ព្រឹត្តិការណ៍ - នយោបាយ ព្រឹត្តិការណ៍

16/09/2024 - 16:08

គណៈកម្មាធិការមជ្ឈិមរណសិរ្សមាតុភូមិវៀតណាម

បំផុសចលនាឧបត្ថម្ភជនរួមជាតិដែលរងការខូចខាតដោយសារព្យុះលេខ ៣ បង្កឡើង

គាំទ្រការអំពាវនាវរបស់លោកអគ្គលេខាបក្ស ប្រធានរដ្ឋ តូឡឹម ដោយស្មារតីឧបត្ថម្ភ “ខ្ពស់បំផុត លឿនបំផុត” ដល់គ្រួសាររងការខូចខាតដោយសារព្យុះ ទឹកជំនន់ គណៈអធិបតីនៃគណៈកម្មាធិការមជ្ឈិមរណសិរ្សមាតុភូមិវៀតណាម ទើបរៀបចំពិធីបំផុសចលនាឧបត្ថម្ភជនរួមជាតិរងការខូចខាតដោយសារព្យុះលេខ ៣ បង្កឡើង។

លោកអគ្គលេខាបក្ស ប្រធានរដ្ឋ តូឡឹម ឧបត្ថម្ភជនរួមជាតិរងការខូចខាត
ដោយសារព្យុះលេខ ៣ បង្កឡើង។

ថ្លែងក្នុងពិធីសំផុសចលនានេះ ជំនួសមុខគណៈអធិបតីនៃគណៈកម្មាធិការមជ្ឈិមរណសិរ្សមាតុភូមិវៀតណាម លោក ប្រធាន ឌោវ៉ាន់ចៀង បានថ្លែងអំណរគុណលោកអគ្គលេខាបក្ស ប្រធានរដ្ឋ តូឡឹម និងសមមិត្តក្នុងថ្នាក់ដឹកនាំបក្ស រដ្ឋ រណសិរ្សមាតុភូមិវៀតណាម ដែលបានយកចិត្តទុកដាក់យ៉ាង ពិសេស ចំណាយពេលអញ្ជើញចូលរួមចង្អុលការនិងឧបត្ថម្ភដោយផ្ទាល់ដល់ជនរួមជាតិ ដែលរងការខូចខាតដោយសារព្យុះលេខ ៣ បង្កឡើង។ សូមថ្លែងអំណរគុណស្ថាប័ន អង្គភាព អង្គការ បុគ្គល ជនរួមជាតិ សមមិត្ត និងមិត្តភ័ក្តិអន្តរជាតិ ដែលមានមនោសញ្ចេតនាយ៉ាងពិសេស ចូលរួមក្នុងព្រឹត្តិការណ៍ដ៏មានអត្ថន័យនេះ។ ដើម្បីរួមវិភាគទានបន្ថែមនូវប្រភពកម្លាំង ឧបត្ថម្ភជនរួមជាតិជម្នះការខូចខាតដោយសារព្យុះលេខ ៣ បង្កឡើង ជំនួសមុខគណៈអធិបតីនៃគណៈកម្មាធិការមជ្ឈិមរណសិរ្សមាតុភូមិវៀតណាម លោកប្រធាន ឌោវ៉ាន់ចៀង បានអំពាវនាវដល់ស្ថាប័ន អាជីវកម្ម អង្គការ សមូហភាព បុគ្គល នៅក្នុងប្រទេសនិងជនជាតិវៀតណាមនៅក្រៅប្រទេស ជនជាតិបរទេសកំពុងធ្វើការនិងរស់នៅក្នុងប្រទេសវៀតណាម រួមគ្នាចែករំលែក ឧបត្ថម្ភទាំងស្មារតី និងសម្ភារៈ រួមចំណែកជាមួយនឹងបក្ស រដ្ឋ ស្តារឡើងវិញនូវការផលិតកម្ម និងជីវភាពរបស់ប្រជាជនយ៉ាងឆាប់រហ័ស។

ក្នុងពិធីបំផុសចលនា នៅរសៀលថ្ងៃទី ១០ ខែកញ្ញា គណៈអធិបតីនៃគណៈកម្មាធិការមជ្ឈិមរណសិរ្សមាតុភូមិវៀតណាម បានទឹកប្រាក់ជាង ៤០៧ ពាន់លានដុងពីអង្គការនិងបុគ្គលដែលបានឧបត្ថម្ភជំហានដំបូងនិងចុះឈ្មោះឧបត្ថម្ភជនរួមជាតិរងការខូចខាតដោយសារព្យុះលេខ ៣ បង្កឡើង។ នេះជាទង្វើដ៏ថ្លៃថ្លា ការចែករំលែកនិងយកចិត្តទុកដាក់គិតគូររបស់ប្រជាជនទូទាំងប្រទេស ចំពោះជនរួមជាតិរងការខូចខាតដោយព្យុះលេខ ៣ បង្កឡើង។ គណៈអធិបតីនៃគណៈកម្មាធិការមជ្ឈិមរណសិរ្សមាតុភូមិវៀតណាម បានសន្យាក្រោយពីពិធីបំផុសចលនានេះ នឹងរៀបចំប្រជុំគណៈចលនាសង្គ្រោះមជ្ឈិម សហការជាមួយក្រសួងផ្នែកពាក់ព័ន្ធរបស់រដ្ឋាភិបាល ដើម្បីបែងចែកនិងឧបត្ថម្ភដល់ភូមិភាគនានាបានទាន់ពេល៕

យោង៖ baodantoc.vn - ប្រែសម្រួល៖ វិមាន

ចែករំលែកអត្ថបទ

ពាក្យគន្លឹះ