មហាសាមគ្គីជនជាតិ ភូមិស្រុកផ្លាស់ថ្មី

06/11/2023 - 17:13

ដាស់ភ្ងោកកម្លាំងប្រជាជន ដើម្បីកសាងជនបទថ្មី

ឃុំសុងឡុក ស្រុកចូវថាញ់ ខេត្តត្រាវិញ បានកសាងឃុំជនបទថ្មីសម្រេចជោគជ័យ។ សមិទ្ធផលទាំងនេះ គឺមានការរួមចំណែកជាវិជ្ជមានរបស់ប្រជាជននៅភូមិភាគ។

គ្រួសារដែលបរិច្ចាគដីកសាងផ្លូវ សប្បាយរីករាយនៅពេលដែលឃុំជនបទថ្មីបាន
កសាងសម្រេច និងដាក់ឱ្យប្រើប្រាស់។

លោក យ៉ីបភឿង អនុប្រធានគណៈកម្មាធិការប្រជាជនឃុំសុងឡុក ឱ្យដឹង៖ “ដើម្បីដាស់ភ្ងោកកម្លាំងប្រជាជនក្នុងការកសាងជនបទថ្មី បក្ខភាគ រដ្ឋអំណាច គ្រប់ខណៈផ្នែក និងអង្គការមហាជនឃុំ បានសកម្មធ្វើការផ្សព្វផ្សាយដល់ប្រជាជនអំពីប្រសិទ្ធភាពនៃការកសាងជនបទថ្មី; កៀរគរប្រជាជនចូលរួមកសាងជនបទថ្មី មានដូច៖ កៀរគរប្រជាជនបរិច្ចាគដី កសាងផ្លូវ; ចូលរួមថវិកាកសាង និងដាក់ឱ្យប្រើប្រាស់អំពូលភ្លើងបំភ្លឺផ្លូវសាធារណៈចំនួន ១២ ខ្សែ នៅតាមដងផ្លូវជាតិ ផ្លូវខេត្ត និងផ្លូវជនបទ មានប្រវែងសរុបជាង ១៩,៥ គីឡូម៉ែត្រ អស់ថវិកាសរុប ៨៥០លានដុង។ ដោយកំណត់ច្បាស់ការអភិវឌ្ឍគមនាគមន៍ គឺជាគន្លឹះសំខាន់ដើម្បីអភិវឌ្ឍន៍សេដ្ឋកិច្ច-សង្គម ឃុំប្រើប្រាស់បានល្អនូវប្រភពទុនពីថ្នាក់លើ កសាងផ្លូវក្រាលកៅស៊ូប្រវែង១៨គីឡូម៉ែត្រ និងផ្លូវដាន១៧,២គីឡូម៉ែត្រ៖ ផ្លូវទាំង១០០% ក្នុងឃុំបានតភ្ជាប់ទៅកាន់មជ្ឈមណ្ឌលខេត្ត ស្រុក និងឃុំជិតខាងបានយ៉ាង រលូនផ្លូវក្រៅពីនោះ ធានាគ្មាននៅភក់ជ្រាំ បម្រើដល់ការដឹកជញ្ជូនទំនិញ និងការធ្វើដំណើរទៅមករបស់ប្រជាជនបានយ៉ាងល្អ។

ផ្លូវជនបទថ្មីកសាងសម្រេច ប្រជាជនដឹកជញ្ជូនមុខទំនិញមានភាពងាយស្រួលជាង។

លោក ថាច់សុង នៅភូមិក្នក មានប្រសាសន៍ថា៖ “រដ្ឋអំណាចភូមិភាគ បានមកបញ្ចុះបញ្ចូលគ្រួសារខ្ញុំឱ្យបរិច្ចាគដី ដើម្បីកសាងផ្លូវដាននៅក្នុងភូមិ គ្រួសារខ្ញុំក៏បានបរិច្ចាគដី ៣០០ ម៉ែត្រការ៉េ។ បច្ចុប្បន្ន ផ្លូវបានកសាងរួចរាល់ និងដាក់ឱ្យប្រើប្រាស់ ប្រជាជនមានការរំភើបយ៉ាងខ្លាំង ហើយកាន់តែរំភើបជាងទៀតនៅពេលដែលជីវភាព សម្ភារៈ និងស្មារតីរបស់ប្រជាជន មួយថ្ងៃកាន់តែប្រសើរឡើង”។ លោកគឹមសាហ្វាន់ នៅភូមិត្រាណុក ឱ្យដឹង៖ “គាំទ្រការចលនាកសាងជនបទថ្មី គ្រួសារខ្ញុំបានបរិច្ចាកដីធ្វើផ្លូវ និងដាំដើមឈើដើម្បីបង្កើតសោភណភាពបរិស្ថាន”។

នាពេលខាងមុខ ឃុំនឹងបន្តរក្សានិងបង្កើនគុណភាពលក្ខឋានកសាងជនបទថ្មី ឆ្ពោះទៅកាន់ឃុំជនបទថ្មីកម្រិតខ្ពស់។ ចំពោះលក្ខឋានដែលងាយនឹងប្រែប្រួលមានដូច៖ បរិស្ថាន សន្តិសុខ-សណ្តាប់ធ្នាប់ ពលករមានការងារធ្វើ; គ្រួសារក្រីក្រ; ប្រាក់ចំណូលមធ្យមភាគលើមនុស្សម្នាក់ ... ឃុំបានជំរុញយ៉ាងខ្លាំងក្លាការ បង្វែររចនាសម្ព័ន្ធពលករ បង្កើតការងារធ្វើថ្មីជាច្រើន; ឧបត្ថម្ភអភិវឌ្ឍន៍ អាជីវកម្មតូច មធ្យមនិងការអភិវឌ្ឍកសិដ្ឋាន។ ឧបត្ថម្ភបុលទុន បណ្ដុះបណ្ដាលវិជ្ជាជីវៈ ជួយគ្រួសារក្រីក្រ ជាពិសេសគ្រួសារមានមធ្យោបាយ និងធនធានផលិតកម្ម ធ្វើការរកស៊ីរួចផុតពីភាពក្រីក្រ... បន្តការផ្សព្វផ្សាយ និងលើកកម្ពស់ការយល់ដឹង និងការទទួលខុសត្រូវរបស់ប្រជាជន ក្នុងការថែរក្សាផ្លូវក្នុងភូមិស្រុក “ភ្លឺ-បៃតង-ជ្រះ-ស្អាត”។ អនុវត្តមានប្រសិទ្ធភាពការងារសហការរវាងនគរបាល យោធា និងអង្គការមហាជនឃុំ ភូមិ... ក្នុងការការពារសន្តិសុខ សណ្តាប់ធ្នាប់ សុវត្ថិភាពនៅជនបទ៕

សើុងម៉ាល័យ

ចែករំលែកអត្ថបទ

ពាក្យគន្លឹះ