ក្នុងចំណោមរមណីយដ្ឋានទាំងឡាយនៅហាណូយ វ៉ាន់ម៉ីវ-ក្វឹកតឺយ៉ាម ជារមណីយដ្ឋានដែលទាក់ទាញភ្ញៀវទេសចរយ៉ាងច្រើនកុះករ។ នៅទីនេះមិនត្រឹមតែប្រជុំកេរដំណែលដ៏សម្បូរបែបប៉ុណ្ណោះទេ ថែមទាំងជាទីតាំងដែលបេក្ខជនផ្ញើក្តីសង្ឃឹមនិងបំណងប្រាថ្នា។
![រមណីយដ្ឋាន វ៉ាន់ម៉ីវ-ក្វឹកតឺយ៉ាម](https://baocantho.com.vn/image/fckeditor/upload/2024/20240702/images/khmer/81.jpg)
![រមណីយដ្ឋាន វ៉ាន់ម៉ីវ-ក្វឹកតឺយ៉ាម](https://baocantho.com.vn/image/fckeditor/upload/2024/20240702/images/khmer/87.jpg)
![រមណីយដ្ឋាន វ៉ាន់ម៉ីវ-ក្វឹកតឺយ៉ាម](https://baocantho.com.vn/image/fckeditor/upload/2024/20240702/images/khmer/84.jpg)
![រមណីយដ្ឋាន វ៉ាន់ម៉ីវ-ក្វឹកតឺយ៉ាម](https://baocantho.com.vn/image/fckeditor/upload/2024/20240702/images/khmer/85.jpg)
![រមណីយដ្ឋាន វ៉ាន់ម៉ីវ-ក្វឹកតឺយ៉ាម](https://baocantho.com.vn/image/fckeditor/upload/2024/20240702/images/khmer/86.jpg)
![រមណីយដ្ឋាន វ៉ាន់ម៉ីវ-ក្វឹកតឺយ៉ាម](https://baocantho.com.vn/image/fckeditor/upload/2024/20240702/images/khmer/82.jpg)
![រមណីយដ្ឋាន វ៉ាន់ម៉ីវ-ក្វឹកតឺយ៉ាម](https://baocantho.com.vn/image/fckeditor/upload/2024/20240702/images/khmer/83.jpg)
រូបភាពមួយចំនួនក្នុងរមណីយដ្ឋានវ៉ាន់ម៉ីវ - ក្វឹកតឺយ៉ាម។
ប្រជុំរមណីយដ្ឋានវ៉ាន់ម៉ីវ - ក្វឹកតឺយ៉ាម នៅភាគខាងត្បូងរដ្ឋធានីថាំងឡុងបុរាណ។ ប្រជុំកេរដំណែលទាំងនេះ រួមមាន៖ ស្រះវ៉ាន់ មណ្ឌលវ៉ាន់ម៉ីវ - ក្វឹកតឺយ៉ាម និងសួនយ៉ាម។ មណ្ឌលវ៉ាន់ម៉ីវ - ក្វឹកតឺយ៉ាម មានរបង ឥដ្ឋព័ទ្ធជុំវិញ។ ផ្នែកខាងក្នុងចែកជា៥សង្កាត់ ដោយមានស្ថាបត្យកម្មផ្សេងៗគ្នា ត្រូវបានចែកដាច់ពីគ្នាដោយជញ្ជាំងឥដ្ឋ។ បរិវេណនីមួយៗមានទ្វារចំកណ្តាលនិងមានទ្វារតូចពីរអមសងខាង ដើម្បីឆ្លងទៅវិញទៅមក។ ពេលដើរចូលទៅភ្ញៀវទេសចរធ្វើដំណើរតាមក្លោងទ្វារគឺ៖ វ៉ាន់ម៉ីវដាយទ្រុង ខ្វេវ៉ាន់កាក ដាយថាញ់ និងក្លោងទ្វារថាយហុក។
វ៉ាន់ម៉ីវ-ក្វឹកតឺយ៉ាម មានវត្ថុផ្សេងៗដែលទាក់ទាញភ្ញៀវទេសចរនៅក្នុងនិងក្រៅប្រទេស។ នោះ គឺជញ្ជាំងឥដ្ឋចាស់ ដំបូលប្រក់ក្បឿងស្រកាលិញ ជួរដើមឈើធំៗខ្ពស់សន្លឹម ជញ្ជាំងឡើងពណ៌ស្រអាប់។ល។ ពិសេស សត្វអណ្តើកទ្រសិលាចារិក ឆ្លាក់ឈ្មោះអ្នកប្រឡងជាប់ប្រកបដោយតម្លៃប្រវត្តិសាស្រ្តពាន់ឆ្នាំរបស់ជនជាតិ។ ចូលទស្សនាកម្សាន្តប្រជុំកេរដំណែលវ៉ាន់ម៉ីវ-ក្វឹកតឺយ៉ាមភ្ញៀវទេសចរនឹងមានអារម្មណ៍មោទនភាពចំពោះប្រពៃណីសង្វាតរៀនសូត្ររបស់បុព្វបុរស ឆ្លងតាមរយៈផ្ទាំងសិលាចារិក ដែលត្រូវបានរក្សាទុកនៅគង់វង្សតពីជំនាន់មួយទៅជំនាន់មួយ។
វ៉ាន់ម៉ីវ ត្រូវបានកសាងចាប់ពីឆ្នាំ១០៧០ គឺជាឆ្នាំដែលបុព្វបុរសទីពីរជំនាន់លីថាញតុង - មហាក្សត្រមួយអង្គប្រកបដោយទសពិធរាជធម៌ និងសង្វាតរៀនសូត្រ។ នេះត្រូវបានចាត់ទុកជាសាកលវិទ្យាល័យដំបូងបង្អស់របស់វៀតណាម ជាកន្លែងបណ្តុះបណ្តាលបញ្ញវន្តរាប់ពាន់នាក់សម្រាប់ប្រទេសជាតិ។ សព្វថ្ងៃនេះ វ៉ាន់ម៉ីវ - ក្វឹកតឺយ៉ាម មិនត្រឹមតែជាទីតាំងសម្រាប់ទស្សនាកម្សាន្តរបស់ភ្ញៀវទេសចររាប់លាននាក់ក្នុងនិងក្រៅប្រទេសប៉ុណ្ណោះទេ ថែមទាំងជាតំបន់ជូនរង្វាន់ ប្រកាសស្នាដៃរបស់សិស្សឆ្នើម និងជាតំបន់រៀបចំរាត្រីកំណាព្យខែមករា រៀងរាល់ឆ្នាំទៀតផង។ល។
ដោយមានអត្ថន័យជាប្រវត្តិសាស្រ្តបញ្ជីឈ្មោះ ប្រឡងជាប់ពាន់ឆ្នាំ ម្ល៉ោះហើយបេក្ខជនទាំងឡាយ តែងមក “បន់ស្រន់” មុនសម័យប្រឡងសំខាន់ៗ។ បងយឿងវ៉ាន់ថឹម នៅខណ្ឌប៊ិញធ្វី ក្រុងកឹងធើ ឱ្យដឹង៖ “មុនពេលប្រឡងមហាវិទ្យាល័យ ខ្ញុំនាំកូនប្រុសទៅទេសចរនៅហាណូយ ឆៀងចូលទស្សនាកម្សាន្តវ៉ាន់ម៉ីវ - ក្វឹកតឺយ៉ាម ដើម្បីជាការជំរុញលើកទឹកចិត្តកូន ឱ្យមានភាពជឿជាក់លើខ្លួនឯងក្នុងការប្រឡង។ សព្វថ្ងៃ កូនប្រុសខ្ញុំគឺជាវេជ្ជបណ្ឌិតឯកទេសកម្រិត I ”៕
ហាថាញ- លីសៀ