វប្បធម៌-សិល្បៈ វប្បធម៌

13/05/2024 - 15:52

បុណ្យបញ្ចុះខណ្ឌសីមាវត្តទួលតាថុក និងឆ្លងឧបដ្ឋានសាលាវត្តតាសឹក

ព្រះសង្ឃនិងពុទ្ធបរិស័ទវត្តទួលតាថុក ឃុំង៉ាយស្វៀង ស្រុកថ្កូវ ខេត្តត្រាវិញ បានរៀបចំពិធីបុណ្យបញ្ចុះខណ្ឌសីមានិងសម្ពោធព្រះវិហារ។

ព្រះវិហារវត្តទួលតាថុក។

វត្តទួលតាថុក ត្រូវបានកសាងឡើងនៅឆ្នាំ ១៩៧៣ ពេលវេលាកន្លងផុតទៅព្រះវិហារក៏ចាស់ទ្រុឌទ្រោម។ ដើម្បីឆ្លើយតបតម្រូវការសិក្សារៀនសូត្រ ធម៌អាថ៌វិន័យរបស់ព្រះសង្ឃនិងធ្វើបុណ្យសុន្ទរ៍ទានរបស់ពុទ្ធបរិស័ទ ព្រះសង្ឃបានឯកភាពដំណើរការសាងសង់ព្រះវិហារឡើងវិញ គិតជាតម្លៃថវិកាសរុបជាង ៥ ពាន់លានដុង អាស្រ័យដោយព្រះសង្ឃនិងពុទ្ធបរិស័ទជិតឆ្ងាយ ដែលមានសទ្ធាជ្រះថ្លារួមវិភាគទានជាទឹកប្រាក់និងគ្រឿងទព្វសម្ភារៈ។

* ចំណែកវត្តតាសឹក នៅភូមិផ្សារ ឃុំឡុងហ៊ីប ស្រុកថ្កូវ ក៏បានរៀបចំពិធីសម្ពោធឧបដ្ឋានសាលាដែលទើបសាងសង់សម្រេចជាស្ថាពរ។ ឧបដ្ឋានសាលាសរុបថវិកាសាងសង់ជាង ៣ ពាន់លានដុង អាស្រ័យដោយពុទ្ធបរិស័ទ ចំណុះជើងវត្ត និងសប្បុរសជនក្នុងនិងក្រៅខេត្តរួមវិភាគទាន៕

យោង៖ កាសែតយ៉ាកង៉ោ - ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ