ព្រឹត្តិការណ៍ - នយោបាយ ព្រឹត្តិការណ៍

24/06/2024 - 16:57

ប្រគេនសៀវភៅពុម្ពភាសាខ្មែរជាង ៣.០០០ ក្បាលដល់វត្តខ្មែរ

គណៈជនជាតិខេត្តគៀងយ៉ាង ទើបរៀបចំពិធីប្រគេនសៀវភៅពុម្ពភាសាខ្មែរជាង ៣.០០០ ក្បាលដល់វត្តខ្មែរនៅលើភូមិសាស្ត្រខេត្តគៀងយ៉ាង។ សរុបថវិកាជាវសៀវភៅជិត ៥៤ លានដុង។

លោក យ័ញឡាំ ប្រគេនផ្លាកនិមិត្តរូបឧបត្ថម្ភសៀវភៅពុម្ពភាសាខ្មែរដល់សមាគមព្រះសង្ឃសាមគ្គីស្នេហាជាតិខេត្តគៀងយ៉ាង។

លោក យ័ញឡាំ អនុប្រធានគណៈជនជាតិខេត្តគៀងយ៉ាង ឱ្យដឹង៖ ឆ្នាំ២០២៣ គណៈជនជាតិខេត្ត បានសហការជាមួយមន្ទីរអប់រំ និងបណ្តុះបណ្តាលខេត្តគៀងយ៉ាង ធ្វើសេនាធិការជូនគណៈកម្មាធិការប្រជាជនខេត្តគៀងយ៉ាង ផ្ដល់សច្ចានុមតិផែនការឧបត្ថម្ភការរៀបចំបង្រៀនអក្សរខ្មែរក្នុងរដូវវិស្សមកាលលើភូមិសាស្ត្រខេត្ត។ ទូទាំងខេត្តមានថ្នាក់បង្រៀនអក្សរខ្មែរ ១៨៧ បន្ទប់ ដោយមានសិស្សានុសិស្ស និងព្រះសង្ឃជាង ៤.៦០០ អង្គ/នាក់ បានចុះឈ្មោះចូលរៀន។ ទន្ទឹមនឹងនោះ ខេត្តបានជំនួយថវិកាជាង ៣៣០ លានដុង សម្រាប់គ្រូបង្រៀនអក្សរខ្មែរផងដែរ។

ការជំនួយថវិកាជាវសៀវភៅពុម្ពភាសាខ្មែរ និងជំនួយគ្រូបង្រៀនអក្សរខ្មែរ សំដៅអនុវត្តបទបញ្ជាលេខ ១៩-CT/TW ចុះថ្ងៃទី ១០ ខែមករា ឆ្នាំ ២០១៨ របស់គណៈលេខាស្តីពីការពង្រឹងការងារនៅតំបន់ជនរួមជាតិខ្មែរក្នុងស្ថានភាពថ្មី; រាល់ឯកសារនិងផែនការរបស់គណៈកម្មាធិការបក្សខេត្ត និងគណៈកម្មាធិការប្រជាជនខេត្តគៀងយ៉ាង។

ឆ្នាំ ២០២៤ គណៈជនជាតិខេត្តគៀងយ៉ាងនឹងបន្តធ្វើសេនាធិការជូនគណៈកម្មាធិការប្រជាជនខេត្តគៀងយ៉ាង ផ្តល់សច្ចានុមតិផែនការឧបត្ថម្ភការរៀបចំបង្រៀនអក្សរសាស្ត្រខ្មែររដូវវិស្សមកាលនៅលើភូមិសាស្ត្រខេត្ត គិតជាថវិកា សរុប៤៧៥លានដុង៕

ប្រភពៈ កាសែតគៀងយ៉ាង-មេងលី

ចែករំលែកអត្ថបទ

ពាក្យគន្លឹះ