ទោះបីមានអាយុជិត ៨០ ឆ្នាំក៏ដោយ ប៉ុន្តែលោកអ៊ំចៅគូរ នៅអនុសង្កាត់ស្វឹងភូ សង្កាត់ទិញបៀង ទីរួមខេត្តទិញបៀង ខេត្តអាងយ៉ាង តែងឈានមុខរាល់សកម្មភាពចលនា។ ពិសេស គឺការងារមនុស្សធម៌ស្ម័គ្រចិត្ត សុខុមាលភាពសង្គមនិងអស់ពីចិត្តគិតគូរដល់ជនរួមជាតិខ្មែរនៅតំបន់ព្រំដែន លោកអ៊ំនៅទាំងជាសមាជិកសកម្មចូលរួមជាមួយកម្មាភិបាល យុទ្ធជនប៉ុស្តិ៍ការពារព្រំដែនច្រកទ្វារអន្តរជាតិទិញបៀង កងទ័ពការពារព្រំដែនអាងយ៉ាង ក្នុងការការពារខ្សែបន្ទាត់និងបង្គោលព្រំដែនអន្តរជាតិទៀតផង។
!["ដើមឈើធំ" ផ្តល់ម្លប់ត្រជាក់ដល់សង្គម](https://baocantho.com.vn/image/fckeditor/upload/2024/20240702/images/khmer/43.jpg)
លោកអ៊ំចៅគូរ និងកម្មាភិបាលប៉ុស្តិ៍ការពារព្រំដែនច្រកទ្វារអន្តរជាតិទិញបៀង ដោះដូរអំពីខ្លឹមសារ វិធីសាស្រ្តផ្សព្វផ្សាយដល់ជនរួមជាតិខ្មែរក្នុងកិច្ចប្រជុំប្រជាជននៅវត្តថ្មី សង្កាត់ទិញបៀង ទីរួមខេត្តទិញបៀង។
ជាសមាជិកគណៈកម្មាធិការរណសិរ្សមាតុភូមិវៀតណាមសង្កាត់ទិញបៀង និងទីរួមខេត្តទិញបៀង ទន្ទឹមនឹងនោះ ក៏ជាសមាជិកស្នូលនៃគណៈអាចារ្យវត្តគិរីសុខុមថ្មី នៅសង្កាត់ទិញបៀង ទីរួមខេត្តទិញបៀង លោកអ៊ំចៅគូរ តែងបានសហគមន៍ជនរួមជាតិខ្មែរនៅទីនេះគោរពរាប់អាននិងជឿទុកចិត្ត។ ជាមួយនឹងតួនាទីរបស់ខ្លួន លោកអ៊ំតែងសហការជាមួយ គណៈ ផ្នែក អង្គការមហាជននៅភូមិភាគនិងកម្លាំងសមត្ថកិច្ច ធ្វើការឃោសនា ចលនាប្រជាជនអនុវត្តល្អនូវគោលមាគ៌ា គោលកាណ៍របស់បក្ស គោលនយោបាយ ច្បាប់របស់រដ្ឋនិងឯកសារច្បាប់អំពីព្រំដែនជាតិ។ ក្រៅពីនោះ លោកអ៊ំនៅទាំងចលនាជនរួមជាតិខ្មែរ កុំជឿតាមពាក្យឃោសនាមួល បង្កាច់របស់ជនទុច្ចរិត បំបែកបំបាក់សាមគ្គីផ្ទៃក្នុង និងគោរពយ៉ាងម៉ឺងម៉ាត់ពេលឆ្លងដែន មិនទៅប្រទេសជាមិត្តកម្ពុជារកស៊ីខុសច្បាប់និងមិនឆ្លងដែនខុសច្បាប់។ល។ ផ្តើមពីនោះ ប្រជាជនស្ងប់អារម្មណ៍ពលកម្មផលិត សកម្មចូលរួមជាមួយកងទ័ពការពារព្រំដែន គ្រប់គ្រងនិងការពារអធិបតេយ្យភាពទឹកដី សន្តិសុខព្រំដែនជាតិ។
អាស្រ័យសកម្មភាពយ៉ាងសកម្មរបស់លោកអ៊ំចៅគូរ និងគណៈ ផ្នែក អង្គការមហាជននៅភូមិភាគ កម្លាំងសមត្ថកិច្ចបានចលនា ប្រមូលផ្តុំប្រជាជនជាច្រើន សកម្មចូលរួមទម្រង់ចលនាដែលភូមិភាគ គណៈកម្មាធិការរណសិរ្សមាតុភូមិវៀតណាមនិងអង្គការមហាជនបំផុស។ វរសេនីយ៍ត្រី ង្វៀងវ៉ាន់ផាកអាញ ស្នងការនយោបាយប៉ុស្តិ៍ការពារព្រំដែនច្រកទ្វារអន្តរជាតិទិញបៀង ឱ្យដឹង៖ “ពេលប្រជុំប្រជាជនឬបុណ្យទានផ្សេងៗរបស់ជនរួមជាតិខ្មែរម្តងៗ លោកអ៊ំ តែងអញ្ជើញកម្មាភិបាលក្នុងអង្គភាពចូលរួមសហការឃោសនា ផ្តើមពីនោះ បង្កបានភាពស្និទ្ធស្នាលរវាងសហគមន៍ជនរួមជាតិខ្មែរ និងកម្មាភិបាល យុទ្ធជនរបស់អង្គភាព លើកកម្ពស់ប្រសិទ្ធភាពនៃការឃោសនា”។
ជាមួយនឹងការចូលរួមយ៉ាងសកម្ម លោកអ៊ំ ចៅគូរ បានទទួលប័ណ្ណសរសើរ លិខិតសរសើរ ចំនួន១០ របស់គណៈកម្មាធិការប្រជាជនខេត្តអាងយ៉ាង បញ្ជាការដ្ឋានកងទ័ពការពារព្រំដែនខេត្តអាងយ៉ាង និងគណៈកម្មាធិការប្រជាជនទីរួមខេត្តទិញបៀង អំពីចលនា “កសិករផលិតនិងធ្វើអាជីវកម្មពូកែ”, “ទូទាំងប្រជាជនការពារសន្តិសុខមាតុភូមិ”, “ទូទាំងប្រជាជនចូលរួមការពារអធិបតេយ្យភាពទឹកដី សន្តិសុខព្រំដែនជាតិក្នុងស្ថានភាពថ្មី”។ ថ្មីៗនេះ លោកអ៊ំចៅគូរ មានកិត្តិយសបានគណៈកម្មាធិការប្រជាជនទីរួមខេត្តទិញបៀង ជ្រើសជាអ្នកមានប្រជាប្រិយនៅតំបន់ព្រំដែន ដើម្បីផ្តល់កិត្តិយសក្នុងកម្មវិធី “ទីបង្អែកភូមិស្រុក” លើកទី២ ក្នុងឆ្នាំ២០២៤៕
យោង៖ កាសែតបៀងផុង - វិមាន