មហាសាមគ្គីជនជាតិ គំរូក្នុងសហគមន៍

18/12/2023 - 16:22

បក្ខជនមានប្រជាប្រិយក្នុងជនរួមជាតិខ្មែរ

លោកថាច់សន នៅភូមិបុត្រី ឃុំហ្វាធ្វឹង ស្រុកចូវថាញ់ ខេត្តត្រាវិញ មានអាយុបក្សជាង៤០ឆ្នាំ។ លោកថាច់សន ជាអនុប្រធានគណៈកម្មការវត្តខ្សាច់កណ្តាល និងជាអ្នកមានប្រជាប្រិយក្នុងជនរួមជាតិខ្មែរនៅភូមិភាគផងដែរ។

លោកថាច់សន អនុប្រធានគណៈកម្មការវត្តខ្សាច់កណ្តាល។

លោកថាច់សន តែងលត់ដំខ្លួន រក្សាក្រមសីលធម៌ អត្តចរិតនយោបាយ របៀបរស់នៅមានប្រយោជន៍ សាមញ្ញ និងស្មោះត្រង់ក្នុងនាមជាបក្ខជន។ ក្រៅពីនោះ គាត់តែងសហការជាមួយនឹងព្រះចៅអធិការវត្តខ្សាច់កណ្តាល ឃុំហ្វាធ្វឹង ដើម្បីឃោសនា ផ្សព្វផ្សាយនូវគោលការណ៍ គោលនយោបាយរបស់បក្ស ច្បាប់របស់រដ្ឋ និងសេចក្តីកំណត់ផ្សេងៗដល់ព្រះសង្ឃ និងពុទ្ធបរិស័ទក្នុងចំណុះជើងវត្ត ព្រមទាំងចលនាប្រជាជនអនុវត្តនូវចលនាអភិវឌ្ឍសេដ្ឋកិច្ច លុបបំបាត់ភាពអត់ឃ្លាន កាត់បន្ថយភាពក្រីក្រ កសាងជីវភាពវប្បធម៌នៅមណ្ឌលតាំងទីលំនៅ និងកសាងជនបទថ្មី។ លោកថាច់សន ឱ្យដឹង៖ “ជាអ្នកមានប្រជាប្រិយក្នុងជនរួមជាតិខ្មែរ ខ្ញុំតែងខិតខំធ្វើជាគំរូរាល់បញ្ហា។ ខ្ញុំនិងគ្រួសារចូលរួមអនុវត្តបានល្អនូវចលនារបស់ភូមិភាគ ដូចជា៖ កសាងជនបទថ្មី អនាម័យបរិស្ថាន រួមចំណែករក្សាសន្តិសុខសណ្តាប់ធ្នាប់។ល។ ក្រៅពីនោះ ក្នុងនាមជាអនុប្រធានគណៈឃោសនាច្បាប់របស់វត្ត ខ្ញុំតែងផ្សព្វផ្សាយពីគោលមាគ៌ារបស់បក្ស គោលនយោបាយ ច្បាប់របស់រដ្ឋដល់ព្រះសង្ឃ និងពុទ្ធបរិស័ទបានយល់និងគោរពតាម”។

លោកថាច់សន (ខាងឆ្វេង) កំពុងប្តូរយោបល់ជាមួយនឹងព្រះចៅអធិការវត្តខ្សាច់កណ្តាល។

លោកស្រី គឹមធីបុប្ផា អនុប្រធានគណៈកម្មាធិការប្រជាជនឃុំហ្វាធ្វឹង បញ្ជាក់ឱ្យដឹង៖ “លោក ថាច់សន តែងម្ចាស់ការចូលរួមយោបល់ជាមួយនឹងសាខាបក្ស និងអង្គការមហាជននានា។ គាត់មានទំនាក់ទំនងជិតដិត និងមានឥទ្ធិពលយ៉ាងខ្លាំងចំពោះសហគមន៍ បានមាមីងខ្មែរគោរពរាប់អាន។ លោកថាច់សន បានជ្រើសជាអ្នកមានប្រជាប្រិយក្នុងសហគមន៍។ គាត់បានឧបត្ថម្ភថវិកាដល់គណៈកម្មាធិការបក្ស គណៈកម្មាធិការប្រជាជនឃុំ កសាងប្រព័ន្ធបង្គោលភ្លើងបំភ្លឺផ្លូវ ក្នុងនោះ គ្រួសារលោក ថាច់សន បានឧបត្ថម្ភរដ្ឋអំណាចភូមិភាគដំឡើងបង្គោលភ្លើងបំភ្លឺផ្លូវចំនួន ១៧៨ បង្គោល គិតជាទឹកប្រាក់ ៤៩ លានដុង នៅដំណាក់កាលឆ្នាំ២០១២។ ជាពិសេស គ្រួសារគាត់នៅទាំងបានបរិច្ចាគដីជាង ៦០០ម២ កសាងផ្លូវបេតុង និងជីកប្រឡាយកម្រិត II ទៀតផង។ ភាពជាគំរូនិងការរួមចំណែករបស់គាត់ បានឃុំនិងស្រុកស្ងើចសរសើរក្នុងអំឡុងពេលច្រើន ឆ្នាំមកនេះ”៕

សើុងម៉ាល័យ - វិមាន

ចែករំលែកអត្ថបទ

ពាក្យគន្លឹះ