សុខភាព - អប់រំ អប់រំ

02/01/2024 - 17:17

ផ្លាស់ប្តូរឌីជីថលក្នុងវិស័យអប់រំនៅកឹងធើ

មន្ទីរអប់រំនិងបណ្តុះបណ្តាលក្រុងកឹងធើ ទើបសហការជាមួយ VNPT កឹងធើ រៀបចំពិធីបង្ហាញមុខមជ្ឈមណ្ឌលប្រតិបត្តិការអប់រំឆ្លាតវៃ (មជ្ឈមណ្ឌល)។ នេះជាមជ្ឈមណ្ឌលដំបូងបង្អស់នៅតំបន់វាលរាបទន្លេគឺវឡុង។ ប្រការនេះ បញ្ជាក់ឱ្យឃើញពីការខិតខំប្រឹងប្រែងរបស់ផ្នែកអប់រំក្រុងក្នុងការជំរុញបច្ចេកវិទ្យាឌីជីថលក្នុងសាលារៀន។

សិស្សអនុវិទ្យាល័យទីប្រជុំថើយឡាយ ស្រុកថើយឡាយ កំពុងរៀនក្នុងបន្ទប់រៀនឆ្លាតវៃ។

ឆ្លងតាមរយៈនោះ មជ្ឈមណ្ឌលផ្តល់នូវមុខងារចាំបាច់ដើម្បីជួយដល់ថ្នាក់ដឹកនាំគ្រប់លំដាប់ថ្នាក់ ប្រតិបត្តិការងារនិងចង្អុលការបានទាន់ពេល ដូចជា៖ ផ្តល់ស្ថិតិរបាយការណ៍ជួយដល់ការទាញយកទិន្នន័យធំក្នុងទូទាំងក្រុងក្នុងរយៈពេលដ៏ខ្លី; ផ្តល់ឧបករណ៍ជំនួយដល់ការធ្វើសមកាលទិន្នន័យពីប្រព័ន្ធគ្រប់គ្រងសាលារៀនទៅ ioc និងពី ioc ទៅប្រព័ន្ធមូលដ្ឋានទិន្នន័យរបស់ក្រសួងអប់រំនិងបណ្តុះបណ្តាល។ ទន្ទឹមនឹងនោះ អភិវឌ្ឍបន្ថែមនូវភាពងាយស្រួលផ្សេងទៀត ដូចជា៖ កាលបរិច្ឆេទការងារគ្រប់គ្រងព័ត៌មានប្រតិបត្តិការ ប្រព័ន្ធតាមដានផ្ទាល់តាមរយៈឧបករណ៍ចល័ត ដោយប្រើកម្មវិធី vnEdu Teacher ជួយថ្នាក់ ដឹកនាំផ្នែកអប់រំអាចតាមដាននូវតួលេខរបាយការណ៍យ៉ាងឆាប់រហ័សជាដើម។

ឆ្នាំសិក្សា២០២៣-២០២៤ ក្រុងកឹងធើ មានគ្រឹះស្ថានអប់រំចំនួន៤៦៧។ ក្នុងនោះ សាលាមត្តេយ្យចំនួន៧២ បឋមសិក្សាចំនួន១៧៧ អនុវិទ្យាល័យចំនួន៦៧ វិទ្យាល័យចំនួន៣០ សាលាចំណេះទូទៅមានច្រើនកម្រិតសិក្សាចំនួន ១១ មជ្ឈមណ្ឌលអប់រំជាប្រចាំ១ និងមណ្ឌលអប់រំវិជ្ជាជីវៈ - អប់រំជាប្រចាំចំនួន៩។ តាមស្ថិតិរបស់ផ្នែកអប់រំ បច្ចុប្បន្ន មានសិស្ស គ្រួសារសិស្សកម្រិតអនុវិទ្យាល័យ វិទ្យាល័យ មានលក្ខណៈកៀកជិតនឹងការអប់រំអនឡាញ ១០០%; សំណុំឯកសារការងារថ្នាក់មន្ទីរ និងការិយាល័យត្រូវបានដោះស្រាយដោយផ្អែកលើទិន្នន័យ និងបច្ចេកវិទ្យាឌីជីថល១០០%; បែបបទរដ្ឋបាល១០០% ត្រូវបានអនុវត្តលើសេវាសាធារណៈអនឡាញកម្រិត៣ និង៤ និងមានសំណុំឯកសារប្រមាណ៧៦,១៩% ត្រូវបានដោះស្រាយតាមប្រព័ន្ធអនឡាញកម្រិត៣ និង៤។ តាមប្រសាសន៍លោក ត្រឹងថាញប៊ិញ នាយកមន្ទីរអប់រំនិងបណ្តុះបណ្តាលក្រុងកឹងធើ មជ្ឈមណ្ឌលប្រតិបត្តិការអប់រំឆ្លាតវៃនិងផ្លាស់ប្តូរឌីជីថលមានសារៈសំខាន់ខ្លាំងណាស់ ដើម្បីអភិវឌ្ឍវិស័យអប់រំគ្រប់ជ្រុងជ្រោយ សន្សឹមៗផ្លាស់ប្តូរផ្នែកអប់រំរបស់ក្រុងឱ្យកាន់តែទំនើបនិងស៊ីវិល័យជាងទៀត។ ហេតុនោះ កងជួរកម្មាភិបាល គ្រូបង្រៀនកំពុងខិតខំប្រឹងប្រែងសហការជាមួយនឹងអង្គភាពនានាដើម្បីសម្រេចនូវមុខងារ និងដំណើរការគ្រប់គ្រងប្រតិបត្តិការតាមលក្ខណៈពិសេសដោយឡែករបស់ផ្នែកអប់រំផងដែរ។

ការអភិវឌ្ឍបច្ចេកវិទ្យាឌីជីថលក្នុងវិស័យអប់រំនៅក្រុងកឹងធើ កំពុងបានផ្សព្វផ្សាយអនុវត្តល្អ។ ថ្វីដ្បិតដូច្នេះក៏ដោយ តាមផ្នែកអប់រំរបស់ក្រុង ការងារនេះនៅមានកម្រិតនៅឡើយ ពីព្រោះប្រព័ន្ធតភ្ជាប់អ៊ីនធឺណិតមិនទាន់ធានាលក្ខណៈសមកាលនៅឡើយ។ ជាពិសេស គឺមានលោកគ្រូអ្នកគ្រូមួយចំនួនដែលវ័យចាស់មានការអល់អែកប្រកៀកជិត ឬកៀកជិតមិនទាន់មានប្រសិទ្ធភាពក្នុងការអនុវត្តព័ត៌មានវិទ្យា ក្នុងការបង្រៀន ពិនិត្យវាយតម្លៃ គ្រប់គ្រងសាលា។ល។ ទន្ទឹមនឹងនោះ ចំនួនបន្ទប់រៀន បានបំពាក់ឧបករណ៍ឆ្លាតវៃនៅតិច; បច្ចុប្បន្ន ឧបករណ៍មួយចំនួនក៏រងការចុះខ្សោយ និងខ្វះលក្ខណៈសមកាលជាដើម៕

ហាថាញ - វិមាន

ចែករំលែកអត្ថបទ

ពាក្យគន្លឹះ