គោលនយោបាយ -ការរស់នៅ ការរស់នៅ

28/10/2024 - 16:54

មានភាពផ្លាស់ថ្មីអាស្រ័យកម្មវិធីទិសដៅជាតិ

ដើម្បីអនុវត្តមានប្រសិទ្ធភាពកម្មវិធីទិសដៅជាតិអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល២០២១-២០៣០ គណៈកម្មាធិការប្រជាជនក្រុងកឹងធើ បានផ្សព្វផ្សាយផែនការលេខ ២១៣/KH-UBND ចុះថ្ងៃទី២០ ខែតុលា ឆ្នាំ២០២២។ ព្រមទាំងផ្គួបបញ្ចូលនូវកម្មវិធី គម្រោងផ្សេងៗលើភូមិសាស្ត្រ ម្ល៉ោះហើយតំបន់ជនជាតិនៅក្រុងកឹងធើ មានភាពផ្លាស់ថ្មីឥតឈប់ឈរ។

សុខាភិបាលមូលដ្ឋានតំបន់ជនរួមជាតិភាគតិចនៅក្រុងកឹងធើ ជានិច្ចកាលត្រូវបានវិនិយោគ ឆ្លើយតបតម្រូវការពិនិត្យព្យាបាលជំងឺបឋមជូនប្រជាជន។

ដើមទុនបែងចែកក្នុងកម្មវិធីនិងផ្គួបបញ្ចូល អនុវត្តក្នុងឆ្នាំ២០២៣ សរុបជាង១០ ពាន់លានដុង។ ផ្តើមពីប្រភពទុនទាំងនេះ គណៈជនជាតិក្រុង បានសហការជាមួយមន្ទីរ ផ្នែក ដែលពាក់ព័ន្ធ គណៈកម្មាធិការប្រជាជនខណ្ឌ ស្រុក ដើម្បីអនុវត្តគម្រោង អនុគម្រោងទាំងឡាយ។ ក្នុងនោះ មានបែងចែកដើមទុន ដើម្បីបង្កើនកម្រិតសាលាចំណេះទូទៅជនជាតិអន្តេវាសិកក្រុងកឹងធើ; ដើមទុនឧបត្ថម្ភសង់ផ្ទះមហាសាមគ្គី ៩ខ្នងនៅស្រុកកើ-ដ។ ជាពិសេស សហការជាមួយមន្ទីរវប្បធម៌ កីឡានិងទេសចរណ៍ក្រុងអនុវត្តនូវខ្លឹមសារនៃគម្រោងទី៦។ ឆ្លងតាមរយៈនោះ បានធ្វើការពិនិត្យ គណនាធ្វើសមុច្ច័យ បង្កើតជាឯកសារបេតិកភ័ណ្ឌវប្បធម៌ប្រពៃណីរបស់ជនរួមជាតិភាគតិច; ឧបត្ថម្ភស្រាវជ្រាវស្តារឡើងវិញ អភិរក្ស ពង្រីកវប្បធម៌អរូបីបណ្តាជនជាតិភាគតិច ដែលមានហានិភ័យសាបរលាប; ឧបត្ថម្ភបោះទូក-ងថ្មីនៅវត្តសេតុត្តរ; ចាត់តាំងសកម្មភាពប្រកួតកីឡាប្រពៃណីក្នុងថ្ងៃបុណ្យសមោសរ ទំនាក់ទំនង សំដៅអភិរក្សនូវវិញ្ញាសាកីឡាប្រពៃណីនិងល្បែងប្រជាប្រិយផ្សេងៗរបស់ជនជាតិភាគតិច ៘ ពូដាវកាក នៅទីប្រជុំជនថើយឡាយ ឱ្យដឹង៖ “ឃើញសាលាចំណេះទូទៅជនជាតិអន្តេវាសិកក្រុងកឹងធើ បានបង្កើនកម្រិត ដូច្នេះ ខ្ញុំត្រេកអរណាស់ ពីព្រោះកូនចៅជនរួមជាតិភាគតិចនឹងបានរៀនសូត្រក្នុងបរិស្ថានដ៏ល្អប្រសើរ”។

អនុវត្តផែនការលេខ២១៣ របស់គណៈកម្មាធិការប្រជាជនក្រុង មន្ទីរសុខាភិបាលក្រុងកឹងធើ បានគួបផ្សំផ្សព្វផ្សាយអនុវត្តគ្រប់ខ្លឹមសារដែលត្រូវបានប្រគល់ឱ្យដឹកនាំផ្សព្វផ្សាយអនុវត្តគម្រោង ទី៧ ដើម្បីលើកកម្ពស់គុណភាពចំនួនប្រជាជនតំបន់ជនរួមជាតិភាគតិច។ ក្នុងនោះ លេចធ្លោគឺ ការផ្តល់ពិគ្រោះ ពិនិត្យសុខភាពមុនពេលរៀបអាពាហ៍ពិពាហ៍; ពិនិត្យធ្វើរោគវិនិច្ឆ័យ ព្យាបាលជំងឺតម្កាត់មួយចំនួនមុនពេលសម្រាលនិងក្រោយពេលសម្រាលរួច និងឆ្លើយតបតម្រូវការថែទាំ លើកកម្ពស់សុខភាពមនុស្សចាស់ សម្របជាមួយនឹងចំនួនប្រជាជនមានជរាភាពឆាប់រហ័ស៘

តាមប្រសាសន៍លោក ឡេទ្រុងកៀង ប្រធានគណៈជនជាតិក្រុងកឹងធើ ការដែលក្រុងផ្សព្វផ្សាយអនុវត្តមានប្រសិទ្ធភាពនូវកម្មវិធី គម្រោងរួមនិងគម្រោងពិសេសដោយឡែក បានជួយឱ្យតំបន់ដែលមានជនរួមជាតិភាគតិចរស់នៅកុះករលើភូមិសាស្ត្រក្រុងកឹងធើមានជំហានរីកចម្រើន។ ផ្តើមពីនោះ ឆ្លើយតបបានក្តីសង្ឃឹមរបស់ជនរួមជាតិភាគតិចទៅលើការដឹកនាំរបស់បក្ស ការគ្រប់គ្រងរបស់រដ្ឋ។ សម្របជាមួយនឹងស្មារតីរួមជនរួមជាតិភាគតិចបានពង្រីកតួនាទីរបស់ខ្លួនដោយឥតឈប់ឈរ ដើម្បីរួមជាមួយភូមិភាគរួមចំណែកកសាងជនបទថ្មី ចូលរួមរក្សាសន្តិសុខសណ្តាប់ធ្នាប់ សុវត្ថិភាពសង្គម ញុាំងឱ្យតំបន់ជនជាតិនៅក្រុងកឹងធើសម្បូរសប្បាយនិងរីកចម្រើន៕

ហាថាញ- លីសៀ

ចែករំលែកអត្ថបទ

ពាក្យគន្លឹះ