សន្តិសុខ - ការពារប្រទេស ការពារប្រទេស

17/06/2024 - 17:15

ជំរុញការផ្សព្វផ្សាយបង្ការទប់ស្កាត់នេសាទ IUU

បញ្ជាការដ្ឋានកងទ័ពការពារព្រំដែនខេត្តសុកត្រាំង ជំរុញការផ្សព្វផ្សាយអំពីការទប់ស្កាត់ ការទាញយកផលសមុទ្រខុសច្បាប់ មិនរាយការណ៍ មិនត្រូវតាមការកំណត់ (IUU) ដល់អ្នកនេសាទម្ចាស់កប៉ាល់នេសាទលើផ្ទៃសមុទ្រ ព្រួតដៃដើម្បីដក "កាតលឿង" របស់គណៈកម្មការអឺរ៉ុប (EC)។

កម្មាភិបាលយុទ្ធជនការពារព្រំដែន ផ្សព្វផ្សាយពីបទប្បញ្ញត្តិនៃការនេសាទនៅ
សមុទ្រដល់សមាជិកនាវិក។

បញ្ជាការដ្ឋានកងទ័ពការពារព្រំដែនខេត្តសុកត្រាំង បានសហការជាមួយផ្នែកសមត្ថកិច្ចពាក់ព័ន្ធ រៀបចំកិច្ចប្រជុំជាច្រើនលើក ផ្សព្វផ្សាយពីការកំណត់របស់គណៈកម្មការអឺរ៉ុប EC អំពីការទាញយកផលសមុទ្រ។ ក្នុងនោះ ផ្តោតលើផលប៉ះពាល់និងការជះឥទ្ធិពលនៃការដាក់ទណ្ឌកម្មរបស់ IUU គណៈកម្មការអឺរ៉ុប EC សម្រាប់ការនាំចេញជលផលរបស់វៀតណាម បទបញ្ជាលេខ ៤៥/CT-TTg ចុះថ្ងៃទី ១៣ ខែឆ្នូ ឆ្នាំ២០១៧ របស់នាយករដ្ឋមន្ត្រីនៃរដ្ឋាភិបាល ស្ដីពីភារកិច្ចនិងដំណោះស្រាយបន្ទាន់មួយចំនួន ដើម្បីអ្នកនេសាទមិនប្រព្រឹត្តល្មើសការព្រមានរបស់គណៈកម្មការអឺរ៉ុប EC អំពីការនេសាទ IUU និងបែបបទចុះឈ្មោះចេញចូលកំពង់ផែរបស់កប៉ាល់នេសាទ មានលើប្រព័ន្ធគ្រប់គ្រងកប៉ាល់នេសាទ។ល។ ទន្ទឹមនឹងនោះ ត្រូវបង្កើនការល្បាតនិងពិនិត្យសញ្ញាឧបករណ៍ត្រួតពិនិត្យកប៉ាល់នេសាទលើប្រព័ន្ធរបស់ដំណាក់ត្រួតពិនិត្យការពារព្រំដែន ដើម្បីដោះស្រាយបានទាន់ពេល។

ក្រៅពីនោះ កងទ័ពការពារព្រំដែននៅទាំងសហការជាមួយតុលាការប្រជាជនខេត្តសុកត្រាំង បើកសវនាការបាន២លើក នៅស្រុកត្រឹងដេនិងទីរួមខេត្តវិញចូវ ធ្វើការកាត់ទោសជាឧបមាពីបទល្មើសទប់ស្កាត់ការនេសាទ IUU និងបទល្មើស “បំផ្លាញប្រភពធនធានជលផល” បទល្មើស “បំពានបទប្បញ្ញត្តិស្តីពីការការពារសត្វរងការផុតពូជនិងសត្វកម្រ” យោងតាមការកំណត់ត្រង់ប្រការ ១ មាត្រា២៤២ និងត្រង់ប្រការ១មាត្រា២៤៤ នៃក្រមព្រហ្មទណ្ឌ។ ឆ្លងតាមរយៈនោះ សំដៅជួយឱ្យប្រជាជនយល់ច្បាស់ពីបទប្បញ្ញត្តិនៃក្រមព្រហ្មទណ្ឌ មានការគោរពច្បាប់ពេលចេញនេសាទនៅសមុទ្រ ព្រួតដៃដើម្បីដក “កាតលឿង” របស់គណៈកម្មការអឺរ៉ុប (EC) សម្រាប់ជលផលវៀតណាម។ ម្ចាស់កប៉ាល់នេសាទ ហាវ៉ាន់ថាញ់ ឱ្យដឹង៖ “បន្ទាប់ពីបានចូលរួមសវនាការកាត់ទោសជាឧបមា ខ្ញុំកាន់តែយល់ច្បាស់ពីបទប្បញ្ញត្តិនៃការនេសាទនៅសមុទ្រ។ ក្នុងនាមជាម្ចាស់កប៉ាល់នេសាទ ខ្ញុំត្រូវតែគោរពតាមច្បាប់ ភ្ជាប់ប្រព័ន្ធត្រួតពិនិត្យ បំពេញបែបបទចេញចូលកំពង់ផែ និងទៅនេសាទត្រឹមត្រូវតាមការកំណត់នៃតំបន់សមុទ្រវៀតណាម ព្រួតដៃជាមួយរដ្ឋាភិបាល ដើម្បីដក “កាតលឿង” ។ កម្មាភិបាល យុទ្ធជនការពារព្រំដែនក៏បានត្រួតពិនិត្យជាប្រចាំ សហការចែកជូនឯកសារ ខិត្តប័ណ្ណផ្សព្វផ្សាយនិងណែនាំដល់សមាជិកនាវិកលើកប៉ាល់។ បច្ចុប្បន្ន ខ្ញុំយល់ច្បាស់ពីបទប្បញ្ញត្តិនៃការនេសាទនិងការការពារប្រភពធនធានជលផល ក៏ដូចជាតំបន់ហាមឃាត់ នេសាទជលផល…”។

លោកវរសេនីយ៍ឯក ង្វៀងត្រេវមេន ស្នងការនយោបាយកងទ័ពការពារព្រំដែនខេត្តសុកត្រាំង ឱ្យដឹង៖ “នៅពេលខាងមុខ ទន្ទឹមនឹងជំរុញការផ្សព្វផ្សាយ អង្គភាពក៏បានចលនាអ្នកនេសាទរក្សាក្រុមទូកកប៉ាល់សុវត្ថិភាពលើផ្ទៃសមុទ្រ រៀបចំឱ្យម្ចាស់កប៉ាល់នេសាទឆ្ងាយច្រាំង ចុះកិច្ចសន្យា មិនបំពានដែនសមុទ្រប្រទេសក្រៅ អនុវត្តយ៉ាងម៉ឺងម៉ាត់តាមបទប្បញ្ញត្តិពេលចេញពីកំពង់ផែ មានដូច៖ ត្រូវមានលិខិតស្នាមគ្រប់សព្វ មានផែនទីសមុទ្រ ដើម្បីបម្រើការកំណត់ព្រំដែនសមុទ្រ កាត់បន្ថយស្ថានភាពកប៉ាល់នេសាទបំពានពាក់ព័ន្ធនឹង IUU គោរពតាមច្បាប់វៀតណាម និងច្បាប់ប្រទេសផ្សេងៗ”៕

លីធាន-មុនី

ចែករំលែកអត្ថបទ

ពាក្យគន្លឹះ