ព្រឹត្តិការណ៍ - នយោបាយ ព្រឹត្តិការណ៍

13/01/2025 - 16:00

សមាគមព្រះសង្ឃសាមគ្គីស្នេហាជាតិខេត្តវិញឡុង រៀបចំជោគជ័យមហាសន្និបាត លើកទី IV

អាណត្តិកាលកន្លង សមាគមព្រះសង្ឃសាមគ្គីស្នេហាជាតិខេត្តវិញឡុង បានអនុវត្តល្អការងារផ្សព្វផ្សាយ អប់រំ ចលនាព្រះសង្ឃនិងពុទ្ធបរិស័ទខ្មែរសាមគ្គីអនុវត្តល្អគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ; ចូលរួមនូវកម្មវិធីអភិវឌ្ឍសេដ្ឋកិច្ចនៅភូមិភាគ អនុវត្តផ្នត់រស់នៅស៊ីវិល័យនៅតាមគ្រឹះស្ថានសាសនា សាមគ្គីរស់នៅ “ល្អសង្គម ល្អសាសនា”។ សមាគមថែមទាំងអនុវត្តល្អការងារសុខុមាលភាពសង្គម ដូចជា៖ ជូនអំណោយអ្នកក្រ ជូនអាហារូបករណ៍ដល់កុមារ សង្វាតរៀនសូត្រ គិតជាតម្លៃទឹកប្រាក់ ៦,១ ពាន់លានដុង; ឧបត្ថម្ភមូលនិធិដើម្បីអ្នកក្រប្រមាណ ៥០ លានដុង៘

គណៈប្រតិបត្តិការសមាគមព្រះសង្ឃសាមគ្គីស្នេហាជាតិខេត្តវិញឡុង
បង្ហាញមុខក្នុងមហាសន្និបាត។ រូប៖ ថាច់យឿង

អាណត្តិកាលខាងមុខ សមាគមបានដាក់ចេញទិសដៅបង្កើនការរៀនសូត្រ និងធ្វើតាមគំរូសីលធម៌ហូជីមិញ; ចលនាព្រះសង្ឃនិងពុទ្ធបរិស័ទសកម្មចូលរួមការងារសប្បុរសធម៌សង្គម កសាងចលនាសង្គមរៀនសូត្រដោយមានរូបភាពសម្បូរបែបជាច្រើន សំដៅលើកកម្ពស់កម្រិតប្រជាបញ្ញាដល់ព្រះសង្ឃនិងពុទ្ធបរិស័ទ។ ខិតខំពុះពារ បង្កលក្ខណសម្បត្តិងាយស្រួលដល់វត្តខ្មែរក្នុងខេត្ត បានបើកថ្នាក់បង្រៀនអក្សរខ្មែរ ញុាំងឱ្យកូនចៅជនរួមជាតិនិងព្រះសង្ឃចេះអានចេះសរសេរស្ទាត់ទាំងពីរភាសាខ្មែរ - វៀត។

មហាសន្និបាតបានតែងតាំងគណៈប្រតិបត្តិការអាណត្តិថ្មី រួមមាន ៣១ អង្គ គណៈអចិន្ត្រៃយ៍ ១១ អង្គ។ ព្រះតេជព្រះគុណ សើុងង៉ុកហ្វិញ បន្តជាប់ឆ្នោតជាប្រធានសមាគមព្រះសង្ឃសាមគ្គីស្នេហាជាតិខេត្តវិញឡុង៕

ហាថាញ- លីសៀ

ចែករំលែកអត្ថបទ

ពាក្យគន្លឹះ