សន្តិសុខ - ការពារប្រទេស ការពារប្រទេស

28/10/2024 - 16:54

កសាងកងកម្លាំងប្រជាស្វ័យត្រាណរឹងមាំ

រយៈពេលកន្លង គណៈបញ្ជាការយោធាឃុំហ្វៀងហោយ ស្រុកកាងឡុង ខេត្តត្រាវិញ បានផ្ដុំកម្លាំងកសាងកងកម្លាំងប្រជាស្វ័យត្រាណរឹងមាំ ឆ្លើយតបទៅនឹងតម្រូវការភារកិច្ច។

គណៈបញ្ជាការយោធាឃុំ កំពុងជួយប្រជាជនភូមិភាគដាំផ្កាតាមដងផ្លូវជនបទ រួមចំណែក
នឹងភូមិភាគធានាសន្ដិសុខនយោបាយ សណ្ដាប់ធ្នាប់សុវត្ថិភាពសង្គម។

លោកផាងយ្វីង៉ឹង មេបញ្ជាការនៃគណៈបញ្ជាការយោធាឃុំហ្វៀងហោយ ឱ្យដឹង៖ “កងកម្លាំងប្រជាស្វ័យត្រាណឃុំ មាន១៤១នាក់ ក្នុងនោះ មានបក្ខជន២៦នាក់។ ការកសាងកងកម្លាំងប្រជាស្វ័យត្រាណរឹងមាំ ត្រូវបានគណៈកម្មាធិការបក្សគ្រប់លំដាប់ថ្នាក់ រដ្ឋអំណាចភូមិភាគយកចិត្តទុកដាក់កសាងរឹងមាំ ទូលំទូលាយ; ដោយមានការរៀបចំក្របខ័ណ្ឌ សមាសភាពចំនួនមនុស្សសមស្របនឹងលក្ខណៈភូមិសាស្រ្ត គុណភាពកម្លាំងសរុបបានបង្កើនឡើង ពិសេសគឺគុណភាពនយោបាយ។ ក្រៅពីនោះ ថ្នាក់ដឹកនាំគណៈបញ្ជាការយោធារួមជាមួយនឹងកងកម្លាំងប្រជាស្វ័យត្រាណ តែងធ្វើសេនាធិការជូនគណៈកម្មាធិការបក្ស គណៈកម្មាធិការប្រជាជនឃុំអនុវត្តល្អការងារកសាងតំបន់ការពារក្នុងស្ថានភាពថ្មី។ ការងារបញ្ជ្រាបនិងអនុវត្តបទបញ្ជារបស់គណៈកម្មាធិការបក្សនៃគណៈបញ្ជាការយោធាស្រុកសេចក្ដីសម្រេចរបស់គណៈកម្មាធិការបក្ស និងផែនការរបស់គណៈកម្មាធិការប្រជាជនឃុំអំពីភារកិច្ចត្រៀមប្រយុទ្ធ គណៈបញ្ជាការយោធាឃុំតែងធ្វើការអប់រំដល់កម្មាភិបាល យុទ្ធជនលើកកម្ពស់ស្មារតីប្រុងប្រយ័ត្នបដិវត្តន៍ចំពោះរាល់ឧបាយកល “បម្រែបម្រួលសន្ដិភាព” របស់អានុភាពអមិត្ត។ ឆ្លងតាមរយៈនោះ អង្គភាពតែងរក្សាម៉ឺងម៉ាត់របបប្រចាំការ បញ្ជាការ ប្រចាំការផ្ដល់ព័ត៌មាន កងកម្លាំងប្រចាំការរ៉ាប់រងបានល្អ”។

ក្រៅពីអនុវត្តភារកិច្ចនយោបាយ យុទ្ធជននៅទាំងដាំបន្លែបង្ការសម្រាប់អាហារហូប
ចុកនិងបង្កើនប្រាក់ចំណូលទៀតផង។

គណៈបញ្ជាការយោធាឃុំហ្វៀងហោយ នៅទាំងសហការជាមួយនឹងនគរបាល កសាងផែនការសហការតាមអនុក្រឹត្យលេខ ០៣ របស់នាយករដ្ឋមន្រ្តីនៃរដ្ឋាភិបាល បង្កើនការងារការពាររក្សាលំនឹងសណ្ដាប់ធ្នាប់លើភូមិសាស្រ្ត ម្ចាស់ការសហការរវាងនគរបាល កងទ័ពជាមួយនឹងផ្នែកនានា ធ្វើការដើរល្បាតយាមការពារចំនួន ១០ លើក ដោយមានកម្មាភិបាល យុទ្ធជនចូលរួម៣០លើកនាក់។ ត្រួតពិនិត្យក្ដាប់ស្ថានភាព និងត្រួតពិនិត្យការងារយោធា ការពារប្រទេសនៅតាមភូមិនីមួយៗ។ ការងារហ្វឹកហ្វឺនត្រូវបានយកចិត្តទុកដាក់ពិសេស លទ្ធផលសម្រេចតាមផែនការដាក់ចេញ១០០% ក្នុងនោះ លទ្ធផល ពូកែនិងគ្រាន់បើជាង៧៥%។

ដើម្បីកសាងកងកម្លាំងប្រជាស្វ័យត្រាណរឹងមាំ ឆ្លើយតបទៅនឹងតម្រូវការភារកិច្ច។ គណៈបញ្ជាការយោធាឃុំហ្វៀងហោយ បានពង្រីកតួនាទីស្នូលរបស់កម្មាភិបាលបក្ខជនក្នុងកងកម្លាំងប្រជាស្វ័យត្រាណ។ ផ្សព្វផ្សាយច្បាប់កងប្រជាស្វ័យត្រាណ បទបញ្ជាសេចក្ដីសម្រេចចិត្តរបស់បក្សនិងរដ្ឋអំពីកងប្រជាស្វ័យត្រាណ សំដៅលើកកម្ពស់ស្មារតី ភារកិច្ចរបស់ស្ថាប័នភូមិភាគ ថ្នាក់ដឹកនាំគណៈបញ្ជាការយោធាឃុំ យុទ្ធជននិងប្រជាជនចំពោះភារកិច្ចការពារមាតុភូមិក្នុងស្ថានភាពថ្មី ចាត់ទុកនេះជាខ្លឹមសារជាក់ស្ដែង រួមចំណែកធានាសន្តិសុខនយោបាយសណ្ដាប់ធ្នាប់សុវត្ថិភាពសង្គមលើភូមិសាស្រ្តឃុំ៕

សើុងម៉ាល័យ - ថាច់ធី

ចែករំលែកអត្ថបទ

ពាក្យគន្លឹះ