គោលនយោបាយ -ការរស់នៅ គោលនយោបាយ

26/02/2024 - 16:45

ឥណទានគោលនយោបាយ- "ជាគំនាស់" សម្រាប់គ្រួសារក្រីក្រនៅគៀងយ៉ាង

រយៈពេលកន្លង សាខាធនាគារគោលនយោបាយសង្គមខេត្តគៀងយ៉ាង បន្តសហការជាមួយរដ្ឋអំណាចមូលដ្ឋាន សមាគមអង្គការមហាជន ដើម្បីធ្វើការផ្សព្វផ្សាយនូវកម្មវិធីឥណទានគោលនយោបាយដល់គ្រួសារក្រីក្រ និងមុខសញ្ញាគោលនយោបាយ រួមចំណែកជួយប្រជាជនចាកផុតពីភាពក្រីក្រ ឈានឡើងអភិវឌ្ឍន៍សេដ្ឋកិច្ច។

ប្រភពទុនគោលនយោបាយ បានជួយគ្រួសារក្រីក្រជាច្រើននៅខេត្តគៀងយ៉ាង
ឈានឡើងក្នុងជីវភាព។

នៅភូមិ៦ ឃុំវិញហ្វាហឹងណាម ស្រុកហ្គក្វាវ មានប្រជាជនរស់នៅ៣៦០គ្រួសារ ក្នុងនោះ ជនរួមជាតិខ្មែរស្រូបអត្រា៧៨%។ អាស្រ័យប្រភពទុនឥណទានអនុគ្រោះរបស់ធនាគារគោលនយោបាយសង្គម មានប្រជាជនជាច្រើនបានចាកផុតពីភាពក្រីក្រដោយចីរភាព លំនឹងសេដ្ឋកិច្ច តួយ៉ាងដូចគ្រួសារបង ស្រីយ័ញធីប៊ិចង៉ុក។ ពីមុន គ្រួសារបងស្រីជាគ្រួសារក្រីក្ររបស់ភូមិ រស់នៅក្នុងខ្ទមស្លឹក។ អាស្រ័យសាខាសមាគមនារីភូមិ៦ឱ្យបុលទុនអាទិភាព៥០លានដុង ដើម្បីសង់ទ្រុងចិញ្ចឹមជ្រូកមេ និងស្តារឡើងវិញរបរត្បាញកក់ប្រពៃណី ទើបគ្រួសារបងស្រីមានជីវភាពល្អប្រសើរ ហើយសងបំណុលធនាគារគោលនយោបាយសង្គមរួចរាល់។

គ្រួសារបងស្រីហ្វិញធីឡាងជី នៅភូមិដឿងហ្គូឡូ ឃុំឡុងថាញ់ ជាគ្រួសារដំបូងនៅស្រុកយ៉ុងរៀង បានប្រើប្រាស់ទុនគោលនយោបាយសម្រាប់អ្នកអនុវត្តរួចរាល់ទោសជាប់ពន្ធនាគារ ដើម្បីបើកហាងលក់គ្រឿងសារពើភ័ណ្ឌនិងចំណីសត្វ បច្ចុប្បន្ន ជីវភាពគ្រួសារបងស្រីបានលំនឹង។ បងស្រីឡាងជី ឱ្យដឹង៖ “អាស្រ័យគោលនយោបាយថ្មីរបស់នាយករដ្ឋមន្ត្រី អនុញ្ញាតឱ្យអ្នកអនុវត្តរួចរាល់ទោសជាប់ពន្ធនាគារបានបុលទុនអាទិភាព ដើម្បីងាយស្រួលបង្កបង្កើនផលនិងធ្វើអាជីវកម្ម។ បច្ចុប្បន្ន ជីវភាពគ្រួសារខ្ញុំវិលមកដូចដើម ហើយខ្ញុំលែងតូចចិត្តនិងដើរខុសផ្លូវដូចមុនទៀត”។

លោកដងកុងទៀក នាយកធនាគារគោលនយោបាយសង្គមគៀងយ៉ាង ឱ្យដឹង៖ បច្ចុប្បន្ន នៅលើភូមិសាស្រ្តខេត្តកំពុងផ្សព្វផ្សាយអនុវត្តកម្មវិធីឥណទានគោលនយោបាយចំនួន២១ ដោយប្រាក់បំណុលឱ្យបុលសរុប៥.៨៧៣ពាន់លានដុង កើន១.០៨៩ពាន់លានដុង បើធៀបនឹងដើមឆ្នាំ២០២៣។ លំហូរនៃដើមទុនគោលនយោបាយបានចុះទៅដល់ស្ទើរគ្រប់ឃុំ សង្កាត់ ទីប្រជុំជនរបស់ស្រុក ទីរួមខេត្ត ក្រុងចំណុះខេត្តចំនួន១៥ ក្នុងនោះ អាទិភាពវិនិយោគ ផ្តោតលើតំបន់ជ្រៅ តំបន់លំបាក តំបន់ព្រំដែន តំបន់សមុទ្រ កោះ និងតំបន់ជនជាតិភាគតិច តំបន់ភ្នំ។

រយៈពេល២១ឆ្នាំកន្លង ប្រភពទុនគោលនយោបាយឧបត្ថម្ភដល់គ្រួសារក្រីក្រ និងមុខសញ្ញាគោលនយោបាយយ៉ាងមានប្រសិទ្ធភាព។ ជាក់ស្តែង ប្រភពទុននេះបានជួយដល់គ្រួសារក្រីក្រ គ្រួសារប្រកៀកបន្ទាត់ក្រ គ្រួសារដែលទើបចាកផុតពីភាពក្រីក្រ និងមុខសញ្ញាគោលនយោបាយផ្សេងទៀតជាង៤៦ពាន់គ្រួសារ បានបុលទុនដើម្បីអភិវឌ្ឍសេដ្ឋកិច្ច ដោះស្រាយការងារធ្វើជូនពលករជាង១១ពាន់នាក់ ឧបត្ថម្ភដល់គ្រួសារសិស្ស និស្សិតជិត២.០០០នាក់ បានបុលទុនដើម្បីគិតគូរដល់ការសិក្សារៀនសូត្ររបស់ប្អូនៗ សាងសង់និងជួសជុលផ្ទះបាន៤០៧ខ្នងពីថវិកាគោលនយោបាយ។ អតិថិជន១៧នាក់ដែលបានអនុវត្តរួចរាល់ទោសជាប់ពន្ធនាគារ បានបុលទុនគោលនយោបាយតាមសេចក្តីសម្រេចលេខ ២២/២០២៣ របស់នាយករដ្ឋមន្ត្រី...។

ប្រភពទុនឥណទានគោលនយោបាយ បានកែលម្អនិងលើកកម្ពស់ជីវភាពរស់នៅរបស់ប្រជាជនជាបណ្តើរៗ ធ្វើឱ្យមានការផ្លាស់ប្តូរយ៉ាងខ្លាំងក្លាលើគ្រប់វិស័យនៅតំបន់លំបាក តំបន់ជនជាតិភាគតិច រួមចំណែកដ៏សំខាន់ក្នុងការកាត់បន្ថយភាពក្រីក្រ។ ឆ្នាំ២០២១ អត្រាគ្រួសារក្រីក្រនៅខេត្តគៀងយ៉ាង ថយចុះនៅ១,៦៩%។ ទិសដៅដល់ឆ្នាំ២០២៥ គៀងយ៉ាងខិតខំកាត់បន្ថយគ្រួសារក្រីក្រ០,២%ជារៀងរាល់ឆ្នាំ។ ដោយឡែកតំបន់ជនជាតិភាគតិច កាត់បន្ថយភាពក្រីក្រជារៀងរាល់ឆ្នាំពី១- ១,៥% និងកាត់បន្ថយ៦០%ចំនួនឃុំលំបាកពិសេស ៕

ប្រភពកាសែតគៀងយ៉ាង- ប្រែសម្រួល៖ ទីទុយ

ចែករំលែកអត្ថបទ

ពាក្យគន្លឹះ