សន្តិសុខ - ការពារប្រទេស ការពារប្រទេស

25/09/2023 - 15:39

ទម្រង់រក្សាសន្ដិសុខសណ្ដាប់ធ្នាប់ជាច្រើនពង្រីកបានប្រសិទ្ធភាព

នគរបាលខេត្តបាកលីវ សហការជាមួយនឹងអ្នកមានប្រជាប្រិយ កៀរគរជនរួមជាតិខ្មែរសកម្មចូលរួម “ចលនាទូទាំងប្រជាជនការពារសន្ដិសុខមាតុភូមិ” ដើម្បីកសាងភូមិស្រុកសុខសាន្ត។

ក្រុមស្វ័យគ្រប់គ្រងវង្សត្រកូល សុំយោបល់ពីព្រះចៅអធិការវត្តគម្ភីរសាគរ (ព្រែកជ្រៅ) ឃុំវិញត្រាច់ដុងអំពីខ្លឹមសារផ្សព្វផ្សាយដល់សមាជិកក្នុងការប្រជុំប្រចាំខែ។

លោកថាច់សល់ ប្រធានក្លឹប បានបង្ហាញឱ្យសមាជិកឃើញពីសកម្មភាពរបស់
ឧក្រិដ្ឋជននៅលើបណ្ដាញសង្គម។

ទម្រង់សន្ដិសុខសណ្ដាប់ធ្នាប់មានប្រសិទ្ធភាព មាមីងខ្មែរនៅឃុំហឹងហោយព្រួតដៃគ្នាកសាងភូមិស្រុកសុខសាន្ដនិងបរិស្ថានជ្រះស្អាត។

ក្រុមស្វ័យគ្រប់គ្រងវង្សត្រកូល ឃុំវិញត្រាច់ដុង ក្រុងបាកលីវ បានបង្កើតនៅឆ្នាំ២០១១។ បច្ចុប្បន្ន មានត្រកូលចំនួន៤គឺ សើុង ថាច់ ត្រឹងនិងឡឹម សរុបមានជាង៦០ គ្រួសារចូលរួម។ រៀងរាល់ខែ សមាជិកក្នុងវង្សត្រកូលបានមកជួបជុំគ្នានៅវត្តគម្ភីរសាគរ (ព្រែកជ្រៅ) ដើម្បីប្រជុំជីវកិច្ច ឃោសនាផ្សព្វផ្សាយអប់រំច្បាប់; កៀរគរសមាជិកក្នុងវង្សត្រកូល អនុវត្តល្អនូវគោលការណ៍ គោលមាគ៌ារបស់បក្ស ច្បាប់របស់រដ្ឋ ដាស់តឿនក្រើនរំឮកកូនចៅឱ្យជៀសឆ្ងាយពីបាបគ្រោះសង្គម។ល។ លោកសើុងសុង ប្រធានក្រុមវង្សត្រកូលសើុង ឱ្យដឹង៖ “បង្កើតបានក្រុមស្វ័យគ្រប់គ្រងវង្សត្រកូល គឺមានអត្ថន័យយ៉ាងធំធេងក្នុងការរក្សាសន្ដិសុខសណ្ដាប់ធ្នាប់ ដ្បិតអីខណៈពេលដឹងថា មានសមាជិកក្នុងគ្រួសារណាប្រព្រឹត្តល្មើសច្បាប់ ក៏ចុះទៅលើកទឹកចិត្ត ផ្សព្វផ្សាយច្បាប់ដើម្បីសមាជិកគ្រួសារនោះយល់និងអនុវត្តល្អ។ ប្រធានក្រុមវង្សត្រកូលនីមួយៗ សុទ្ធសឹងជាអ្នកមានប្រជាប្រិយ ម្ល៉ោះហើយបានចូលរួមសម្រុះសម្រួលជោគជ័យករណី ជម្លោះលែងលះគ្នា វិវាទដីធ្លី គ្រោះថ្នាក់ចរាចរណ៍ជាដើម។ ក្រៅពីនោះ សមាជិកនៅទាំងជួយគ្នាទៅវិញទៅមកក្នុងការអភិវឌ្ឍសេដ្ឋកិច្ចរស់នៅសាមគ្គី ព្រួតដៃរក្សាសន្ដិសុខ សណ្ដាប់ធ្នាប់ភូមិស្រុក”។

តាមប្រសាសន៍លោកង្វៀងហ្វាងអែម ប្រធានគណៈកម្មាធិការប្រជាជនឃុំហឹងហោយ ស្រុកវិញឡើយ ប្រធានគណៈចង្អុលការក្លឹប៣ សកម្មក្នុងជនរួមជាតិខ្មែរ ដំណើរការជាង១០ ឆ្នាំ ក្លឹបសម្រេចបានប្រសិទ្ធភាពខ្ពស់ក្នុងការរក្សាសន្ដិសុខសណ្ដាប់ធ្នាប់។ ក្នុងចំណោមសមាជិកក្លឹបទាំង៣៥នាក់ ភាគច្រើនគឺអ្នកមានប្រជាប្រិយនៅភូមិភាគ ម្ល៉ោះហើយមានភាពងាយស្រួលក្នុងការផ្សព្វផ្សាយ កៀរគរជនរួមជាតិខ្មែរអនុវត្តល្អនូវគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ។ ក្រៅពីនោះ កម្លាំងនគរបាលតែងណែនាំដល់សមាជិក មាមីងខ្មែរឱ្យយល់ដឹងអំពីឧបាយកលសកម្មភាពរបស់ឧក្រិដ្ឋជន; កៀរគរមាមីងខ្មែរបង្កើនការប្រុងប្រយ័ត្ន មិនស្ដាប់ពាក្យឃោសនាអូសទាញរបស់អានុភាពពីខាងក្រៅ ដើម្បីបំបែកបំបាក់ផែនមហាសាមគ្គីជនជាតិ និងប្ដេជ្ញាតស៊ូប្រយុទ្ធប្រឆាំង បរិហារឧក្រិដ្ឋជន ដើម្បីរក្សាសន្ដិសុខសណ្ដាប់ធ្នាប់នៅភូមិភាគ។ លោកថាច់សល់ ប្រធានក្លឹប ឱ្យដឹង៖ “សមាជិកក្លឹបនឹងបង្កើតក្រុមស្វ័យគ្រប់គ្រង ក្រុមស្វ័យគ្រប់គ្រងវង្សត្រកូលក្នុងភូមិ ក្នុងតំបន់តាំងទីលំនៅដើម្បីគ្រប់គ្រងនិងកៀរគរមាមីងខ្មែរចុះឈ្មោះគ្រួសារមិនប្រព្រឹត្តល្មើសច្បាប់”។

បច្ចុប្បន្ន ទូទាំងខេត្តមានក្រុមស្វ័យគ្រប់គ្រងវង្សត្រកូលចំនួន៥០ ដោយមានសមាជិកជាជនជាតិខ្មែរជាង៧.២៥០នាក់។ ទម្រង់ “ក្រុមស្វ័យគ្រប់គ្រងវង្សត្រកូល” ក្លឹប៣សកម្មក្នុងជនរួមជាតិខ្មែរ កំពុងដំណើរការប្រកបដោយប្រសិទ្ធភាពត្រូវបានក្រសួងនគរបាលវាយតម្លៃខ្ពស់និងបើកទូលាយនៅភូមិភាគនានា៕

យ្វីអាញ - ថាច់ធី

ចែករំលែកអត្ថបទ

ពាក្យគន្លឹះ