គណៈបញ្ជាការយោធាឃុំង្វៀកហ្វា ស្រុកចូវថាញ់ ខេត្តត្រាវិញ អនុវត្តល្អការគោរពវិន័យកងទ័ពនិងធានាសុវត្ថិភាពអង្គភាព រួមចំណែកកសាងអង្គភាពរឹងមាំគ្រប់ផ្នែក ឆ្លើយតបទៅនឹងតម្រូវការភារកិច្ចការពារមាតុភូមិ។
![ពង្រឹងវិន័យកងទ័ព ឆ្លើយតបទៅនឹងតម្រូវការភារកិច្ច](https://baocantho.com.vn/image/fckeditor/upload/2024/20240715/images/khmer/71.jpg)
គណៈបញ្ជាការយោធាឃុំ កំពុងហ្វឹកហ្វឺនដល់កងកម្លាំងប្រជាស្វ័យត្រាណ។
លោកហឿញ៉ឹកអាញ់ ប្រធានកងជីវពលចល័តឃុំ ឱ្យដឹង៖ “ពេលជាប់ជម្រើសកងទ័ព ខ្ញុំបារម្ភខ្លាំងណាស់ ព្រោះមិនដឹងថាបរិស្ថានរស់នៅក្នុងកងទ័ពយ៉ាងដូចម្តេច។ ប៉ុន្តែ ពេលបានចូលកងជួរទ័ពនៅគណៈបញ្ជាការយោធាឃុំង្វៀកហ្វា បងប្អូនក្នុងអង្គភាពគោរពស្រឡាញ់គ្នា និងជួយគ្នាទៅវិញទៅមក តាំងពីកម្មាភិបាលរហូតដល់យុទ្ធជនរស់នៅស្និទ្ធស្នាល ស្រុះស្រួល សាមគ្គីដូចបងប្អូនក្នុងគ្រួសារតែមួយ។ ហេតុនេះ យុទ្ធជនយើងខ្ញុំរំភើបចិត្តនិងមានមោទនភាពយ៉ាងក្រៃលែងពេលបានក្លាយជាកងទ័ពអ៊ំហូ ស្ងប់អារម្មណ៍ ផ្សារភ្ជាប់កសាងអង្គភាព ខិតខំអនុវត្តសម្រេចល្អនូវភារកិច្ចដែលប្រគល់ឱ្យ។ បរិស្ថានរស់នៅក្នុងកងទ័ព ពេលវេលាសម្រាកហូបចុក រៀនសូត្រ ហ្វឹកហ្វឺន។ល។ ត្រូវតាមបទបញ្ជាផ្ទៃក្នុងលក្ខន្តិកៈរបស់អង្គភាព។ នេះគឺជាលក្ខណៈល្អបំផុតសម្រាប់យើងខ្ញុំវិវឌ្ឍន៍ខ្លួនឱ្យរឹតតែល្អប្រសើរ”។
តាំងពីដើមឆ្នាំ២០២៤មក គណៈបញ្ជាការយោធាឃុំ បានបើកយុទ្ធនាការដើរល្បាត ត្រួតពិនិត្យក្តាប់ស្ថានភាពភូមិសាស្ត្រច្បាស់លាស់ ការពារសុវត្ថិភាពថ្ងៃបុណ្យទានផ្សេងៗ បុណ្យចូលឆ្នាំថ្មីវៀតណាម។ល។ ព្រមទាំងរៀបចំការងារហ្វឹកហ្វឺន សមយុទ្ធរាល់វិធានការត្រៀមប្រយុទ្ធ សម្រេចតាមផែនការដាក់ចេញ១០០%។ លោក ឡឹមមួនហែនរើ មេបញ្ជាការនៃគណៈបញ្ជាការយោធាឃុំ ឱ្យដឹង៖ “ដើម្បីឆ្លើយតបទៅនឹងតម្រូវការភារកិច្ចប្រចាំឆ្នាំ គណៈកម្មាធិការបក្សនៃគណៈបញ្ជាការយោធាឃុំ មានគោលការណ៍និងវិធានការជាច្រើន ដើម្បីដឹកនាំ ចង្អុលការ រៀបចំផ្សព្វផ្សាយបញ្ជ្រាបដល់កម្មាភិបាល យុទ្ធជន អំពីសេចក្តីសម្រេចបទបញ្ជារបស់បក្ស គោលនយោបាយច្បាប់របស់រដ្ឋ ផែនការសេចក្តីណែនាំរបស់ថ្នាក់លើអំពីការកសាងរបៀបរៀបរយ លត់ដំវិន័យ។ ផ្តើមពីនោះ កសាងស្មារតីទទួលខុសត្រូវប្រកបដោយលក្ខណៈ “ភ្ញាក់រលឹក ស្វ័យគ្រប់គ្រង ស្វ័យលត់ដំ” ដល់កម្មាភិបាល យុទ្ធជនគ្រប់រូបក្នុងអង្គភាព។ គណៈបញ្ជាការយោធាឃុំង្វៀកហ្វា ក៏បានម្ចាស់ការកសាងផែនការផ្សព្វផ្សាយអនុវត្តយ៉ាងមានប្រសិទ្ធភាពនូវខ្លឹមសារ បទដ្ឋានកសាងអង្គភាពរឹងមាំគ្រប់ផ្នែក តាមកិច្ចចង្អុលការរបស់ក្រសួងការពារប្រទេស។ សហការជិតស្និទ្ធក្នុងការគ្រប់គ្រង ចង្អុលការជាមួយការអប់រំ បញ្ចុះបញ្ចូល ពង្រីកកម្លាំងចម្រុះរបស់អង្គការ កងកម្លាំង ព្រមទាំងទទួលបានកិច្ចដឹកនាំ ចង្អុលការ ជួយឧបត្ថម្ភពីថ្នាក់លើ រដ្ឋអំណាច គ្រប់គណៈ ផ្នែក និងអង្គការមហាជននានារបស់ភូមិភាគ”៕
សើុងម៉ាល័យ-មុនី