វប្បធម៌-សិល្បៈ វប្បធម៌

30/11/2023 - 16:03

សកម្មភាពពុះពោរជាច្រើន ប្រកបដោយអត្តសញ្ញាណក្នុងឱកាសបុណ្យអកអំបុកនៅវាលរាបទន្លេគឺវឡុង

*នៅសុកត្រាំង មហោស្រពសំនៀងទូរទស្សន៍ភាសាខ្មែរតំបន់ណាមបូ លើកទី Iឆ្នាំ២០២៣ ប្រកបដោយអត្តសញ្ញាណវប្បធម៌ជនជាតិខ្មែរ ទើបនឹងបញ្ចប់។ មហោស្រពអាស្រ័យដោយស្ថានីយវិទ្យុនិងទូរទស្សន៍សុកត្រាំង សហការជាមួយនាយកដ្ឋានទូរទស្សន៍ភាសាជនជាតិ (VTV5) ស្ថានីយទូរទស្សន៍វៀតណាមរៀបចំឡើង។ បេក្ខនារី លីគឹមក្វៀង នៅស្រុកកេសាច់ ដោយមានឈុតសម្តែង “បណ្តាំអ៊ំហូ ដក់ជាប់ក្នុងក្រឳបេះដូង" ឈ្នះរង្វាន់លេខមួយ; ២រង្វាន់ លេខ២ បានទៅលើបេក្ខជនលីហ្វាងវិញ នៅក្លឹបវត្តបួនព្រះភក្ត្រ ស្រុកចូវថាញ់ ដោយឈុតសម្តែង “សុំកុំបន្ទោស” និងបេក្ខនារី ឡឹមធីយៀង នៅស្រុកមីទូ ឈុតសម្តែង “រំលឹកគុណអ៊ំហូ” ៘ មហោស្រពបានទាក់ទាញសិល្បករ-ការិនីជិត ១០០ នាក់ និងតន្រ្តីករមិនជំនាញមកពីខេត្តសុកត្រាំង ត្រាវិញ អាងយ៉ាង គៀងយ៉ាង ដោយមានឈុតសម្តែង ៧៥ ឈុត ជាប្រភេទចម្រៀងទោល និងចម្រៀងឆ្លងឆ្លើយ។

គណៈកម្មការរៀបចំមហោស្រពសំនៀងទូរទស្សន៍ភាសាខ្មែរតំបន់ណាមបូ លើកទីI ឆ្នាំ២០២៣ ជូនរង្វាន់លេខមួយដល់បេក្ខនារី លីគឹមក្វៀង។

គណៈកម្មការរៀបចំមហោស្រពសំនៀងទូរទស្សន៍ភាសាខ្មែរតំបន់ណាមបូ លើកទីI ឆ្នាំ២០២៣ ជូនរង្វាន់លេខពីរដល់បេក្ខជនទាំងពីរនាក់។

ឈុតសម្តែង "ប្រណាំងទូក-ងសុកត្រាំង" សម្តែងដោយក្លឹបសិល្បៈវត្តបួនព្រះភ័ក្ត្រ។

* ខេត្តគៀងយ៉ាង ក៏បានរៀបចំនូវសកម្មភាពជាច្រើនយ៉ាងពុះពោរក្នុងបរិយាកាសទិវាវប្បធម៌កីឡានិងទេសចរណ៍ជនរួមជាតិខ្មែរ លើកទី XV - ឆ្នាំ២០២៣ ក្នុងនោះ មានសកម្មភាពកីឡាជាច្រើន ដូច៖ ការប្រកួត Taekwondo ខេត្តគៀងយ៉ាងឆ្នាំ២០២៣; ការប្រកួតបាល់ទះបុរស ៤ នាក់ ស្រុកហ្គក្វាវ បើកទូលាយឆ្នាំ២០២៣; ការប្រកួតបាល់ទាត់បុរសនិងប្រកួតវាយសី ៘

ការប្រកួតបាល់ទាត់ក្នុងទិវាវប្បធម៌ កីឡានិងទេសចរណ៍ជនរួមជាតិខ្មែរ
លើកទី XV - ឆ្នាំ ២០២៣។

គណៈកម្មការរៀបចំវិញ្ញាសាវាយសីក្នុងទិវាវប្បធម៌ កីឡានិងទេសចរណ៍ជនរួមជាតិខ្មែរ លើកទី XV - ឆ្នាំ២០២៣ ជូនរង្វាន់ដល់កីឡាករ។

* សប្តាហ៍វប្បធម៌ខេត្តត្រាវិញ ដោយមានសកម្មភាពជាច្រើន ដូចជា៖ ផ្សារណាត់ដំណើរការពាណិជ្ជកម្ម ផលិតផលឧស្សាហកម្មជនបទ និង OCOP; បរិយាកាសម្ហូបអាហារណាមបូ; បង្ហាញពីមុខរបរធ្វើនំប្រពៃណី; ពិធីប្រឡងសម្តែងឈុតសម្លៀកបំពាក់ប្រពៃណីជនជាតិខ្មែរខេត្តត្រាវិញ លើកទី III ឆ្នាំ២០២៣ និងសកម្មភាពតាំងពិព័រណ៍ផ្សេងៗ។ ពិសេស គឺកម្មវិធីរាត្រីបុណ្យអកអំបុក ប្រព្រឹត្តឡើងនៅមណ្ឌលកេរដំណែលស្ថាបត្យកម្ម - វិចិត្រសិល្បៈ និងរមណីយដ្ឋានជាតិវត្តអង្គររាជបូរី (អង្គ) និងគូស្រះស្រី។

យុវជនជនជាតិខ្មែរនៅត្រាវិញ ចូលរួមប្រកួតបាល់ទះ។

បេក្ខជននៅត្រាវិញ សម្តែងឈុតសម្លៀកបំពាក់ប្រពៃណីជនជាតិខ្មែរ។

ភ្ញៀវទេសចរទស្សនាល្វែងដាក់តាំងនំប្រពៃណីនៅត្រាវិញ។

ជូនអាហារូបករណ៍ដល់សិស្សក្រីក្រជនជាតិខ្មែរនៅត្រាវិញ។

សប្ដាហ៍វប្បធម៌ថែមទាំងរៀបចំនូវសកម្មភាពកីឡាអប់រំកាយ ដូច៖ ប្រណាំងទូក-ង បាល់ទះយុវជនជនជាតិខ្មែរ បាល់ទាត់ក្រុមយុវជនជនជាតិខ្មែរ ៥ នាក់ និងល្បែងប្រជាប្រិយផ្សេងៗ៕

ក្រុមអ្នកយកព័ត៌មាន-លីសៀ

ចែករំលែកអត្ថបទ

ពាក្យគន្លឹះ