ស្របក្នុងឱកាសខួបអនុស្សាវរីយ៍ ៧៧ ឆ្នាំ ទិវាយុទ្ធជនពលី-ពិការ (២៧/៧/១៩៤៧- ២៧/៧/២០២៤) សមមិត្ត ត្រឹងថាញម៉ឹង សមាជិកការិយាល័យនយោបាយ ប្រធានរដ្ឋសភា ទើបអញ្ជើញមកសួរសុខទុក្ខនិងជូនអំណោយដល់វីរមាតាវៀតណាម គ្រួសារគោលនយោបាយ អ្នកមានសគុណចំពោះបដិវត្តន៍លើភូមិសាស្ត្រក្រុងកឹងធើចំនួន ៥០ នាក់។
![ប្រធានរដ្ឋសភា ត្រឹងថាញម៉ឹង ជូនអំណោយដល់វីរមាតាវៀតណាម គ្រួសារគោលនយោបាយនៅក្រុងកឹងធើ](https://baocantho.com.vn/image/fckeditor/upload/2024/20240715/images/khmer/12.jpg)
សមមិត្ត ត្រឹងថាញម៉ឹង ជូនអំណោយដល់វីរមាតាវៀតណាម ត្រឹងធីហាយ
នៅសង្កាត់ភូធឺ ខ័ណ្ឌកៃរុាំង។
មានប្រសាសន៍ក្នុងឱកាសជូនអំណោយ សមមិត្ត ត្រឹងថាញម៉ឹង សង្កត់ធ្ងន់ការងារតបស្នងសងគុណ គិតគូរដល់វីរមាតាវៀតណាម គ្រួសារគោលនយោបាយ អ្នកមានសគុណចំពោះបដិវត្តន៍ តែងបានបក្សនិងរដ្ឋយកចិត្តទុកដាក់អនុវត្ត។ ប្រធានរដ្ឋសភា រំពឹងថា ក្រុងកឹងធើនឹងបន្តយកចិត្តទុកដាក់ ផ្សព្វផ្សាយអនុវត្តឱ្យកាន់តែល្អជាងទៀត បទបញ្ជាលេខ ១៤-CT/TW របស់គណៈលេខាស្ដីពីការបន្តបង្កើនការដឹកនាំរបស់បក្ស ចំពោះការងារអ្នកមានសគុណចំពោះបដិវត្តន៍ ដើម្បីធានាដល់គ្រួសារដែលមានសគុណចំពោះបដិវត្តន៍ មានជីវភាពកាន់តែល្អប្រសើរ។ ក្រុងកឹងធើ ចាត់ចែងអនុវត្តល្អនូវគោលនយោបាយអំពីការកែតម្រូវប្រាក់សោធននិវត្តន៍ ឧបត្ថម្ភប្រាក់ធានារ៉ាប់រងសង្គម ជំនួយអាទិភាពដល់អ្នកមានសគុណនិងគាំពារសង្គម យោងតាមសេចក្ដីសម្រេចរបស់រដ្ឋសភានីតិកាល XV ទើបអនុម័តិ មានសុពលភាពចាប់ពីថ្ងៃទី ១ ខែកក្កដា ឆ្នាំ២០២៤; បំផុសចលនាទូទាំងប្រជាជនយកចិត្តទុកដាក់គិតគូរដល់គ្រួសារគោលនយោបាយ អ្នកមានសគុណចំពោះបដិវត្តន៍; ជំរុញការងារឧបត្ថម្ភជាសម្ភារនិងស្មារតី ដើម្បីគ្រួសារគោលនយោបាយ អ្នកមានសគុណចំពោះបដិវត្តន៍ឈានឡើងក្នុងជីវភាព។
សមមិត្ត ង្វៀងវ៉ាន់ហីវ ទទួលយកមតិចង្អុលការរបស់ប្រធានរដ្ឋសភា ត្រឹងថាញម៉ឹង។ ព្រមជាមួយនោះ អំណះអំណាង ក្រុងកឹងធើ តែងយកចិត្តទុកដាក់យ៉ាងជ្រាលជ្រៅចំពោះការគិតគូរដល់គ្រួសារគោលនយោបាយ អ្នកមានសគុណចំពោះបដិវត្តន៍។ រយៈពេលខាងមុខ ក្រុងនឹងបន្តអនុវត្តយ៉ាងម៉ឺងម៉ាត់នូវគោលការណ៍ គោលនយោបាយនិងច្បាប់ស្ដីពីការងារគិតគូរចំពោះអ្នកមានសគុណ; បន្តយកចិត្តទុកដាក់លកលៃប្រភពធនធានល្អបំផុត ដើម្បីគិតគូរដល់គ្រួសារគោលនយោបាយ អ្នកមានសគុណចំពោះបដិវត្តន៍ គ្រួសារក្រីក្រ គ្រួសារមានជីវភាពជួបការលំបាក ដើម្បីមានជីវភាពកាន់តែល្អប្រសើរ៕
អាញ់យុង- ពេជ្រសឿន