ព្រឹត្តិការណ៍ - នយោបាយ ព្រឹត្តិការណ៍

20/11/2023 - 15:27

ហ្វឹកហ្វឺនស្តីពីការអនុវត្តកម្មវិធីទិសដៅជាតិ

គណៈជនជាតិខេត្តគៀងយ៉ាង ទើបនឹងសហការជាមួយគណៈកម្មាធិការប្រជាជនស្រុកវិញធ្វឹង រៀបចំវគ្គហ្វឹកហ្វឺនលើកកម្ពស់សមត្ថភាពជូនកម្មាភិបាលក្នុងស្ថាប័ន គណៈ ផ្នែក អង្គការមហាជន កម្លាំងស្នូល និងអ្នកមានប្រជាប្រិយក្នុងសហគមន៍ ដែលចូលរួមក្នុងដំណើរការអនុវត្តខ្លឹមសារនៃកម្មវិធីទិសដៅជាតិ លើភូមិសាស្រ្តស្រុកឆ្នាំ២០២៣។

វគ្គហ្វឹកហ្វឺននេះមានសិក្ខាកាមចូលរួមចំនួន៣០នាក់។

តំណាងទាំងឡាយបានឧទ្ទេសនាមបណ្តាបធានបទជំនាញ ស្តីពីកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម នៅតំបន់ជនជាតិភាគតិចនិងតំបន់ភ្នំដំណាក់កាល២០២១-២០៣០ ដំណាក់កាលទី I: ចាប់ពីឆ្នាំ ២០២១ ដល់ឆ្នាំ ២០២៥ និងគោលនយោបាយជនជាតិ; បំណិនអនុវត្តបច្ចេកវិទ្យាព័ត៌មាន ក្នុងការអភិវឌ្ឍសេដ្ឋកិច្ច-សង្គម នៅតំបន់ជនជាតិភាគតិច និងតំបន់ភ្នំ; បំណិនការកសាងនិងអនុវត្តគម្រោង សកម្មភាពអភិរក្ស និងពង្រីកអត្តសញ្ញាណវប្បធម៌ជនជាតិនានា ផ្សារភ្ជាប់ជាមួយនឹងការអភិវឌ្ឍទេសចរណ៍។

វគ្គហ្វឹកហ្វឺននេះ បានជួយដល់កងជួរកម្មាភិបាល អ្នករដ្ឋការ បុគ្គលិករដ្ឋថ្នាក់ស្រុកនិងមូលដ្ឋាន គឺជាតួអង្គចូលរួមនិងអនុវត្ត ក្តាប់ច្បាស់នូវទស្សនៈ គោលការណ៍ គោលនយោបាយរបស់បក្សនិងរដ្ឋ អំពីគម្រោងនានាក្នុងកម្មវិធីទិសដៅជាតិ រួមចំណែកអនុវត្តល្អការងារជនជាតិ និងគោលនយោបាយជនជាតិនាពេលខាងមុខ៕

ធីហ្វា

ចែករំលែកអត្ថបទ

ពាក្យគន្លឹះ