គោលនយោបាយ -ការរស់នៅ គោលនយោបាយ

22/01/2024 - 16:02

ប្រសិទ្ធភាពពីប្រភពទុនឥណទានគោលនយោបាយនៅវិញឡុង

ខេត្តវិញឡុង បានផ្សព្វផ្សាយកម្មវិធីគោលនយោបាយឱ្យបុលសម្រាប់បុគ្គល គ្រួសារផលិតកម្ម ធ្វើអាជីវកម្មដែលរងផលប៉ះពាល់ដោយសារជំងឺ COVID-១៩ លើភូមិសាស្ត្រខេត្ត។ នេះក៏ជាកម្មវិធីដ៏សំខាន់ ដើម្បីស្តារឡើងវិញសេដ្ឋកិច្ចនៅភូមិភាគ។ មកទល់ពេលនេះ កម្មវិធីទទួលបានលទ្ធផលជាវិជ្ជមាន។

បងស្រីថាច់ធីហ៊ុងហាញ់ នៅភូមិយឿ ឃុំឡងមី ស្រុកតាមប៊ិញ
កំពុងថែទាំសត្វពពែរបស់គ្រួសារ។

បងស្រីថាច់ធីហ៊ុងហាញ់ នៅភូមិយឿ ឃុំឡងមី ស្រុកតាមប៊ិញ ពីមុនគ្រួសារគាត់ស្ថិតក្នុងក្របខណ្ឌគ្រួសារក្រីក្រ។ ជំងឺ COVID-១៩ បានធ្វើឱ្យជីវភាពគ្រួសារគាត់កាន់តែលំបាកមួយកម្រិតទៀត។ ពិនិត្យឃើញស្ថានភាពដ៏លំបាកនេះ ធនាគារគោលនយោបាយសង្គមខេត្តវិញឡុង បានឱ្យគាត់បុលប្រាក់១០០លានដុង។ ព្រមទាំងចាត់កម្មាភិបាល ធនាគារទៅដល់ផ្ទះ ណែនាំប្រើប្រាស់ទុនឱ្យចំគោលដៅ។ ពេលមានដើមទុន គាត់វិនិយោគចិញ្ចឹមទា ដាំបន្លែនិងចិញ្ចឹមពពែ។ មកដល់ពេលនេះ ជាមូលដ្ឋានគ្រួសារគាត់មានជីវភាពលំនឹង។ បងស្រីហាញ់ រំលឹកឡើងវិញ៖ “ពីរនាក់ប្តីប្រពន្ធខ្ញុំក្រលំបាកណាស់ អាស្រ័យបានរដ្ឋឱ្យបុលទុនប្រកបរបររកស៊ី ទើបជីវភាពគ្រួសារខ្ញុំមានភាពប្រសើរជាងមុនច្រើន។ នៅពេលខាងមុខ ប្តីប្រពន្ធខ្ញុំខិតខំប្រឹងប្រែងយកចិត្តទុកដាក់ធ្វើការរកស៊ី ដើម្បីជម្នះលំបាក ឈានឡើងក្នុងជីវភាព”។

យោងតាមធនាគារគោលយោបាយសង្គមខេត្តវិញឡុង ឆ្នាំ២០២៣ ប្រភពទុនឥណទាន គោលនយោបាយបានឆ្លើយតបទៅនឹងតម្រូវការទាន់ពេលរបស់មុខសញ្ញាដែលរងផលប៉ះពាល់ក្រោយពីជំងឺរាតត្បាត ដើម្បីស្តារផលិតកម្មឡើងវិញ រំសាយទុនឱ្យប្រជាជនជាង៣១ពាន់លើកគ្រួសារបុល សរុបទឹកប្រាក់១.១៨២ ពាន់លានដុង ដើម្បីអភិវឌ្ឍផលិតកម្ម និងធ្វើអាជីវកម្ម។ ផ្តើមពីប្រភពទុននេះ បានជួយរក្សាការងារធ្វើនិងបង្កើតការងារថ្មីជូនពលករជាង១០.០០០នាក់ បង្កលក្ខណសម្បត្តិឱ្យពលករ ៣៧៥នាក់ បុលទៅពលកម្មនៅប្រទេសក្រៅតាមកិច្ចសន្យាការងារ; ជួយសិស្ស និស្សិតប្រមាណជាង១.៦០០នាក់ ដែលមានជីវភាពខ្វះខាតបុលប្រាក់សម្រាប់ការសិក្សា។ ប្រភពទុននេះ ក៏បានកសាងស្ថានីយផ្គត់ផ្គង់ទឹកស្អាតនៅជនបទប្រមាណជាង២៥ពាន់សំណង់។

លោកត្រឹងឡេថាញថាវ នាយករងធនាគារគោលនយោបាយសង្គមខេត្តវិញឡុង ឱ្យដឹង៖ បែបបទរំសាយទុនត្រូវបានអនុវត្តយ៉ាងហ្មត់ចត់ សហការជាមួយនឹងផ្នែកអង្គការមហាជននានា ពិនិត្យសម្រេចសំណុំលិខិតច្បាស់លាស់ពីថ្នាក់មូលដ្ឋាន ដើម្បីពង្រីកប្រសិទ្ធភាពទុនឥណទាន។ ភូមិភាគជាច្រើននៅទាំងចាត់បក្ខជនឱ្យទទួលគាំពារ ណែនាំគ្រួសារក្រីក្រពីរបៀបរកស៊ី ដូច្នេះ ប្រភពទុនឥណទានតែងពង្រីកបានប្រសិទ្ធភាព។

ឆ្នាំ២០២៤ ខេត្តវិញឡុង បានស្នើឱ្យផ្តុំកម្លាំងផ្សព្វផ្សាយ ពង្រីកវិសាលភាពគម្រោង ទម្រង់ កម្មវិធី របៀបធ្វើល្អៗ ឬក៏គំរូជឿនលឿនក្នុងការអនុវត្តប្រកបដោយប្រសិទ្ធភាពឥណទានគោលនយោបាយសង្គម។ បន្តការអនុវត្តគម្រោងនានាដែលកំពុងផ្សព្វផ្សាយនិងសិក្សាស្រាវជ្រាវ ធ្វើសេនាធិការជូនគណៈកម្មាធិការប្រជាជនខេត្តពីគម្រោងផ្សេងៗ សមស្របនឹងលក្ខណៈសេដ្ឋកិច្ច-សង្គម។ កំណត់ចំណាំគោលនយោបាយឱ្យបុលចំពោះអ្នកដែលអនុវត្តរួចស្រេចសាលក្រមជាប់ពន្ធនាគារ យោងតាមសេចក្តីសម្រេចលេខ ២២ ដែលនាយករដ្ឋមន្ត្រីនៃរដ្ឋាភិបាល ទើបប្រកាសជាធរមាន៕

យោង៖ VOV-ĐBSCL - មុនី

ចែករំលែកអត្ថបទ

ពាក្យគន្លឹះ