតបទដ្ឋានជាតិ១០០%; ទូទាំងឃុំ ទីប្រជុំជនដែលមានដំណាក់សុខាភិបាលសម្រេចបទដ្ឋាន១០០% “កម្រងលក្ខឋានជាតិអំពីសុខាភិបាល” មានប្រជាជនចូលរួមធានារ៉ាប់រងសុខាភិបាល៩៦,៨% ...។ ឆ្នាំ ២០២៣ ប្រាក់ចំណូលជាមធ្យមលើមនុស្សម្នាក់សម្រេច ៦០,៩១ លានដុង/ម្នាក់/ឆ្នាំ កើន ២,១ ដងបើប្រៀបធៀបនឹងឆ្នាំ២០១០; អត្រាគ្រួសារក្រីក្រពហុវិមាត្រថយចុះនៅត្រឹម ១.៧១%។

ផ្លូវជនបទនៅស្រុកចូវថាញ់ ។

លោកស្រី ថាច់ធីហឿង នៅភូមិភឿកក្វើយ ឃុំភូតឹង ឱ្យដឹង៖ “មាមីងខ្មែរអ្នកណាក៏សប្បាយរីករាយដែរ ដោយសារមានផ្លូវថ្នល់ សាលារៀន ដំណាក់សុខាភិបាល អគ្គិសនី ទឹកស្អាត បានរដ្ឋវិនិយោគកសាងសម្រេចរួចរាល់។ ដូច្នេះ មាមីងមានភាពងាយស្រួលក្នុងការធ្វើដំណើរដោះដូរទំនិញ ពិសេសភូមិរបរតម្បាញយើងខ្ញុំមានការអភិវឌ្ឍ ហើយមានប្រាក់ចំណូលលំនឹង។ ក្រៅពីនេះ រដ្ឋអំណាចក៏បានបណ្តុះបណ្តាលវិជ្ជាជីវៈ ឧទ្ទេសនាមការងារធ្វើ ជំនួយសាងសង់ផ្ទះ ផ្ដល់ប្រាក់កម្ចី ឧបករណ៍បម្រើការផលិតកម្មជាដើម មាមីងក្រខ្សត់ ក៏បានបង្កលក្ខណៈអភិវឌ្ឍន៍សេដ្ឋកិច្ច មានការងារធ្វើ និងមានប្រាក់ចំណូល ដូច្នេះ ជីវភាពកាន់តែប្រសើរឡើង។ ឥឡូវនេះ តំបន់ជនបទលែងមានផ្ទះប្រក់ស្លឹកទៀតហើយ ផ្ទុយទៅវិញមានផ្ទះថ្មរឹងមាំ សមរម្យនិងធំទូលាយ”។ លោកត្រាងមិញទ្រី នៅភូមិអាងត្រាច់ ឃុំអាងហីប ឱ្យដឹង៖ “មាមីងក្នុងភូមិស្រុកអ្នកណាក៏ចង់បានផ្ទះ និងផ្លូវជ្រះស្អាត ធំទូលាយ ទើបរួមដៃគ្នាចូលរួមអនុវត្តកសាងផ្លូវជនបទថ្មីគំរូ។ ផ្តើមពីនោះ មាមីងរួមគ្នាដាំផ្កាលម្អ រួមវិភាគទានកសាងបង្គោលទង់ ដំឡើងអំពូលភ្លើងបំភ្លឺផ្លូវ កាមេរ៉ាសុវត្ថិភាព និងរក្សាអនាម័យបរិស្ថាន ទើបដងផ្លូវនីមួយៗមានភាពស្រស់ស្អាត មានផ្ការីកតាមដងផ្លូវអំណរឆ្នាំថ្មី។ ឃុំអាងហីប ទទួលបានរង្វាន់លេខ១ អំពីដងផ្លូវជនបទថ្មីគំរូរបស់ស្រុក។

តាមប្រសាសន៍លោក វ៉ឿងក្វឹកណាម អនុប្រធានគណៈកម្មាធិការប្រជាជនខេត្តសុកត្រាំង ស្រុកចូវថាញ់ សម្រេចបទដ្ឋានជនបទថ្មី បានជួយឱ្យខេត្តសម្រេចបាន ១០០% ភាគកម្រិតរបស់មជ្ឈិមប្រគល់ឱ្យស្រុកជនបទថ្មី ក្នុងដំណាក់កាល ២០២១-២០២៥ ។ នេះជាស្រុកដំបូងបង្អស់ដែលមានជនរួមជាតិខ្មែររស់នៅច្រើនកុះករជាង៤៧% បានទទួលស្គាល់សម្រេចបទដ្ឋានជនបទថ្មី ម៉្លោះហើយត្រូវបានចាត់ទុកជាគំរូឈានមុខក្នុងការចលនាប្រឡងប្រណាំង “ខេត្តសុកត្រាំង ព្រួតដៃកសាងជនបទថ្មី”៕

យ្វីអាញ-ត្រឹងរ៉ូន

ចែករំលែកអត្ថបទ

ពាក្យគន្លឹះ