សន្តិសុខ - ការពារប្រទេស ការពារប្រទេស

20/05/2024 - 15:30

បង្កើនប្រសិទ្ធភាពការងារធានាសុវត្ថិភាពក្នុងការបង្ការនិងពន្លត់អគ្គិភ័យ

គណៈកម្មាធិការប្រជាជនខណ្ឌនិញកេវ បានរៀបចំការប្រឡងពីជំនាញពន្លត់អគ្គិភ័យ និងជួយសង្គ្រោះដល់ក្រុមអន្តរគ្រួសារធានាសុវត្ថិភាពក្នុងការបង្ការនិងពន្លត់អគ្គិភ័យ ឆ្នាំ២០២៤។

ក្រុមនីមួយៗប្រឡងអនុវត្តជាក់ស្តែង ជួយសង្គ្រោះមនុស្ស ជញ្ជូនទ្រព្យសម្បត្តិ
និងពន្លត់អគ្គិភ័យ។

ការប្រឡងនេះមាន១១ក្រុម មកពីក្រុមអន្តរគ្រួសារធានាសុវត្ថិភាពក្នុងការបង្ការពន្លត់អគ្គិភ័យនៃសង្កាត់ទាំង១១ចូលរួម។ ខ្លឹមសារប្រឡងមាន២ផ្នែក៖ ទ្រឹស្តី និងអនុវត្តន៍។ ក្នុងផ្នែកទ្រឹស្តី ក្រុមនីមួយៗឆ្លើយសំណួរពីចំណេះដឹងក្នុងការបង្ការពន្លត់អគ្គិភ័យនិងជួយសង្គ្រោះ។ ផ្នែកអនុវត្តជាក់ស្តែងរួមមាន ការពន្លត់អគ្គិភ័យ ជួយសង្គ្រោះមនុស្សនិងជញ្ជូនទ្រព្យសម្បត្តិចេញពីផ្ទះដែលរស់នៅគួបផ្សំនឹងការផលិតធ្វើអាជីវកម្ម។ល។ លទ្ធផល ក្រុមអន្តរគ្រួសារធានាសុវត្ថិភាពបង្ការ ពន្លត់អគ្គិភ័យនៃសង្កាត់អាងប៊ិញ ទទួលបានរង្វាន់លេខមួយ។

ការប្រឡងនេះគឺជាសកម្មភាពជាក់ស្តែង រួមចំណែកបំពាក់បំប៉នចំណេះដឹង សមត្ថភាពនិងជំនាញក្នុងការដោះស្រាយស្ថានការណ៍អគ្គិភ័យ ជួយសង្គ្រោះមនុស្សនិងទ្រព្យសម្បត្តិរបស់បណ្តាសមាជិកគ្រួសារទាំងឡាយនៃក្រុមអន្តរគ្រួសារធានាសុវត្ថិភាពបង្ការ ពន្លត់អគ្គិភ័យ ក៏ដូចជាពង្រីកប្រសិទ្ធភាពទិសស្លោក “បួននៅនឹងកន្លែង” (បញ្ជាការនៅនឹងកន្លែង កងកម្លាំងនៅនឹងកន្លែង យានជំនិះនៅនឹងកន្លែង និងគ្រឿងសម្ភារៈព័ស្តុភារនៅនឹងកន្លែង) ក្នុងការដោះស្រាយស្ថានការណ៍អគ្គិភ័យកើតមានឡើងនៅតំបន់ប្រជាជនតាំងទីលំនៅ៕

កេវចិញ - បកប្រែ៖ សុផន

ចែករំលែកអត្ថបទ

ពាក្យគន្លឹះ