ព្រឹត្តិការណ៍ - នយោបាយ ព្រឹត្តិការណ៍

26/02/2024 - 16:45

ក្រុងកឹងធើមានប្រជាពលរដ្ឋ ២.០៣៨ នាក់ចូលបម្រើកងទ័ព នៅតាមអង្គភាពចំណុះក្រសួងការពារជាតិនិងក្រសួងនគរបាល

ឆ្នាំ២០២៤ ក្រុងកឹងធើ មានប្រជាពលរដ្ឋ ២.០៣៨ នាក់ចូលបម្រើកងទ័ពនៅតាមអង្គភាពចំណុះក្រសួងការពារជាតិនិងក្រសួងនគរបាល។

សមមិត្ត ង្វៀងវ៉ាន់ហីវ លេខាគណៈកម្មាធិការបក្សក្រុង និងសមមិត្តក្នុងថ្នាក់ដឹកនាំនៃ
គណៈកម្មាធិការប្រជាជនក្រុង បញ្ជាការដ្ឋានយោធាក្រុង និងស្រុកថើយឡាយ
អញ្ជើញទៅសួរសុខទុក្ខនិងជូនអំណោយដល់គ្រួសារយុវជន ម៉ាយហ្វិញក្វឹកអាញ
នៅភូមិថើយភឿក A ឃុំថើយតឹង។

ដើម្បីបម្រុងបានល្អសម្រាប់ទិវាជួបជុំចូលបម្រើកងទ័ពឆ្នាំ ២០២៤ ថ្នាក់ដឹកនាំក្រុងបានអញ្ជើញទៅត្រួតពិនិត្យការងារជ្រើសរើស និងកោះហៅពលរដ្ឋចូលបម្រើកងទ័ពឆ្នាំ ២០២៤ នៅតាមខណ្ឌ ស្រុកនានា។ នៅស្រុកថើយឡាយ សមមិត្ត ង្វៀងវ៉ាន់ហីវ សមាជិកបម្រុងនៃគណៈប្រតិបត្តិការមជ្ឈិមបក្ស លេខាគណៈកម្មាធិការបក្សក្រុង បានវាយតម្លៃខ្ពស់ចំពោះការត្រៀមបម្រុងរបស់ក្រុមប្រឹក្សាកាតព្វកិច្ចយោធាស្រុកថើយឡាយក្នុងពេលកន្លង; ទន្ទឹមនឹងនោះ សំណូមពរក្រុមប្រឹក្សាកាតព្វកិច្ចយោធាស្រុក បន្តចង្អុលការបង្កើនការផ្សព្វផ្សាយច្បាប់ ស្តីពីកាតព្វកិច្ចយោធា និងពិធីប្រគល់ទទួលកងទ័ពតាមប្រព័ន្ធមធ្យោបាយព័ត៌មានមហាជន; អនុវត្តល្អការងារគោលនយោបាយសមរភូមិក្រោយរបស់កងទ័ព ចំពោះប្រជាពលរដ្ឋ ដែលចូលបម្រើកងទ័ព; ក្តាប់ច្បាស់ស្ថានភាពពលរដ្ឋដែលទទួលបញ្ជាកោះហៅចូលបម្រើកងទ័ព ដើម្បីលើកទឹកចិត្តនិងឧបត្ថម្ភបានទាន់ពេល; ធានាល្អគ្រប់វិស័យដល់ការបោះជំរំ ចូលបម្រើកងទ័ព និងពិធីប្រគល់ ទទួលកងទ័ពឆ្នាំ ២០២៤ ជាដើម។

សមមិត្ត ផាមវ៉ាន់ហេវ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុងកឹងធើ បានដឹកនាំគណៈប្រតិភូ ទៅត្រួតពិនិត្យការជ្រើសរើសកងទ័ពឆ្នាំ ២០២៤ នៅខណ្ឌនិញកេវ។ តាមក្រុមប្រឹក្សាកាតព្វកិច្ច យោធាខណ្ឌនិញកេវ ឆ្នាំ២០២៤ ខណ្ឌបានជ្រើសរើសនិងកោះហៅពលរដ្ឋ ២៣៥ នាក់ ចូលបម្រើកងទ័ពក្នុងអង្គភាពនានាចំណុះក្រសួងការពារជាតិនិងក្រសួងនគរបាល។ ក្រុមប្រឹក្សាកាតព្វកិច្ចយោធាខណ្ឌ បានចង្អុលការក្រុមប្រឹក្សាកាតព្វកិច្ចយោធាសង្កាត់ទាំង ១១ យកចិត្តទុកដាក់គិតគូរដល់យុវជន និងគ្រួសារមានយុវជនជាប់ជម្រើសកាតព្វកិច្ចយោធាក្នុងឱកាសបុណ្យចូលឆ្នាំថ្មីវៀតណាម; ទន្ទឹមនឹងនោះ សួរសុខទុក្ខ និងស្វែងយល់ពីគោលបំណងរបស់យុវជនជាដើម៕

កាសែតកឹងធើ-វិមាន

ចែករំលែកអត្ថបទ

ពាក្យគន្លឹះ