មហាសាមគ្គីជនជាតិ ភូមិស្រុកផ្លាស់ថ្មី

03/12/2024 - 09:53

យកចិត្តទុកដាក់វិនិយោគហេដ្ឋារចនាសម្ព័ន្ធដើម្បីកសាងជនបទថ្មី

ផ្តើមពីប្រភពទុនកម្មវិធីទិសដៅជាតិកសាងជនបទថ្មី ឃុំតឹងហ៊ីប ស្រុកថ្កូវ ខេត្តត្រាវិញ បានវិនិយោគកសាងសំណង់ជាច្រើននៅតាមភូមិដែលមានជនរួមជាតិខ្មែររស់នៅកុះករ ធ្វើឱ្យមុខមាត់ជនបទមានភាពផ្លាស់ថ្មីពីមួយថ្ងៃទៅមួយថ្ងៃ។

ដងផ្លូវខេត្ត ៩១១ លើភូមិសាស្ត្រឃុំតឹងហ៊ីបភ្លឺ- បៃតង -ជ្រះ -ស្អាត។

ឃុំតឹងហ៊ីប ផ្ដោតការយកចិត្តលើការផ្សព្វផ្សាយ លើកកម្ពស់ស្មារតីយល់ដឹងរបស់ប្រជាជនអំពីការកសាងជនបទថ្មី។ ចាប់ពីដើមឆ្នាំ ២០២៤ ឃុំបានរៀបចំផ្សព្វផ្សាយប្រមាណ ១០៦ លើក អំពីបង្កើនគុណភាពលក្ខឋានជនបទថ្មី ដូចជា៖ រួមកម្លាំងកសាងសំណង់ហេដ្ឋារចនាសម្ព័ន្ធជនបទ រក្សាអនាម័យតាមដងផ្លូវ ចូលរួមដាំដើមឈើនិងផ្កាលម្អតាមសងខាងផ្លូវ ឬទម្រង់ចាកភាពក្រីក្រ៘

ពូថាច់រ៉ន នៅភូមិរោងវាល ឱ្យដឹង៖ “ខ្ញុំតែងឯកភាពខ្ពស់អំពីការកសាងជនបទថ្មីនៅមូលដ្ឋាន។ អាស្រ័យដោយជនបទថ្មីបានជួយគ្រួសារខ្ញុំនិងប្រជាជនក្នុងភូមិមានការងារធ្វើជាប់លាប់ រកបានប្រាក់ចំណូលលំនឹង។ បច្ចុប្បន្ន សំណង់គមនាគមន៍មិនត្រឹមតែរឹងមាំ សមរម្យប៉ុណ្ណោះទេ ថែមទាំងមានស្ពានជាច្រើនខ្សែត្រូវបានកសាងងាយស្រួលក្នុងធ្វើដំណើរទៀតផង។ នេះគឺជាក្តីប្រាថ្នារបស់ប្រជាជនដើម្បីកសាងជីវភាពកាន់តែល្អប្រសើរ ការធ្វើដំណើរទៅមកនិងដោះដូរទំនិញកសិផលរបស់គ្រួសារខ្ញុំនិងប្រជាជននៅទីនេះលក់បានថ្លៃជាងផង”។

សំណង់ទប់ស្កាត់ទឹកប្រៃ ស្ដុកទឹកសាបនៅភូមិរោងវាល រួមចំណែកលើកកម្ពស់
ប្រសិទ្ធភាពផលិតកម្មសម្រាប់កសិករ។

លើភូមិសាស្ត្រឃុំតឹងហ៊ីប តាមដងផ្លូវខេត្តត្រូវបានវិនិយោគកសាងរឹងមាំនិងត្រូវបានរក្សាការពារតាមការកំណត់។ ទូទាំងឃុំមានដងផ្លូវប្រមាណ ១៥ខ្សែតភ្ជាប់ភូមិ សរុបប្រវែងជាង១០គីឡូម៉ែត្រនិងដងផ្លូវកាត់តាមបណ្ដោយវាលស្រែ១១ខ្សែសរុបប្រវែង៤៨,៦គីឡូម៉ែត្រ។ ជំរុញការកសាងជនបទថ្មី ជនបទថ្មីកម្រិតខ្ពស់ ឃុំបានសហការចលនាសប្បុរសជនទាំងឡាយចូលរួមកសាងនូវសំណង់សុខមាលភាពសង្គម ក្នុងនោះ មានចលនាប្រជាជនភូមិឡុងទ្រឿង កសាងបង្គោលភ្លើង៧០ បង្គោលតាមដងផ្លូវស្រុក ត្រូវបានអុជបំភ្លឺក្នុងពេលយប់និង៨០បង្គោលតាមដងផ្លូវខេត្ត៩១១ ការពារដងផ្លូវភ្លឺ - បៃតង - ជ្រះ - ស្អាត; ចលនាប្រជាជនបាន១.៤២៥គ្រួសារចុះកិច្ចសន្យារួមគ្នាការពារបរិស្ថាន។

លោកថាច់ថាញមី ប្រធានគណៈកម្មាធិការប្រជាជនឃុំតឹងហ៊ីប ឱ្យដឹង៖ “ឃុំត្រូវបានវិនិយោគកសាងប្រឡាយបេតុង កសាងសំណង់ផ្សេងៗ មានទំនប់បង្ការទឹកប្រៃ រក្សាទឹកសាប កសាងហេដ្ឋារចនាសម្ព័ន្ធអគ្គិសនី ផ្លូវថ្នល់ អគារសិក្សា ដំណាក់សុខាភិបាលដែលបានមកពីប្រភពទុនរបស់កម្មវិធី៘ នេះគឺជាសំណង់ដ៏សំខាន់ រួមចំណែកលើកស្ទួយជីវភាពរបស់ប្រជាជន។ គិតដោយឡែកសំណង់ទប់ស្កាត់ទឹកប្រៃ រក្សាទឹកសាប ជួយគ្រួសារកសិករខ្មែរជាច្រើនមានទឹកសម្រាប់បង្កបង្កើនផល លើកកម្ពស់ប្រសិទ្ធភាពផលិតកម្មរបស់ជនរួមជាតិខ្មែរ បច្ចុប្បន្នឃុំសម្រេចបទដ្ឋានជនបទថ្មីកម្រិតខ្ពស់”៕

សើុងម៉ាល័យ- លីសៀ

ចែករំលែកអត្ថបទ

ពាក្យគន្លឹះ