ព្រឹត្តិការណ៍ - នយោបាយ ព្រឹត្តិការណ៍

13/01/2025 - 16:00

វិញឡុង រៀបចំពិធីប្រឡងស្វែងយល់ច្បាប់ អំពីវិស័យការងារជនជាតិ

គណៈជនជាតិខេត្តវិញឡុង ទើបរៀបចំពិធីប្រឡងស្វែងយល់ច្បាប់អំពីវិស័យការងារជនជាតិ ឆ្នាំ២០២៤។ ក្រុមដែលចូលរួមប្រឡង គឺមកពីអង្គភាពស្រុក ទីរួមខេត្តនានាមានជនរួមជាតិភាគតិចរស់នៅកុះករ។

វគ្គប្រឡងរបស់អង្គភាពឃុំតឹងមី ស្រុកត្រាអូង។ រូបថតៈ ធូត្រាង

ខ្លឹមសារនៃការប្រឡង ជុំវិញការងារស្វែងយល់អំពីច្បាប់ក្នុងការអនុវត្តការងារជនជាតិ ចំណុចសំខាន់នោះគឺ កម្មវិធីទិសដៅជាតិ អភិវឌ្ឍន៍សេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល ២០២១-២០៣០ ។ រូបភាពនៃការប្រឡងមានលក្ខណៈសម្បូរបែប ត្រូវបានធ្វើឡើងតាមរយៈខ្លឹមសារ មានដូចជា៖ ការជម្រាបសួរ សំណួរពហុចម្លើយ ឆ្លើយសំណួរពីសភាពការណ៍និងអត្ថបទខ្លីៗ។

ក្រោយពីការប្រឡង ខេត្តវិញឡុងនឹងធ្វើការជ្រើសរើសសមាជិកធ្វើការបំប៉នសម្រាប់ចូលរួមប្រឡងថ្នាក់តំបន់ ត្រូវបានរៀបចំឡើងក្នុងឆ្នាំ២០២៥៕

ហាថាញ - ពេជ្រសឿន

ចែករំលែកអត្ថបទ

ពាក្យគន្លឹះ